Monday, June 13, 2011

لمحة المعيه من سياسات ابو جمال الخارجيه

يحكي انه في عشاء السفارة المصريه، التقي دكتور بطرس غالي - امين عام المنظمة الدوليه للفرانكفونيه السابق - بالوفد المصري المكون من 5 نواب اللذين يمثلون البعثه المصريه في الدورة الخامسه والعشرين للجمعيه البرلمانيه الفرنكفونيه. وجد الدكتور بطرس ان 3 منهم لا يتكلمون سوى العربيه
فأبدى اندهاشه لسفير مصر حمدي ندي وسأل - وياريته ما سأل
"لماذا اتوا لحضور هذا الاجتماع هنا في اوتاوا، إذا كانوا لا يتكلمون الفرنسيه، ولا حتى الانجليزية؟" فهمس السفير في اذنه:
"طرحت السؤال نفسه على رئيس البعثه، فأجبني أن مجلس الشعب اعتمد نظام التناوب، لكي يتسنى لكل نائب أن يقوم على الاقل برحله إلى الخارج في أثناء ولايته. ولو كنا نريد حصر هذا الامتياز في النواب الذين يتكلمون لغه اجنبيه فقط، فإن المختارين سوف يكونون قله ضئيله. ولسوف يؤدي ذلك إلى إغضاب الاكثريه الساحقه من النواب"
وانحشر النواب الثلاثه الذين لا يتكلمون سوى العربيه، وهم متحدرون من أقاصي الصعيد في زاويه صغيرة، لعدم تمكنهم  من التحادث إلى الشخصيات الفرنكفونيه والأنغلوفونيه التي غصت بها قاعه الاستقبال.

فما رايكم دام فضلكم في المصيبه ديه

الفرانكوفونية: هي منظمة دولية للدول الناطقة باللغة الفرنسية (كلغة رسمية أو لغة منتشرة) والحكومات، تحتوي المنظمة على 55 عضوا وحكومة و30 مراقبا.
منقول بتصريف من كتاب: بإنتظار بدر البدور ... يوميات 1997 - 2002 بقلم بطرس بطرس غالي  ص238 - 239
MishMish

8 comments:

IMSA said...

مشمش :
بسيطة جدا امتيازات ابو جمال في اغلبية الاعضاء تضحك الجميع ..
وخصوصا في رموز الحزب الوطني ، للعلم الحزب ما اتقدمش في نواب مجلس الشعب غير في اخر 10 سنين
لكن قبل كدا كانت فضايح
//
ربنا يستر من نواب الفترة الجاية ، هيكلموهم ازاي او بمعنى اصح هتكلموا مع الشعب ازاي

ELVIRA said...

هى دى الديموقراطية و مبدأ تداول السلطة علشان كل واحد ياخد حقه
و يتأكد الكل أن مصر دولة مفيهاش أى تفرقة بين المواطنين متعلمين او لا
بيتكموا لغات فراكفونية أو صعيدفونية

لورنس العرب said...

طيب ايه رأيك ان فيه سفراء لمصر في بعض البلاد الاجنبيه لا يتحدثون بلغة البلاد التي يعملون فيها؟؟؟؟؟

Migo Mishmish said...

IMSA
هو كان في افضح من كدة كمان ...دانا مصدقتش نفسي لما قرايت الكلام ده وديه مش الحادثه الوحيدة على فكرة ...ده في بلاوي تانيه في الكتاب لغايه دلوقتي 4 او 5 مواقف المفروض لوحدها كفايه لقيام بثورة ضده نظام المقلوع لتشويه صورة مصر قدام العالم كله
وربنا يستر على المجلس الجديد ومنلاقيش فيه مناقشه لتطبيق قانون الجواري والعبيد للقضاء على ظاهرة اطفال الشوارع

ELVIRA
اه واهو يطلعوا مصيف ببلاش ويشتروا شويه هدوم ومعجون سنان وشامبو وصابون بريحه للعيال وامهم

لورنس العرب
احيه يا ابو سوسو احيه

على فكرة اخر فديو هايل ..شكلك هاتنافس جابر القرموطي
تحياتي للجميع

MishMish

Ms Venus said...

هههههههه طب اقول ايه

مصر كانت ماشية ببركة ربنا :)

AMR ABD ELHAFEEZ said...

البلد دية محتاجة تطبيق مبدأ العدل و تساوي الفرص

Tarkieb said...

كل السفرا في الخارج لا يتكلمون لغة البلد اللي فيها والغريب انك تلاقي سفير مصر في المانيا يتكلم انجليزي او مصر في ايطاليا يتكلم ايطالي اكن مصر عدمت من ناس بتتكلم لغة البلد دي

لورنس العرب said...

ليه التأخير؟
فيه امتحانات ولا ايه؟

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق