المرة ديه هتكلم جد من غير تهريج ولا تريقاه علشان الموضوع كبير. من كام يوم قرايت الكرنك 2008 عند وائل عباس في الوعي المصري
ومن ساعتها وانا مش مفيش حاجة في دماغي غير احمد واللي حصله. وعماله اتخيل ايه اللي كان ممكن يحصلي لو كنت مكانه قدام الباشا ظابط امن الدولة. ودة الكلام اللي قاله الباشا: - الحوار موجود بالكامل عند وائل
محدش ليه دعوه .. كله يمشى .. احنا امن دوله .. ياللا من هنا يا ** انت و هومانت وقعت أهوه يا **** فيه حد يهرب من امن الدوله يابن ال** احنا هانعرفك احنا مين يابن ال**** كسروله العربيه ... كسروا عضم امه ابن ال*** ده ....
... انت بتتكلم ليه- قوم اقف ياد ..انت بقى المناضل؟؟
.. انت بقى اللى هاتعمل اللى محدش عمله؟؟؟ ...
انت يابنى هتسافر دلوقتى- ابقى تعالى *** على قبرى لو شوفت الشارع تانى .. يابن ال*****- حضروا الكهربا .. الواد ده مش متربى و مش عارف ازاى يعامل اسياده- احنا ياد اسيادكوا و اسياد كل البلد دى .. هنعرفك دلوقتى احنا مين
- مابتردش علينا ليه* يعنى اتكلم و لا اخرس ..؟؟؟؟- ... يا جماعه قولت مش عايزه يبطل صويت .. احنا هانطلع دين امك
انت بقى اللى عاملى فيها راجل؟؟؟قول انا مره
قول انا مره
قول انا مره
و كمان بتحسبن علينا؟؟؟ دا انت هايطلع دين امك خلاص سيبه هو لما يركب الزحليقه هايقول كل حاجه
انت بقى اللى عاملى فيها زعيم و مش هامك امن الدوله .... هاتولى ابن ال**** ده على جوه
بص يا باشا .. احنا نطلعله أمر إعتقال و نخلص منه- وليه ... هو هايخر بكل حاجه دلوقتى
- يا باشا دا صنف ابن **** .. الاشكال دى لازم تتربى علشان يعرفوا احنا مين
... يابنى انت حشره .. ولا حاجه..و اى حد بتتحمى فيه ولا هايعرف يعمل لك حاجه...
الاحزاب بنت ال**** و شوية ال**** اللى عاملين مراكز حقوق انسان دول نلمهم فى عربيتين. بالطبع لم ينسى هذا الضابط الطيب ان يدعم أقواله ببعض السباب لجميع الشخصيات السياسيه فردا فردا من جميع التيارات من اقصى اليمين لأقصى اليسار ايمن نور, جميله اسماعيل , امير سالم , اسامه الغزالى حرب , مجدى احمد حسين , محمد عبد القدوس , جورج اسحق ... بالاضافه الى اهلى اللى ماعرفوش يربوني
قوللى بقى يا بتاع الفيس بوك انت ... ازاى يجيلك استدعاء من 10 ايام و ماتجيش
* انا مجاليش اى استدعاءات- رد على الباشا عدل .....و تبدأ مسابقة الضرب و الركلات* آآآآآآآآه-
هاسألك السؤال تانى .. ازاى يجيلك استدعاء بك..... و ماتجيش يابن ال***** دا كان مجرد تليفون اللى جالى ... ماكانش استدعاء رسمى ..و كان الكلام عن دردشه مش استجواب-
لأ .. ده اسمه استدعاء ... انت بقى ماجيتش لييييه؟
- يا باشا سيبنى عليه شويه دا عيل لبط .. سيبنى اعدلهولك شويه*
يا باشا دا عيل مش متربى يا باشا ... سيبنى اظبطه شويه ... الكهربا جوا جاهزه- و ليه الكهربا ... هاتتكلم عدل ياد ولا نخليك تخر بكل حاجه لوحدك؟؟
يا جماعه انتوا إزاى تجيبوهولى مش متظبط ... ظبطوه الاول قبل ما يدخلى... هاتوهولى جاهز علشان الوقت و تعب القلب
افتكرت ياد يا ***** ولا نجيب العصايه ... هاتولى اتخن عصايه عندكوا*
خلاص خدوه .. و إحمد " ربنا" انك وقعت فى ايد حد حنين .. ممكن بعد كده تقع فى ايد حد ما بيرحمش
ثم انتهى اليوم بدخولي للمدير و تبدأ النصائح الابويه الحنونه- احنا مش ضدكوا .و لا سفاحين زى ما جرايد المعارضه ما بتصورلكوا ... معلش .. اعتبرنا زى والدك********فكر فى حزب او جمعيه اهليه او مركز دراسات ... لكن الفيس بوك لأ لأ لأ
احمد مش ارهابي رمى قنبله في ميدان التحرير ولا منتمي للمحظورة ولا تاجر مخدرات ولا جاسوس لاسرائيل ولا زهق من حال البلد اللي مش هيتعدل وسابها ومشي
احمد زيه زينا للاسف بيحبها ونفسه تبقى احسن وعنده مشاكل زينا وبيصرخ زينا لنوابه في مجلس الشعب اللي محدش منهم بيهتم وللحكومة اللي جايه من كوكب الروقان وملهاش دعوة باللي بيحصل وسيادة الرئيس اللي متفرغ تماماً لحل مشاكل الاخوة في فلسطين والاخوة بتوع مصر بياكلوا طين
بص يا سعادة الباشا:
احمد واسراء وغيرهم هيفضلوا عاليين
انما سعادتك يا باشا عقابك الوحيد انك نفسك. وافتكر ده كويس لما تروح بيتك وتبص في عينين ولادك
تحديث
"I Have experienced the fate of a victum. I have seen the torturer face at close quarters. It was in a worse condition then my own bleeding face. The torturer face was distorted by a kind of atwitching that had nothing human about it.......
In this stituation I truned out to be the lucky one. I was just a man who moaned because he was in a great pain. At that moment I'm deprived of the joy of seeing childern going to school or playing in parks. whereas he has to look his own childern in the face"
Where is God when it hurts? Philip Yancy
وقعت تحت التعذيب من قبل واثناء ذلك شاهدت وجه مُعذبي عن قرب. واكتشفت انه كان في حالة اسواء من حاله وجهي النازف. وجه مُعذبي كان مشوه بطريقه اخلته من اي ملامح إنسانيه
فعرفت اني كنت صاحب الحظ الاوفر فقد كنت ببساطة ذلك الشخص الذي يتأوة بشدة من الالم
في تلك الايام حُرمت من متعه رؤيه الاطفال وهم ذاهبون إلى مدارسهم ولهوهم في الطريق اما في نفس تلك الايام كان على مُعذبي ان ينظر في وجه اطفاله كل يوم
Love,
MishMish
المرة ديه هتكلم جد من غير تهريج ولا تريقاه علشان الموضوع كبير. من كام يوم قرايت الكرنك 2008 عند وائل عباس في الوعي المصري
محدش ليه دعوه .. كله يمشى .. احنا امن دوله .. ياللا من هنا يا ** انت و هو
انت بقى اللى عاملى فيها راجل؟؟؟
19 comments:
قلبي أنقبض وأنا عمالة أقري البوست ده
الدنيا أسودت في عيني لما تخيلت أن فيه ناس بتتعلمل كدة
الظابط ده طايق نفسه إزاااااااااااي ؟
المشكله يا سوسو في ان الظابط ده مش جاي من الفضاء الخارجي. ده كان ممكن يبقى زميلنا في المدرسة او جارنا او حد كنا معجبين بيه ايام ثانوي
حتى لو ديه الاوامر حتى لو هو ده شغله. ايه اللي يخليه يطيع امر يحوله لوحش. ايه اللي يخليه ينسى انه انسان قبل كل شيء
انا مش ممكن اتخيل نفسي اعرف حد زي كدة لا من قريب ولا من بعيد.
فاكرة زمان لما كان رشدي اباظة او عمر الشريف يطلعوا في فيلم عاملين ظباط. كنت ببقى نفسي ومني عيني اتجوز ظابط. لكن دلوقتي انا متمناش ان ده يحصل ليا ولا حتى لحد بكرهه
Love,
MishMish
عزيزتي مشمش
شوفي ياجميل
هو بيعمل اللي مكلف بيه عبد المأمور يعني
عشان يفضل في مكانه عشان مايضحيش بوظيفته
فكرك يهمه الناس و رأيهم فيه؟هو اساسا معموله غسيل مخ و مفكر انه بيخدم البلد
فاكره الفيلم اللي طلع فيه محمود عبد العزيز مع احمد زكي اللي اسمه البرئ؟شوفتي محمود عبد العزيز اللي كان ظابط في امن الدوله كان بيعامل بنته ازاي؟كان في البيت رقيق و لطيف و يجنن و في الشغل شخصيه مختلفه تمام منتهي الازدواجيه
and the timeless question remains, Where is God when it hurts? , actually, where is god anytime we need him??
it seems we have to wake up and accept the truth that god wants us to face our fate alone. right??
حسبى الله و نعمه الوكيل الضابط ده هو وامثاله بجد بيجى ليهم نوم بيروح البيت فى نتهى الراحه وهما ديسين على رقاب البشر وبيعذبوهم
ياااااه يا مشموشه والله قلبى وجعنى وانا بقرا الكلام ده
حسبنا الله ونعم الوكيل
الاجندة العزيزة
انا بس مستغربه إزاي يبق في بني ادم يعمل كدة. احمد معملش حاجة مضرة. احمد مقالش اخربوا الدنيا احمد قال خليك بالبيت
يعني ايه معموله غسيل مخ. ماهم بيقولوا كدة عن العيال الارهابين اللي بيفجروا نفسهم. ايه الفرق ما بين جهاز امن الدوله والجماعات الارهابية
شغله انه يحمي احمد واللي زيه مش العكس. وبقولك تاني زي ما قولت لسوسو
مفيش حاجة في الدنيا تخليه بتنازل عن ادميته
احمد بن الحاج ماهر مش من أعداء الشعب
Love,
MishMish
Dear Hafssa
I had to think a lot before answering your comment.
I do believe – and this is me MishMish not my religious belief – that God is always there with us especially when it hurts. And he can intervene at anytime to solve the problem but in this case he wouldn't be a God but he would be the Jinni of the lamp.
I don't believe in fate I do believe that man can make his fate. I see obstacles of life as challenges that have to be concord.
I see the purpose of life is constant development & search for meaning. In anther word it's like a game in order to enter the next level you have to successfully pass your current level.
Love,
MishMish
إلى سيادة الرئيس
والله يا افندم انا مش عارفه هما إزاي بتعاملوا مع اهلهم. يعني بيقعدوا يحكوا مثلاً هما كهربوا كام واحد وكسروا عضم كام واحد وحاجات كدة
ولا مبيجبوش سيرة خالص
love,
MishMish
والله يا قطوطة انا نفسي لغايه دلوقتي مش مصدقه ان اي حد اياً كان ممكن يعمل كدة في اي حد
وبعدين ايه الفرق بين الظابط وجماعات الدبح في العراق
مابقاش يفرق غيرهم غير الزي. وبتوع العراق حاطين علم اسود وراهم وبتوع امن الدوله للاسف حاطين علم مصر
Love,
MishMish
عارفه يا مشمش كان فيه بوست اللى نزل ليه فىالكتاب بتاع مدونات مصريه للجيب البوست اسمه رساله الى من لا اعرفه
وفعلا كنت بسأل كل الاسءله اللى احنا بنسألها بس ملقتش حد يجاوبنى ربنا على الظالم
dear mishmish, whether its ur believes as mishmish or ur believes as a true christian, its the same noble one. but thats not the issue.
i know god do exist always with us, but i dunno know how to put it.
its abit hard to explain it in the wide open, u never know who might take ur words and use htem later against u.
i appreciate ur honesty with me and the hassle i cuased for answering such a question.
by the way, fo rme, if life had no challenges, i wouldnt have liked to liv ein it, coa otherwise it owuld have been very silly and tasteless.
have a nice day my friend.
:)
thanks for correcting my name on the side list.
العزيزة ابي
مبروك على الكتاب ويا ريت يبقى في حد بيقرا وبيفهم. هما مش بيبصوا لقدام المركز مش هيفضل دايم في يوم هيجي هيدفعوا فيه التمن. وساعاتها محدش هايرحمهم زي ما هما مرحموش حد
Love,
MishMish
Dear Hafssa,
You haven’t caused a hassle by your question, in fact it was such a deep one so should be the answer. I hope I answered your question & I apologized if I seemed preaching. You know with all the religious background & culture sometimes you feel like your brain is programmed to use certain way of thinking & talking.
But I disagree with you when you said “u never know who might take ur words and use them later against u”. We all choose to blog in order to escape from the censorship. I own my life and I’m proud of my thoughts whether they were right, wrong, odd whatever they are.
Our life is too short to worry about how others would think of us.
Have a nice day
Love,
MishMish
Hello mismish
i just wanted to express my admiration to what u said to hafssa and the dialogue between u and her
life is yes too short to worry about what others think of us
we have to write whatever we belive in whether others agree with or no
my best regards to u and migo and everyone here
الى الاجندة
شكراً ليكي على انك متابعه التعليقات. وفعلاً حفصه - يا رب اكون كاتبه الاسم صح - دماغ عاليه انا بحترمها وبحترم مدونتها وتعليقاتها على بقيه المدونات
والله يا اختي انا بحاول اقول اللي انا عايزة وبفكر فيه وساعات بتيجي سليمة وساعات بتهزء
يعني ابسط حاجة انا بعلق في المصري اليوم وفي ايلاف باسم
Nosha
انا عايزاكي تشوفي البهدله
واللي يغزيك بقه ان ايلاف تنشرلك تعليق واحد لكن لو في مجموعه شتيمة بتنشرلهم سبعين تعليق
يلا منهم لله
http://www.elaph.com/ElaphWeb/ElaphGuys/2008/5/333665.htm
Love,
MishMish
ومالها المحظورة يا سيدي ..مضايقاك في ايه...احنا بنحب البلد دي أكتر من أي حد ..وأكتر ناس بتضحي علشانها..واللي يقول غير كده..يبقى غبي..مش عارف يفرق بين الخير والشر..بين أمن الدولة..وبين الناس اللي عايزة البلد دي تقوم على رجليها وتبقى بلد محترمة ..وكفايه بقى شغل التكفير الوطني اللي يقرف دا
آسف عل اللغة بس دي الحقيقة..تكفير وطني وتنقيب في الضمائر
Post a Comment