ايه رايكم فى الاغنيه دى ؟؟ مع احترمى الشديد للملك منير بس انا كان ليه تصور تانى والى عنده اى تصور هو كمان
يكتب ويقول رايه
الفقر حبيبى وشريانى ..اهدانى بطاقه شخصيه
الاسم الكامل خريج ..من اى جامعه مصريه
المهنه عاطل وبدور ..على اى شغلانه وهميه
والشغلانه فاتحه على الشارع ..والشارع هايرحب بيا
......
الفقر حبيبى وشريانى ..اهدانى بطاقه شخصيه
ولسه باخد مصروفى ..الهى يخليلى والديا
عالقهوة بناضل بتعلم ..وصحابى عالم فقريه
استاذ فى الدومينو وفى الطاوله ..وخلاص بقى فاض الكيل بيا
......
9 comments:
هو انا من وجهة نظرى انه بيوصف حال الشباب خريجين الجامعة وفى نس الوقت عواطليه
والله الناس دى بتصعب عليا قوى
نصيبهم انهم فى وطن رافضهم
تحياتى
ميجو
أول معرفة لى بمدونتك المميزة
أعذر جهلى ولكن هل هذه أغنية جديدة لمحمد منير؟
وأين يمكن ان أسمعها على النت؟
كلماتها تبدو أكثر جرأة عن المعتاد من منير، أو ربما أنا أتحدث عن منير من عشرة أعوام أو أكثر حين كنت على دراية أكثر بأعماله
وتحياتى
الاستاذ او الاستاذه بلاك روز تشرفت بوجودك فى مدونتى انا ومشمش ..انا من مجانين محمد منير ومن اشد المؤيدين لتجربته فهو فنان بمعنى الكلمه يعبر عن حاله فنيه مختلفه ..هذه الاغنيه هى اغنيتى على وزن مساكن شعبيه فانا اهوى كتابه الشعر العامى ..فهذه الاغنيه من تاليفى ..اى انها رؤيتى فى اغنيه مساكن شعبيه ..وشكرا على تعليقك
ازيك يا قطة
انا بس حبيت اسلم عليكي
love,
MishMish
لووووووووووووووووووووووووووووووول
مع الاعتذار للاغنية فعلا
دمكوا خفيف اوي يا ميجو انت و مشمش
بس يا ريت اعرف مين ميجو و مين مشمش
بتفكروني باتنين صحابي هنا في قطر
دمهم خفيف زيكوا كده بالظبط
تحياتي
هاي يا حفصه
انا مشمش زوجوجة الاستاذ واسمي ايمان
وميجو زوجوجي اسمه امجد
يا ريت يكوني عرفتي الفرق كمان في فرق واضح في اسلوب الكتابه تلاقي ميجو بيكتب باسلوب لطيف ومعظم كتباته يبقى فيها شعر
انما كتاباتي كلها تحسي فيها انا بتخانق مع اي حد او اي حاجة تقدري تقولي كدة بقول شكل للبيع
بجد انا مبسوطة قوي اننا بقينا صحاب
Love,
MishMish
و انا كمان يا مشمشة
مبسوطة اني عرفت ناس حلوين زيكوا كده
صحيح نسيت اقول
انا اسمي حفصة بالصاد مش بالظاء
معلش انا عارفة اصله اسم تقيل حبتين شوية
Post a Comment