Saturday, October 17, 2009

نظريه ميجو فى التوازن البيئى


زمان لما كنا فى المدرسه درسنا نظريه التوازن البيئى كلنا طبعا فاكرينها ..دى من الدروس المهمه الى درسناها واحنا صغيرين ..النظريه دى بتشرحلنا ازاى الكائنات بتعيش فى توازن طبيعى مع بعض بما لا يجعل الميزان يختل ..فمع كثرة اصطياد الصقوروالقضاء على البوم اتنتشر القوارض وتنتشر الامراض لان الميزان اختل ..ربنا عامل التوازن ده فى حياتنا بما يسمح لكل الفئات ان تعيش بما فيهم الكائنات التى تبدو مضرة لنا ..واذا طغى اى عنصر على باقى العناصر فهنا يحدث اختلال بيئى وتحدث الكوارث وتنتشر الامراض .وكلما زاد التنوع داخل النظام البيئى كلما كان النظام اكثر تماسكا ..واحد يسألنى يقولى وده ايه علاقته بينا ياعم الحاج انت جاى تدينا حصه علوم بيئيه ..فكك من الكلام ده

لو قارنا موضوع التوازن البيئى باللى بيحصل فى مجتمعنا هاتلاقى ان المجتمع المصرى بقى مختل وان اللى بيحصل فيه نوع من انواع عدم التوازن البيئى ..ازاى ؟ اقولك ...المجتمع المصرى طول عمره متوازن يعنى بيستوعب كل الثقافات وبيستوعب كل الافكار وبيفرض شخصيته وكان له كيان ..طب ليه ؟ عشان المجتمع بيقبل وبيحتوى اى حد يدخله فكان المجتمع متنوع ..كنت تلاقى اليهودى والمسيحى والمسلم والارمن والروم والطلاينه واليونانيين ولبنانيين ودروز ووسوريين واتراك (راجع الافلام العربيه القديمه )..لان المجتمع كان متوازن ..فكل العناصر كانت عامله مزيج جميل فى هارمونى رائع .. مكانش فيه مشكله انك تروح محل صيدناوى او بنزايون او انك تسمع فريد الاطرش الدروزى او تغنى مع صباح اللبنانيه ..محدش يفرق معاه ان ليلى مراد يهوديه او مسلمه ..نجيب الريحانى مسيحى ولا مسلم ..المهم فنه كان عامل ايه ..فى الوقت ده كان المجتمع غنى بكل الثقافات الى فيه وكان التوازن البيئى مكتمل فليس هناك اى عنصر طاغى على الاخر ...فكلما زادت وتماسكت العناصر كلما كان التوازن البيئى اكثر تماسكا

لكن مع ثورة يوليو ومع حركات التأميم ومع هجرة اليهود والاجانب فقد المجتمع المصرى جزء من توازنه ...فاختفى كوهين وبقى حسن ومرقص ..لم يعد هناك الخواجه مانولى او يانى

ومع بدايه حكم السادات بدأ الميزن يختل ..فزرع الفتنه بين حسن ومرقص بغباء سياسي لايحسد عليه .وظهر الاختلال بصورة كبيرة (راجع احداث الزاويه والخانكه وتحديد اقامه البابا شنوده وخطابه فى مجلس الشعب واعتقال النخبه )..واستمرت الفتنه حتى الان ...واستمر الاختلال مع انقراض الطبقى الوسطى ...ومع مطارده المثقفين وهجرة العلماء الى الخارج امثال زويل وفاروق الباز والمئات غيرهم فى ايام الهجرة الكبرى الى كندا والولايات المتحده واستراليا ..اصبح الميزان يختل اكثر واكثر ...وزاد نفوذ طبقه الرأسمالين المتزاوجين من السلطه ..ومع انتشار الفضائيات والانترنت وظهور البترول ..زاد نفوذ طبقه المدعوذين الجدد المدعومين من الدول البترودولاريه وانتشر التدين السلفى الظاهرى..تم نقل الكائنات الصحراويه الى البيئه المصريه النهريه ...فحدث الاختلال التام فى التوازن البيئى فانتشرت فى مصر الكائنات الصحراويه ..انتشر بكثافه تزيد عن الحد المطلوب لحفظ التوازن ...وظهرت انواع من الكائنات لا تظهر الا فى وجود المستنقعات والقمامه ( الان فهمت لماذا طالب المتأسلمين بذبح الخنازير..لان الخنازير تاكل القمامه ) .كما ظهرت انواع من الكائنات الطفيليه من معدومى المواهب تظهر فى ذلك المناخ القذر وتظهر وسط المستنقعات (راجع اغانى سعد الصغير وتامر حسنى وبعرور ومصطفى كامل ومذيعين مثل احمد عبدون وتامر امين )..والان مطلوب ان يستعيد المصريين توازنهم البيئى بان تعود الطيور المهاجرة الى بيئات اخرى وان تستعيد الطبقى الوسطى عافيتها ..وان ياخذ المثقفين دورهم ...ليحاربو الكائنات الصحراويه من الزواحف والقورض التى تلتهم الزرع الاخضر فمكانها ليس فى البيئه النهريه المبنيه على ضفاف النيل ..طبيعى ان يقف المثقفين مثل الصقور مفتوحى الأعين يراقبون تلك الزواحف عن بعد ليقضى عليهم ..نحن لا نطالب الصقور بان تقضى عليهم تماما بل تعطيهم حجمهم الطبيعى بما يعيد التوازن البيئى الى مجتمعنا المصرى فلكل واحد دوره فتستمر الحلقه الغذائيه ... لانه كلما كانت العناصر داخل النظام البيئى متنوعه كلما اذداد تماسكا

مجتمع متوازن بيئيا


مجتمع مختل بيئيا

ميجوووووووو

43 comments:

على باب الله said...

الله

لله يفتح عليك

: )

عمو عصام said...

يخرب عقلك ياميجو...فكره مش معقوله...هفكر كتير قبل مااكتب تعليق...المهم حمدالله على السلامه

Migo Mishmish said...

على باب الله
متشكرين ياباشا ..دى نظريه تأمليه نتيجه الظروف الى عايشينها ...شفت البلد دى بطلع فلاسفه كتير ليه ؟
تحيااااتى
ميجوووووو

Migo Mishmish said...

عمو عصام
منور البلكونه كالعاده
طبعا انت عارف ان تعليقك مهم بالنسبالى ...لو الف واحد علقو عندى ببقى مستنى رايك عشان تدينى الاوكيه
تحياااااتى
ومستنى تعليقك على الموضوع
ميجووووووو

Ehab Fayez said...

قبل الثورة كان أسم الفيلم حسن ومرقص وكوهين والان أصبح حسن ومرقص وهاهم يحاولون لجعله حسن فقط
أرجو من مجتمعنا أن يسرع بتطبيق نظرية
ميجو فى التوازن
فقد اختل الميزان تماما فى السنوات
الأخيرة

تحياتى على المقال الجميل

Migo Mishmish said...

الباشمهندس ايهاب
منور البلكونه ..لشاى بتاعك سكره ايه ؟
اعتقد يافندم ان الموضع مش مرقص وحسن وكوهين ....الموضوع اكبر من كدا ..حسن ومرقص دا جزء من الموضوع ...الموضوع ان فيه اختلال فى كل حاجه بص على الفرق بين مصطفى كامل الزعيم لما قال : لو لم اكن مصريا ...ومصطفى كامل مطر ب عين الصيرة لما بيغنى
فين الناس المثقفه الى زى لصقور الى بتحارب القوارض؟ ...الحكايه ان مجتمعنا بقى مليان كائنات صحراويه على شويه طفيليات نتيجه لهروب الصقور والكائنات المفيده الاخرى
تحيااااتى
ونتمنى ان تصبح صديق للبلكونه
ميجوووووو

Desert cat said...

انا فى البداية افتكرت ميس ناهد مدرسة العلوم فى اعدادى اتلت المدونة تاعتك واللى كنت اما اغيب فى حصتها او اتعمد اعمل حاجه علشان انطرد منها فقولت بما ان دى مدونة ودخلتها برجلى فمش محتاجه بقى انطرد وهمشى تانى بس فضولى دفعنى اكمل الموضوع ماهو مش معقول ميجو بتاع اللغات والحركات يقلب فجعة على مدرس علوم يعنى العملية مش ناقصة صودا كاوية
حقيقى يا ميجوووو لا فض الله فوك يا عزيزى جبت المفيد

تحياتى

Migo Mishmish said...

صباح الخير يا ميجو
انا هنا يكرر اقتراحي عليك بترشيح الشيخ صفوت حجازي لجردل ميه وسخه وياريت المرة دي يكون جردل خرا زي اللي في دماغه بسبب الكلام اللي قاله عن اللي مش منقبات
Love,
MishMish

Anonymous said...

عزيزي ميجو
فينك يا عم غايب عننا بقالك فترة
المهم انا بضم صوتي لصوتك ونفسي الصقور ترجع مصر بس يا ترى لو رجعت الصقور تاني تفتكر هاتعيش ف مصر ولا هايعملوا حملة لقتلهم كالعادة

معاك حق ف كل كلمة قلتها عن المجتمع دلوقتي وانا نفسي ان دة يتغير بس صدقني الصقور مش هاترجع عشان تندبح ف مصر خليها عايشة براها بقيمتها وبكرامتها اللي اتهانت واتبهدلت ف مصر

تحياتي
ام البنات

احساس لسه حى said...
This comment has been removed by a blog administrator.
Migo Mishmish said...

ام البنات
منورة البلكونه ..الشاى بتاعك سكره ايه؟
الصقور وباقى الطيور المفيده عشان ترجع هاتلاقى الارض ناشفه والزرع ناشف ..يبقى ده دور صاحب لارض انه يزرع من تانى ويعمل بيئات صالحه لنموهم عشان يتكاثرو واتوماتيكيا هايرجع التوازن والفئران هاتخش جحورها ولازم طبعا يحمى الصقور دى ويديهم مكانهم الطبيعى ويساندهم ويحافظ عليهم ..مش لما صقر يصطاد عرسه مثلا ياخد منه العرسه ويقوله انت بتستهبل ؟ ليه تعمل كدا ؟ لازم يقوله برافو هاكافأك عشان اصطدت لنا عرسه ..مش يعاقبه ويدافع عن العرس والفئران الى بتخطف الكتاكيت (راجعى موقف الحكومه من روايه وليمه على اعشاب البحر ) بس احب اطمنك يام البنات ان صاحب الارض ابتدى يعمل اجراءات جامده مع الفئران ومابقاش يخاف منهم
راجعى جرائد اليومين دول
ميجووووووو

Migo Mishmish said...

معلش ياجماعه
اول مرة اعملها
قررت انى الغى تعليقات المتخلف المعاق ذهنيا الى ماعندهوش احساس
ده فعلا واحد متخلف ومعندهوش اى فكرة عن اى حاجه ..احنا كنا لسه بنتكلم على الفئران وعلى العرس والكائنات الطفيليه
جالكم كلامى ان الكائنات الطفيليه انتشرت اوى ؟
ادى اخره الى يتفرج على يعقوب والحوينى وحسان
الى يشوفه ياجماعه يديله بالجزمه
تحيااتى
ميجووووووو

Anonymous said...

ممكن اشرب قهوة بدل الشاي

ربنا يسمع منك ويهدي صاحب الارض

احساس لسه حى said...
This comment has been removed by a blog administrator.
Migo Mishmish said...

برة يا فاشل

Anonymous said...

انا مش متخيل انه فيه حد عارف انه غير مرحب بيه فى مكان و مصمم انه يفرض نفسه على الناس اللى مش طايقينه
صحيح الاحساس نعمه
اخوكم المبالغ فيه

احساس لسه حى said...
This comment has been removed by a blog administrator.
احساس لسه حى said...
This comment has been removed by a blog administrator.
Anonymous said...

حبايبى ميجو و مشمش
انا عاوز اتكلم معاكم فى حاجه
انا ضد التوريث لكن لو جمال مبارك نزل الانتخابات و ده من حقه من حق الشعب يختاره او لا
اما من جهه قداسه البابا شنوده و تايده لجمال مبارك فالراجل من حقه
انه يايد اللى هو عاوزه هو مش مصرى و لا ايه و كونه رجل دين ده لا يسقط عنه حقوقه كمواطن له حق تاييد اى مرشح او رفض اى مرشح و انا مع قداسه البابا لو البديل هايكون اخوان انا اختار الشيطان مش بس جمال مبارك و ده حقى كمواطن مصرى ارفض شخص له خلفيه انا ضدها و مختلف معاها كليا
انسان غلبان

Anonymous said...

ميجو و مشمش ارجوكم امسحوا تعليق احساس
ماينفعش يكون وسطنا و ياخد شرف انه يكتب جنب قطه و عمو عصام و ام البنات و حسن الهلالى
رجا امسحهههههههههههههه المبالغ فيه
الانسان الغلبان

احساس لسه حى said...
This comment has been removed by a blog administrator.
احساس لسه حى said...
This comment has been removed by the author.
احساس لسه حى said...
This comment has been removed by a blog administrator.
احساس لسه حى said...
This comment has been removed by a blog administrator.
احساس لسه حى said...
This comment has been removed by a blog administrator.
Migo Mishmish said...

برة يافاشل ..الى مزبله المدونات
لما يبقى فيك دماغ اصلا نبقى نتكلم

احساس لسه حى said...
This comment has been removed by a blog administrator.
Sahran said...

حلوة هاي نظرية التوازن ,,,جديدة

بس على فكرة كلامك فيه منو كتير ومصر بدأت تنهار مع ثورة يوليو

ثورة يوليو التي أفقرت مصر وضيعت بقية فلسطين ومهدت الطريق لدخول جرثومة التدين إلى بلادنا

تحيااااااااااااااتي

Hassan El Helali said...

طيب إنت قول لي الواحد يعلق إزاي علي بوست زي ده؟
بوست كامل الدسم ... فعلا يستاهل أن يدرس في حصة التربيه الوطنيه ... هو لسه فيه حاجه إسمها كده؟

إنت كنت فين من مده يا عم ميجوووو؟
بقي لي حبه كده بابص علي البلكونه الاقي الشيش مقفول، بس مسامحك بعد ما شفت البوست دي ... حقيقي جميله وتوجع القلب

حسن

ملحوظه: إحساس ميت ده فعلا زباله... ما تشغلش بالك بيه

Anonymous said...

حبايبى ميجو و مشمش
اسف على اللى هاقوله
الى احساس كله الا البابا لانك مثل اولاد الزنا ليس لك مرجعيه و لا اصل
عاوز تسب راس الكنيسه القبطيهو تصفه بالمنافق
احب اقول لك ان العاهره تبليك و تجيب اللى فيها فيك زى ما انت عاوز تعمل ده بسبك للبابا و طبعا انت عارف اللى فيك و عاوز ترمى الوطنين بيه اللى بيحبوا مصر بجد اللى هى وطن يعيش فيهم مش اللى قالوا طظ فى مصر لانها مش فارقه معاهم لانهم حثاله العالم القادمين من مزبله شبه الجزيره العربيه الى ام الدنيا اللى من ساعه ما جم و هم خلوها اخر الدنيا
و اخيرا ليس من حق اولاد الزنا ان يسبوا الافاضل بالاباطيل ويا ريت يرجعوا الصحرا اللى هم منها و كفايانا قرف كده
اسف لكل من ميجو و مشمش على الاسلوب ده لانك يجب ان تكلم كل واحد بما يليق به و بنفس اسلوبه لانه بيشدك تحت لانه عمره ما هايطلعلك فوق
امضاء
انسان مصرى
مصر ليست وطن نعيش فيه
مصر وطن يعيش فينا
هى دى الوطنيه

Karim said...

Migooooo, i've been looking over that great post 4 over a week but didnt know what to comment & say cuz there's nothing left to say.
Men el 2a5er ya3ny 10/10
What i wanted to say is actually extremely similar to what El Helali said, so if he doesnt mind consider his comment from both of us; exactly & to the final letter in it.
Keep it up ya Migooo ur really good & i really find great insight & new ideas in what u say every time.

Anonymous said...

عزيزي ميجو
في مثل بيقول اهري يا مهري وانا على مهلي
يعني م الاخر ما تحاولش تشرح وتكلم مع حد انت عارف انة مش هايفهم ولا هايغير افكارة العجيبة فالافضل ليك انك تسيبة يتكلم وكل ما يعمل كومنت تروح انت بمنتهي الشياكة والبساطة تعمل لة ديليت وهكذا لو كان عندة احساس بجد مش هايكتب كومنتات تاني لو معندوش برضو انت مخسرتش حاجة وفرستو بدل ما توجع قلبك ف كلام ومناقشة مع حد ولا هايفهم

تحياتي
ام البنات

أحساس لسه حى...كلام من جوه روح لكل روح said...
This comment has been removed by a blog administrator.
Migo Mishmish said...

للمرة الالف
برة يافاشل ..البلكونه غير مخصصه للحيوانات

أحساس لسه حى...كلام من جوه روح لكل روح said...
This comment has been removed by a blog administrator.
Anonymous said...

احساس لسه ميت
انا مش مع جمال مبارك انا مع خالد صفوان بتاع الكرنك لان امثالك لا يستحقون الا فرج عشان يسكتوا شويه
بجد انا عاوز اسالك سؤال هو الابعد ماعندوش كرامه و لا دم الراجل بيقولك بره يا فاشل و انت مش عاوز تنقطنا بسكاتك و لا انت مبسوط من كلمه فاشل و هل انت مازوخى تتلذذ بتعذيب نفسك ام انك تجد فى طردك طرده الكلاب متعه
انسان مصرى
لا ارى وطنى فى وطنيه قداسه البابا
ان مصر ليست وطن نعيش فيه
مصر وطن يعيش فينا
مش طظ فى مصر
طيب طظ فيك و فى غباوتك

احساس لسه حى said...
This comment has been removed by a blog administrator.
احساس لسه حى said...
This comment has been removed by a blog administrator.
Migo Mishmish said...

ممنوع دخول ذوى العاهات العقليه والحيوانات

احساس لسه حى said...
This comment has been removed by a blog administrator.
احساس لسه حى said...
This comment has been removed by a blog administrator.
م/ الحسيني لزومي said...

عندما تسقط قيم الفطرة التي فطر الله الناس عليها يصبح المجتمع مختل في كل نواحيه
----------------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

بنجامين غِير said...

أدعوكم إلى قراءة ملخص لمقالة علمية عن اعتبار الجنسية نوعاً من رأس المال.‏

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق