أترك لقارئ هذه السطور حرية التخيل...... من هو اكثر واطي قابلته في حياتك؟ ربما يكون شخص او اكثر.... على العموم منتظر التعليقات
الواطي ابن الواطي
تشوفه .... سبحان العاطي
ناسي هو مين
ناسي كان اصله ايه؟
سيده.... هو الجنيه
كداب منافق ملاوع
وتلاقيه دايماً مطاطي
الواطي ابن الواطي
تشوفه كتير في الشوارع
في الشركات والمصانع
واقف في الصف الاول
في الكنايس والجوامع
حربايه بيلبس اي وش
عايش حياته غش فغش
وذمته استك مطاطي
الواطي ابن الواطي
على كل لون يا باتستا
شيوعي رأسمالي إشتراكي
ويقولك ديموقراطي
يبان مصاحب كل الخلق
زي القلقاس بيحب السلق
ويغير فيهم زي البلاطي
الواطي ابن الواطي
في كلامه العسل حاططلك سم
تنح بجح ماعنده نقطة دم
ويخوزق في الناس احتياطي
يحكيلك عالفضيله
وهو اخر نيله
ده حتى ابليس يقوله
يا واطي يا ابن الواطي
ميجووووووووووووو
23 comments:
عزيزي ميجو
الشخصيه دي بنلاقيها كل يوم في حياتنا
في كل المجالات بتاعت الحياه
فيه اللي بيبين اصله الواطي علي طول
و فيه اللي تاخد سنين عقبال ماتكتشف اصله الواطي
المواقف هي اللي بتبين الناس دي علي حقيقتها
لكن حتي و احنا متوقعين اد ايه هما واطيين بنزعل و نحزن لما بنكتشفهم علي حقيقتهم
تحياتي علي البوست المميز
صباح العندليب
أه الواطيين الى بنقابلهم كتير
بس الشيوعيين مش كلهم كده يا جماعة
انا مش فلهمة باه انتوا اتنين ؟ ميجو و مشمش ؟ يعنى انتوا اتنين بتكتبوا فى بلوج واحد ؟؟؟ طب انتوا اخوات و لا اصحاب ؟ بنات و لا ولاد ؟
الاجندة العزيزة
هارد عليكي لغايه لما ميجو يلاقي نت
انا ليا منطق مختلف عن منطق ميجو وناس كتير بتلاقي منطقي غريب
بس انا بشوف ان المتهم مدان حتى تثبت براءته
انا عارفه ان ده صعب بس الاصعب دايماً لما بتلاقي الواطي ده يطلع صحاب عمرك او قريبك او حد مكنتيش متوقعه منه اباداً الوطي
فقررت انا اعامل كل الناس كويس من غير تفرقه ليا بتاع 4 او 5 في عمري كله قريبين مني والـ 4 او 5 دول عدوا في اختبارات جودة كتير اصعب من اختبارات الايزو
وبقيه الناس بتعامل معاها عادي وبريح نفسي اني مستناش منهم اي حاجة
علشان كدة عمري ماكان عندي مشاكل مع حد
love,
MishMish
عاليا الرقيقه
اخر المتهمين بالفن الجميل
بصي يا ستي احنا اتنين متجوزين م. مشمش اللي هي حضرتي مبحبش اتكلم كتير عن نفسي علشان انا متواضعه جداً بس هتكلم علشان خاطرك انا كويسة جداً وثورجيه ومجنونة احياناً او كتير معرفش ابقى اسالي ميجو. ومن البرج العقرب وافتخر
الاستاذ ميجو زوجي العزيز راجل ابن ناس ومحترم ورقيق المشاعر وبيكتب شعر - وانا ملياش فيه - بس ايام الخطوبة كنت مفهماه اني كان نفسي اتجوز احمد شوقي - علشان الجوازة تكمل انتي عارفه بقه - اما بالنسبه للاخوة الشيوعيين احنا معندناش مشاكل مع حد يعني ميجو مكنش يقصد فئه معينه هو يقصد ان صاحبنا ده مالوش انتماء هو بيلون نفسه بلون الناس اللي حواليه وخلاص
Love,
MishMish
ياااااااااه الشخصية دى موجودة
وفعلا بيكون معندهاش اصل وبتحاول تالف حكايات وتخترع بالرغم من انها بتكون واضحه اوى
بخلاف كمان ان الشخصية دى بتلعب على كل الحبال .... واللى تلاقى معاه المصلحة يبقى هو ده فعلا زى ما ذكرت كداب ومنافق وبميت وش
وسيده الجنيه
وزى ما العزيزة اجندة قالت
فى ناس بتنكشف بسرعه وفى ناس بتاخد وقت
بس حظه حلو بقى اللى يقابل شخصيه زى دى وتنكشف بسرعه
تحياتى ميجو
قبلاتى لمشموشه
ميجووو
تفتكر عندنا كام واطي
احنا نعد افراد الحكومه و الحزب الوطني و طبعآ كحدش ينسي الريس ده ابو الكل
سلامي لمشمش
الاشكال دى ماليه البلد او زى ما قال الكنج
اصلى الجراد اشكال والوان
حاطط على الاخضر بيحش
ليه الف ماركه والف دراع
وفى كل يوم بيبدل وش
يااااااااااااااه يا ميجو
الواطيين اشكالهم كتيرة اوي
متعدش
ده كفاية اللي موجودين منهم في التدوين هنا
والله بجد حاجة تقرف
ناس سودا و عالم وسخة
اه منه الواطي
القطة الحبيبة
الازمة ان اللي حوالينا مش واطي واحد او اثنين بل على الاقل ملايين. ومتعرفيش دول جم منين او امتى
Love,
MishMish
Emy:
انا عايزة اقولك نكته يتهيألي سمعتيها قبل كدة
مرة بوش ورئيس مصر -ها مش هنقول هو مين - كانوا بيلعبوا جولف جنب بحيرة تماسيح والكورة وقعت. فراح بوش قال لواحد من الحرس بتوعه انزل هاتها فقاله لا مش نازل فبوش قاله ليه قاله الحارس انا عندي عيال عايز اربيها
راح رئيس مصر - اللي احنا مش هانقول هو مين - قال رجالتنا هيجبوا الكورة وقال للحارس بتاعه انزل هات الكورة راح نازل من غير تفكير وطلع بالكورة
وبعدين الحارس الامريكي ساله انت ليه وافقت انك تنزل فرد المصري وقال: علشان انا عندي عيال وعايز اربيها
ده الحكومة بتاعتنا زي الفل والنعمة والحزن الوطني ده الشعب كله اعضاء فيه وحتى احزان المعارضه بس مش قايلين علشان العين فلقت الحجر والريس يا نهار اسود على العظمة
انتي ما سمعتيش ان قانون الطوارئ اتطبق تاني
احنا عندنا عيال عايزين نربيها
Love,
MishMish
سيادة الرئيس:
منور البلكونة يا ريس
ربنا يستر يا فندم من الجراد. بس انا ليا سؤال لو فيها إساءة ادب. ما الجراد خلص عالبلد مبقاش فاضل فيها حاجة هو ممشيش ليه سعادتك
Love,
MishMish
حفصه الجميله
ما هو ده اللي يحرق الدم مش كفايه بنصطبح بوش اهاليهم وبنام عليه لا وداخلين عالنت وبيبجحوا كمان. يلا ايكش يولعوا
Love,
MishMish
مع التحفظ في الألفاظ وشوية حاجات الوزن فيها واقع بس حلوة
Whats up dude
It is my first time here. I just wanted to say hi!
أشكركم على نشر هذا ، كان من المفيد جدا ، وقال الكثير
أشكركم على نشر هذا ، كان من المفيد جدا ، وقال الكثير
ومن الواضح ان هناك الكثير لمعرفة ذلك. أعتقد أنك قدمت بعض النقاط الجيدة في ميزات أيضا. الاستمرار في العمل ، عملا عظيما!
Just popping in to say nice site.
يا لطيف جدا بلوق! الرجل.. جميلة.. مذهلة.. وسوف المرجعية الخاصة بك بلوق واتخاذ يغذي أيضا...
أردت فقط أن أدلي بتعليق سريع لأقول أنا سعيد لاني وجدت بلوق الخاص بك. شكرا
The moment I found this page was like wow. Thanks for putting your effort in writing this post.
Thanks for the great work! Cool blog. There are a number of opinions on this topic and this blog states the problem very good.
Post a Comment