Tuesday, August 11, 2009

جردل ميه وسخه

قررت ان استغل موقعى المميز فى البلكونه وارجع الى ايام الطفوله لما كنت برمى ميه وسخه على الناس اللى مش بتعجبنى واجرى استخبى ..صحيح كنت بسمع شتايم محترمه بس مش مشكله ...الشتيمه تلف تلف وترجع لصاحبها ..وساعات كنت بتعكش من ابويا لما كان حد بيشتكيله ..برضه مش مشكله .. المهم اريح ضميرى وافش غلبى فى الناس الى كل المنطقه مبتحبهاش ..هانتقم منهم بس اهم حاجه مش عايز نداله وحد يروح يقول لابويا او يروح يقول الراجل اللى دلقت عليه الجردل
واحد اتنين تلاته ...هووووووب ادلق ...اجرى يالااااااااااا


جردل على راس :


حيثيات الجائزة :

وصف شعب مصر بالفاسق والفاجر مع انه هو الذى فسق فى الارض وفجر واستغل الدين فى الدجل والشعوذه

لهذا منحناه الجائزة الاولــــــــــــــــــى لهذا الاسبوع وهى عبارة عن جــــــــــردل ميه وسخه على راسه مهداه من البـــــــــلكـــــــونه ... والبلكونه ترحب بالتبرعــــــات من جميع البلكونات المجاورة ولن نرفض اى جردل ميه وسخه من الجيران

مع تحيااات ميجوووو وزوجته مشمش
ملحوظه : نقبل ترشيحاتكم لجائزة الجردل الاسبوعيه

12 comments:

صفا سارة said...

وانا اتفق معك فى هذا الجردل ومنى جردل هديه مساندة :D

Migo Mishmish said...

صفا العزيزة
منورة البلكونه ..هاسمحلك انك تدلقى الجردل بنفسك على صاحب المركز الاول ..لازم يبقى وسام على صدره
تحيااااتى
ميجوووووو

نيران said...

ممكن نرشح سياسيين؟
بدون ما يتقبض علينا يعني؟

اصل انا نفسي اجيب عربية رش كاملة مش بس جردل
بس ادوني الأمان و انا ادلق

Hassan El Helali said...

أثلجت صدري يا فتي!!!! وعندك واحد برميل خرا من عندي على رأس المذكور أعلاه

وأنا صغير كنت بارمي أكياس نايلون مليانه ميه علي محطة الأوتوبيس تحت بيتنا... من الدور السابع... بس عمري ما اتمسكت... صايع من يومي

أنا أرشح للجايزه القادمة المضل العام زعيم العصابة بتاع طز في مصر واللي في مصر ربيب سيرك عاكف

Migo Mishmish said...

نيران
ممكن تدلقى زى مانتى عايزة ..اديناكى الامان ..بس مع اول قلم فى امن الدوله هاعترف واقول انك الى دلقتى الجردل..انا ابيع ابويا فى الحاجات دى
تحيااااتى
ادلق الجردل
ميجوووووووووو

Migo Mishmish said...

حسن العزيز
ترشيحك لازم يبقى على موقف خلال الاسبوع وده من شروط الجائزة ..انا معاك ان بتاع طز فى مصر يستاهل اكتر من البرميل
وبعدين انت واد ابن لذينه صايع عشان متتقفش الفترة الى كنت بترمى فيها اكياس ميه ..بس انا طلعت اصيع منك عشان مكنتش بملا الكيس ميه ...كنت بملاها ميه من نوع اخر عشان تطرط.....ش عالناس اكتر
تحياتى
منتظرك الجردل القادم وساجعلك تنال شرف دلقه هديه منى ليك ياعم
ميجوووووووو

Desert cat said...

وانا مش هكون اقل كرما منك انت وحسن الهلالى
واحب اهدي له كل الخرا اللى فى خزان المسجد اللى ورا بيتنا

MahaRani said...

مش جردل واحد بس صدقنى كلنا هنرمى جرادل ميه وسخة عليه و على أمثاله
هم عار على الإنسانية أصلاً
تحياتى
:)

عمو عصام said...

عزيزى ميجو خللى بالك ممكن ده يكون اول واخر جردل تدلقه وبعد كده تلاقى نفسك بتشرب من جردل وتعمل بيبي فى جردل وطبعا انت عارف ده هيحصل فين لان الشيخ البدرى بيعرف يسلك نفسه فى المحاكم وممكن يرميك فى السجن وياخد منك تعويض كبير وطبعا زى منا عارف انت على فيض الكريم بسبب البت ساندو.

Anonymous said...

حبايبى ميجو و مشمش
لو لم يتم التوزيع العادل للجرادل الاسبوعيه انا شايف ان الراجل ده يستحق ان يحتكر الجردل باللى فيه مدي الحياه و ذلك لاسهاماته فى تطوير الاحجبه و خلافه و اتمنى له التقدم
ميرووووووووووووووو

ذو النون المصري said...

كل عام انتم بخير
اعاد الله ايام الشهر الكريم علينا جميعا بالخير و البركات
...................
مطلوب جردل اخر علي راس اصحاب فيلم بحبك يا رجل الذي سب السادات ووصفه بالكلب و كذلك جردل مثله علي رؤس اصحاب فيلم اعدام الفرعون

Mafrousa said...

ههههههههههههههههه
انا جيت ارد الزيارة
و انتم طيبين و بخير و عازماكو على طبق قطايف يجوز الهند و السودانى يجنن لزوم البلكونة
هههههههههههههههه
و السودانى مش فقر و لا قلة فلوس لا سمح الله
بس اصل اللى بالسودانى بيبقى طعمها احلى من المكسرات
ههههههههههههههههه
اما بقا عن الجردل هههههههههههه فأنت كنت طفل متربي اوي
ههههههههههههه
مش تريقة و الله
بس اصل اعرف ناس جيراننا ابنهم كان بيرش مية برضه بس مش من الحنفيةههههههههههههههههههههههههههو برضه على الناس اللى مش تعجبة
ههههههههههههههههههههههههههههههههه
تحياتي ليكو

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق