مافيش فى الدنيا صاحب
يتصاحب
(زى (الشمعدان
كل مابتحبه
بيحبك كمان وكمان
اصل الصحاب انواع
(صحاب نوعها ( نايتى
(و(مولتو
لا تشبعك..
ولا تخليك جعان
وصحاب تانيين
محنطين...
منشييين
(زى( بسكو مصر
تاكل قطمه واحده
يلزق فى بقك
وتبقى عطشان
(وصحاب زى( بيمبو
مافيش منها فى السوق
ولو لقيتها ...
تقول ..
مش دا الطعم بتاع زمان
ميجوووووووو
16 comments:
الشمعدان و البمبو و أكياس لوليتا و كيمو كونو
يخيبك ... فكرتني بالذي مضى
: )
على باب الله
بذمتك مش الصحاب انواع زى البسكويت ؟ لكن للاسف مافيش الصديق الشمعدان الوفى الى زى مابتحبه بيحبك كمان وكمان تحياتى
ميجوووووو
بجد يا ميجو انت عسل
بس تعرف والله معاك حق فعلآ في كل كلمه
بوسلي ساندو
ههههههههههه حلو التشبيهات دي قوي وانا من اشد المعجبات بكل منتجات بسكو مصر خصوصا بسكوت لوكس مع الشاي
لا لا لا لا
انا مش بحب اصاحب الناس الوحشين دول
انا اصحابي
شبسي و دوريتوس
هههههههههههه
I've always seen your blog's name in Hassan el Hilali's blog, this is my first time to come here and read.
Really nice, you have a cute style.
Marika
بسكو مصر
طب مفياش عندك ريرى بتاع هتلنا ريري هتلنا ريري
هتلنا منه باكو واتنين ؟
ربنا يهديك
ايه الحلاوة دي
امال فين طاهر القويري
ايمى
اهو كله قلش فى اى حاجه ساعات الواحد بيبقى مهيس وبيكتب حاجات غريبه
تحياتى
حاسوباتيه
انا بحب البسكوت بالبلح بيبقى جامد جدا مع الشاى فى البلكونه
تحياتى
مفروسه دايما يارب
بس ابقى خلى بالك من الحاجات دى عشان لاتسمن ولا تغنى من جوع
تحياتى
marika
nice 2 c u in el balakona . we wish 2 come back 2 have some tea with us me and mishmish and sandra
bye
صوت من مصر
--------
الحقيقه انا ماصاحبتش حد لغايه دلوقتى من نوعيه ريرى ريرى هاتلنا منه باكو واتنين ..لو انت شايف ان فيه حد من صحابك كدا ..انت ادرى
تحياتى
ميجوووووو
فهد
انا مش عارف كلامك دا تريقه ولا ايه بالظبط ..وبعدين ربنا يهدينى على ايه؟
ممكن تفهمنى اصل فهمى بطيئ شويه؟
لو كلامك اعجاب ..متشكرين ياعم على ذوقك ..
اتمنى انك توضح اكتر عشان كلامك مختصر ومش مفهوم ..اصل دماغى راحت لبعيد شويه
تحياتى
ميجووووووووو
ربنا يهديك
يابني انت ايه اللي فهمته ده
انا بقول ربنا يهديك علي شقواة افكارك
اسلوبك ساخر وضحكني جدا
دمك خفيف
زي ما بنقول كده الله يجازيك
فهد
معلش انا اسف على الدخله الى مش مظبوطه بتاعتى دى ...اصل ولاد الحرام ماخلوش لولاد احلال حاجه ..معلش اصل اسلوبك مختصر وافتكرت انك بتتريق ..على العموم حصل خير ..وانا علطول بعدى على المدونه بتاعتك ..وقلت مش معقول واحد محترم زى فهد يتريق عليك ياواد ياميجو
على العموم دى بدايه صداقه مابيننا وتبقى علطول فى البلكونه ونشرب شاى سوا تحياتى
ميجوووووو
Post a Comment