Thursday, June 9, 2011

ماذا ستنتفعون يا من تخنقون حلم الحرية؟

ماذا سينتفع اصحاب المصالح السياسيه لو ربحوا جميع مقاعد مجلس العشب وخسروا مصر
ماذا سينتفع البشوات لو ربحوا خوف وخنوع الناس وخسروا الاحترام
ماذا سينتفع اصحاب الجماعات الدينيه من الاستيلاء على الدنيا وخسارة الاخرة

ماذا سينتفع الانسان لو ربح العالم كله وخسر نفسه

ماذا ستنتفعون يا من تقتلون روح الثورة والامل في نفس شعب عانى لعقود كامله من الإمراض والتجهيل والإقصاء والنهب المنظم
ماذا ستنتفعون يا من تركتم الساحه وسلطم الاضواء على كل صاحب فكر مريض بينما غيبتم وبكل عنف من له رؤيه وضمير وحب لهذا الوطن
ماذا ستنتفعون يا من اشعتم الفوضى وتركتم البلطجيه والهاربين من السجون يقتلون براعم التحضر التي ازدهرت في اول ايام الثورة
ماذا ستنتفعون يا من تركتم نيران الفتنه الطائفيه تشتعل لتحرق الرابطة التي وحدت ابناء الشعب الواحد وفتته الى جزر منعزلة بعد ما وحدت الثورة ما لم تستطع كل الجلسات العرفيه والبرامج الحواريه والاغاني والافلام جمعه لعقود
ماذا ستنتفعون يا من تسوقون البلد الى حتفها في مقابل حنفه من الاوراق القذرة الملونة 
ماذا ستنتفعون يا من تخنقون حلم الحريه.
MishMish

7 comments:

صوت من مصر said...

بحصانه عشان يعرف يسرق ..........

لورنس العرب said...

من يحصل على جميع مقاعد مجلس الشعب ورئاسة الجمهوريه لا يهمه خسارة نفسه فقد كسب كل شيء، ولن يعمل لمصلحة الناس لأنه اخذ كل شيء،

كان عندنا في المنطقه واحد اسمه مصطفى المنس،ده كان ماشي مع عض مجلس الشعب الشهير محمد امرشدي صاحب شركة دجلة للإستثمار العقاري، عمل من ورائه ملايين، وبعد الثوره قعد في البيت، ولما الناس يسألوه انت هاتعمل ايه، قالهم انا معايا اللي يكفيني ويكفي الورثه، هقعد في البيت ومش هعمل حاجه وكفايه كده عليا

ELVIRA said...

ينجحون لفترة ثم يسقطون ثم يأتى غيرهم
و إن كانوا من أصحاب الكاريزما كعبد الناصر سوف تجد البعض من حين إلى حين يترحمون عليهم و على ايامهم

وبين هؤلاء و هؤلاء تحدث ثورة و أنقلاب لأنها سُنة الحياة
الصراع الدائم للسيطرة

Ms Venus said...

ماذا سينتفع الانسان لو ربح العالم كله وخسر نفسه


معرفش

بجد مش عارفة

ومش عارفة ليه الضمير مات

Migo Mishmish said...

صوت من مصر
لورانس
Elvira
Ms Venus
شكراً لردودكم
بجد مش عارفه الناس ديه بتستحمل تبص لنفسها في المرايه إزاي
إزاي يقدر يبص في عنين الناس
إزاي يقدر يبص في عنين عياله
إزاي يقدر يقف قدام ربنا ويصلي حتى لو تمثيل
ازاي يدور على مصلحته هو وهو عارف انه بجره قلم او بكلمه بيقولها بينهي حياه ناس ويضيع مستقبل ناس
ليه الناس دنيئه قوي كدة
اصلاً الانسان اللي فاكر ان حبروته ملء السما والارض ما هو اللي بلونه هوا ...اي شكه دبوس تجيبه الارض
ليه بندوس على رقابي بعض علشان نوصل ...طب ما نساعد بعض
ما نجرب نبقى نضاف
ما نجرب نعيش كبني ادميين مش مطاريد
.
.
.
...MishMish

IMSA said...

مشمش :
الهدف هو كيفية سرقة هذا الشعب المكلوم على نفسه ..
//
اكثر ما يقلق هو شعور الفرد بإننا نزعلنا حسني ونظامه ويوجد مليون حسني مبارك يرغبون في سرقة مصر ..
//
تحياتي لكِ وتقبلي ردي ومروري

Migo Mishmish said...

IMSA
وبعدين وبعد السرقه ... واحد زي احمد عز لو بطل شغل وقعد يصرف في الفلوس اللي معاه ويولع بيها البوتجاز ويدفا بيها مش هايخلص

اما الوضع الان فهو ضبابي مخيف ربنا يستر
سلام
MishMish

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق