Monday, January 14, 2008

رباعيات ميجو



فرده شراب قابل فى يوم جزمته
حكتله عن مشاكلها ..وحكالها عن ازمته
.......سمعهم جيب البنطلون وقال
!!!الى يشوف بلاوى الناس ..تهون عليه بلوته
-----


حاولت كتير وجاهدت ..افكر فى اختراع
ينقذ الناس من الضياع ..من الزيف والخداع
....حاولت كتير ولكن
!!!! ماخدتش ( براءة ) اختراع
-----

مين الى قال الرجال مايعيطوش
مين الى قال الرجال مايحزنوش
هى حوا يعنى من ضلع ادم
وادم من ضلع الوحوش؟؟؟؟
-----
مكرونه فونيا واسباكتى ..لزوم البهوات
مترصصين عالرف زى الناس فى البلكونات
استعجبت فى عقل بالى وقلت ..
حتى فى المكرونه طبقات ؟
-----

ياحظ امتى تقولى خد نصيبك
نفسى مرة ارمى الشباك واصيدك
بس اخاف الصبر يقولى ..
عفوا لقد نفذ رصيدك
------

ميجوووووووو

No comments:

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق