Monday, August 27, 2012

رؤيه نقديه وتحليليه فى لعبه كولو باميه


تبدأ اللعبه بأن يضع الجميع يده فى يد بعض بطريقه دائريه (على شكل ميدان ) وهذا معناه ان البدايه كانت موفقه والجميع متساوون.. ليهتفوا فى صوت واحد (كولو باميه )...لماذا هنا اختيار الباميه بالذات ؟؟ لماذا لم تكن كوسه ؟؟ لعلنا نعلم ان اللاعبين يكرهون الكوسه وقد ملوا من اكلها 30 عام.... لذلك قرروا لعب (كولو باميه) فالباميه لها اثر جيد  عند المصريين فهى ليست مجنونه مثل الطماطم ..او تعبر عن حاله الفوضي مثل الباذنجان ...كما أن طاجن الباميه باللحمله تقدير عند المصريين  ..ملحوظه:(فى بعض الاحياء يقولون : كيلو باميه .لكن هذا غير مقنع )
هنا تظهر (القطه العاميه ) لماذا القطه ..فالقط معروف بالغدر والخيانه ..ولماذا العاميه ؟ فهى لا تحمل اى بصر او بصيرة ودائما ما ترى الدنيا ظلام بالرغم من ان عيناها ملونه وتعكس الضوء لكنه ضوء مخادع
(سرقت قميصى الانجليزى ) لماذا سرقت القطه القميص ؟ كما سبق وقلنا ان من طبعها الغدر والخيانه ...كما ان الانجليزى هنا باعتباره قميص لا مثيل له وعالى الجودة ..هذا القميص الذى كان اللاعبون مستعدون لارتدائه لنظهر بالمظهر العالمى الاوروبى ..كما ان اختيار كلمه الانجليزى للتعبير عن العراقه والتاريخ فالامريكى مثلا ليس له تاريخ او عريق
(عسكر فوق ...وعسكر تحت )....هكذا كانت اللعبه وهكذا كانت الخطه لسرقه القميص الانجليزى ...على مدى اللعبه كان العسكر فوق ....ثم فجأة اصبح تحت ...
(اخص عليك يابتاع الكحك) ...وهنا يتم اللوم على بتاع الكحك ...هل المقصود الكحك دليل على الرسوب ؟؟ ام ان بتاع الكحك هو الطرف التالت باعتباره لم يكن ظاهرا فى اللعبه من اولها ...ربما يكون المقصود بها بتاع الكحك ابو سكر الذى يأتى بعد العيد ...فالعتاب موجه له ...لماذا لم تأتى لنا بالفرحه حتى الان ؟
ميجوووووووووو
 

Sunday, August 26, 2012

امبارح برلين ... يا رب بكرة ماتبقاش مصر

ميدان التحرير - القاهرة
برلين مركز ثقافي رئيسي في اوربا وهي اكثر المدن انفتاحاً وتسامحاً ... ولكن في عام 1933 تغير كل شيء
استولى هتلر وقواته المسلحه على السلطة في المانيا.... خيم شبح الديكتاتوريه فوق المانيا ....  من خلال تصويت المجلس (البرلمان) على وثيقة موته من خلال منح هتلر سلطات مطلقه لمدة 4 سنوات
....................


التظاهرات ضد هتلر حول العالم ... احتجت على وحشيته واعاقته اي تقدم ومعاداته للسامية اطلقت دعوة حول العالم لمقاطعة البضائع الالمانيه.
امر هتلر بمقاطعة للمتاجر التي يملكها اليهود في المانيا يوم كامل للتحذير. ارتعب اليهود في المانيا لدى رؤيتهم لعناصر من الاس ايه يحملون لافتات كتب عليها "لن يدفع اي قرش للرأسمالية اليهودية" "اشتروا سلعاً يهوديه""اليهود هم سبب نكستنا"... كانت هذه  بدايه الاضطهاد.

كتب احد مالكي المتاجر الكبرى في بروسيا الشرقيه قبل هجرته مع عائلته الى فلسطين: "تغيرت تماماً في غضون بضع ساعات هذا البلد وذلك الشعب اللذان احببتهما واحترمتها حتى ذلك الحين تحولا فجأة الى اعداء لي .. ما عدت ألمانياً او ما عاد يحق لي ان اكون المانياً. شعرت بالخجل لاني انتميت ذات يوم الى تلك الامه ومن الثقة التي اوليتها لكثير من الناس واللذين نزعوا اقنعتهم الان للكشف عن انهم باتوا اعدائي"

دنست معاداه السامية الجامعات .... كانت النازية تتلاعب بعقول الناس فقلبتهم على الثقافه المعاصرة وفرضت ايدولوجيه غير متسامحه وطائفيه دفعت بالتلاميذ انفسهم لحرق الكتب.

احداث فتنه دهشور 
اما بالنسبه للشعب الالماني فيستطيع ان ياخد عطلة فمن الان اصبح الحزب النازي هو الحزب الشرعي الوحيد ... شعراتهم المعاديه للسامية لم يبدوا انها ازعجت الكثيرين فيهم الى حد كبير غير مهتمين بمصير ابناء بلدهم اليهود اللذين لا يتجاوزون في النهايه 500000 اي اقل من 1% من اجمالي عدد السكان ... تمكن نصف اليهود الالمان من الهجرة شرط التخلي عن كل ممتلاكاتهم. اما اليهود الالمان الفقراء فلقد علقوا في المانيا وتم ترحيلهم الى التجمعات الشرقيه ثم قتلوا في المعسكرات اما معارضي النظام فهرب منهم من تمكن من الهرب الى اي مكان ممكن
كثيرون ممن لم يتمكنوا من الهرب في الوقت المناسب واللذين فضلوا البقاء لمتابعة النضال قبض عليهم وقتلوا في المعسكرات اما غالبيه الالمان قبلوا بالنظام الشمولي وما عادوا يقرأون الا الصحف النازية بعد ان كمم هتلر فاه الصحافه.

 "Those who don't remember the past are doomed to repeat it" Santayana, philosopher.


النص بالكام ماخوذ بتصريف من سلسه افلام ابوكاليس - فيلم نهضه هتلر الجزء 2 خوض الحرب

MishMish

Sunday, August 5, 2012

عربيه 28 حمرا

لو اشتريت عربيه 128 حمرا - مثلاً - مش هتصدق عدد العربيات اللي زيها في الشارع لدرجه انك ممكن تحس ان نص عربيات البلد عربيات 28 حمرا .... ديه ظاهرة اسمها Red Car Syndrome 
وهي عبارة عن تبسيط للعمليه الادراك الانتقائى ... يعني كل واحد بيشوف اللي هو عايز يشوفه واللي بيشغل تفكيره واللي بيدور عليه

 قبل رمضان وتحديداً يوم 19 / 7 لاقيت الصورة ديه على 


 ومكتوب تحتها: من هنا ورايح اي بنت هلاقيها عامله كده 
هعمل فيها زي الصوره :D:D
احنا داخلين على رمضان واتهدوا بقى P:
تعبتونــــــــــــــــــــــــــــــــــــــــــــا :


الاخ المؤمن بيدعوا لعنف موجهه علشان عايز يصوم ومش عارف ... لا وكتير من التعليقات عبارة عن عفن فكرى واخلاقي من الدرجه الاولى:

1- انا مابخرجش من بيتنا علشان احافظ على صيامى رمضان بيوصل للعالم كله الا البنات

2- ‎ماشى ما الوحاد بيغض البصر بس ساعات مبقدرش اعمل ايه يعنى احنا مش ملائكه وبعدين المفروض انتو الى تلبسو عدل عشان محدش بيص عليكو

3- طبعا مش عايزة كلام المفروض الكاسيات العاريات يلموا نفسهم مش هنفطر عشان خاطر نن عنيكم 

ديه مش ناس عايزة تصوم ... لا ... ابسلوتلي ... ديه ناس عندها Obsession بالـ 28 الحمرا ومش شايفين غيرها وخايفين من الصيام لانه هيضطرهم يبطلوا تفكير في الـ 28 الحمرا لبعض الوقت او على الاقل يمثلوا انهم بطلوا.... كل واحد منهم متخيل ان الست ربنا خلقها علشان يمتحن ايمانه وقدرته على ضبط النفس وبرضه يتسئل هو عن سياتها. الناس ديه بتدورعلى اي حاجة تبرر بيها فشلها الدائم بادعاء الفضيله والتظاهر بالايمان ....  
احنا هنا مش بنتكلم عن ناس منحرفه عادي واترتبت في الشوارع او مع مرات اب او جوز ام لا داحنا بنتكلم عن متحرشين في سبيل الله. 

مش هاينفع نمنع التحرش باننا نتحايل على المتحرش يمكن نصعب عليه ويحس بحالنا .... مش هايحس ولا هايقدر ان الخروج من البيت دلوقتي بقى مغامرة محدش عارف اخرتها ايه .... 
منع التحرش مهمه البنت ... ايون مهمه البنت ... المتحرشين ليهم امهات واخوات وصحبات وزوجات وكدة
  • لما الام تحس بالزهو علشان خلفت ولد  في وسط البنات ومع كدة تقول عليه وحيد (يعني مالوش اخ تاني ولد مع انه ممكن يكون ليه 9  اخوات بنات) ....تبقى تستاهل التحرش
  • والبنت اللي تفتكر ان اخوها عادي يفتش في حاجتها ويتسنط على مكلماتها ويسالها انتي رايحه فين وجايه منين من غير ما يكون ليها نفس الحق .... تبقى تستاهل التحرش    
  • والبنت اللي ترضى تكمل ارتباط بواحد عايزها تلتزم اكتر من كدة ويقولها شوفي فلانه صوتها ما بيطلعش ازاي شوفي علانه لبسها عامل ازاي وماقالتلوش روح يا امور ارتبط بفلانه او علانه طالما انت معجب بيهم قوي كدة .... تستاهل التحرش
  • والبنت اللي تبقى واقفه مع زميل ليها وهو مش قادر يلم عينه ولا قادر يبطل يعاكس في اللي رايحيه واللي جايه ولسه في بينها وبينه تعامل ... تستاهل التحرش
  • واللي شايفه نفسها فتنه ولا سبب بلوى وانها لازم تستخبى علشان في ناس تانيه تعبانه ... تبقى تستاهل التحرش
قاطعوهم ... علموهم الادب ... المجتمعات "المحافظة" هي مجتماعات متخلفه مهوسه بالـ 28 الحمرا ... كل القماش اللي هي متغطيه بيه ... غطا على اللحم ... هما مبيفكروش غير في ايه اللي تحت الغطا ...
عيشي حياتك لنفسك ... ما تلبسيش غير اللي يعجبك ... ماتكلميش غير اللي يعجبك ... ما تتجوزيش غير اللي يعجبك ... ما تسمعيش غير اللي يعجبك ... اللي يعجبك
انتي الام ... انتي الاخت ... انتي الحبيبه ... انتي الزوجه ... انتي الاصل .... اوعي تسمحي لحد يعاملك على انك مبولة
MishMish
There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق