Monday, October 10, 2011

المزمور 35

من مزامير تراتيل معلمنا داود النبي والملك بركاته على جميعنا امين

خاصم يا رب مخاصمي.قاتل مقاتلي. امسك مجنا وترسا وانهض الى معونتي واشرع رمحا وصد تلقاء مطاردي. قل لنفسي خلاصك انا‏.  ليخز وليخجل الذين يطلبون نفسي. ليرتد الى الوراء ويخجل المتفكرون باساءتي.  ليكونوا مثل العصافة قدام الريح وملاك الرب داحرهم.  ليكن طريقهم ظلاما وزلقا وملاك الرب طاردهم. لانهم بلا سبب اخفوا لي هوة شبكتهم.بلا سبب حفروا لنفسي.  لتاته التهلكة وهو لا يعلم ولتنشب به الشبكة التي اخفاها وفي التهلكة نفسها ليقع.  اما نفسي فتفرح بالرب وتبتهج بخلاصه.  جميع عظامي تقول يا رب من مثلك المنقذ المسكين ممن هو اقوى منه والفقير والبائس من سالبه  شهود زور يقومون وعما لم اعلم يسالونني. يجازونني عن الخير شرا ثكلا لنفسي. اما انا ففي مرضهم كان لباسي مسحا.اذللت بالصوم نفسي.وصلاتي الى حضني ترجع.  كانه قريب كانه اخي كنت اتمشى.كمن ينوح على امه انحنيت حزينا.  ولكنهم في ظلعي فرحوا واجتمعوا.اجتمعوا علي شاتمين ولم اعلم.مزقوا ولم يكفوا.  بين الفجار المجان لاجل كعكة حرقوا علي اسنانهم  يا رب الى متى تنظر.استرد نفسي من تهلكاتهم وحيدتي من الاشبال.  احمدك في الجماعة الكثيرة في شعب عظيم اسبحك.  لا يشمت بي الذين هم اعدائي باطلا ولا يتغامز بالعين الذين يبغضونني بلا سبب.  لانهم لا يتكلمون بالسلام وعلى الهادئين في الارض يفتكرون بكلام مكر.  فغروا علي افواههم.قالوا هه هه قد رات اعيننا.  قد رايت يا رب.لا تسكت يا سيد لا تبتعد عني.  استيقظ وانتبه الى حكمي يا الهي وسيدي الى دعواي. اقض لي حسب عدلك يا رب الهي فلا يشمتوا بي.  لا يقولوا في قلوبهم هه شهوتنا.لا يقولوا قد ابتلعناه.  ليخز وليخجل معا الفرحون بمصيبتي.ليلبس الخزي والخجل المتعظمون علي  ليهتف ويفرح المبتغون حقي وليقولوا دائما ليتعظم الرب المسرور بسلامة عبده.  ولساني يلهج بعدلك.اليوم كله بحمدك

إلى كل من شارك بالتحريض وبالسكوت عن شهادة الحق في احداث ماسبيرو
MishMish

10 comments:

ياسمين said...

حسبي الله ونعم الوكيل في كل ظالم..بصراحة اللي بيحصل فعلا مهزلة وربنا يستر علينا كلنا ...اتمني فعلا ان الموضوع يمشي عدل اوي وميكنش فيه تحيز لحد علي حساب حد..خلاص المسألة فيها دم والدم لما بينزل بيجري دماء وراه ...ربنا يحفظ مصر لكل المصريين دي ارضنا كلنا مهما كانت دينتنا....

Kahi ra said...

من فضلك هاعمل كوبي غندي في الفيسبوك

Migo Mishmish said...

ياسمين
حسبى الله في شله الحراميه معدومي الضمير والانسانيه اللي عايزة تحرق البلد ومش فارق معاها اراوح البني ادمين اللي بيتقتلوا كل يوم بمنتهى البلادة ولا مبلاة ولا كأنهم دبان
شكراً على مشاعرك وتعليقك

Kahi Ra
اتفضل يا باشا

MishMish

Tarkieb said...

بصراحة ربنا مع كل مسيحي في مصر ....ايه كمية الكرهه دي اللي في قلوب ناس بتتدعي التدين ضدهم...انا باستغرب ازاي واحد يحب ربنا ويبغض خلقه....بس ان شاء الله خير وبكرة تروق وتحلى ...ولعلمك الكرهه ضد كل مخالف .في كل حاجة مش دين بس...وبالكرهه اتجمعنا ...وربنا يرحم......

لورنس العرب said...

شوفي يا ايمان
انا اللي جاب لي شلل في الموضوع ده حاجه واحده بس وسبق اني اتكلمت عليها في البوست الاخير عندي
الناس بقت بتستهبل
حتى المباديء "اللي هي اصلا غلط" وبيدافعوا عنها طول عمرهم استعبطوا فيها لأنهم خارج الموضوع

هقولك ايه بس
اصلي لو رديت هايكون الرد طويل اوي
بس انا قلت كل اللي انا عاوزه عندي في المدونه
ولما قلت كلامي ده في بعض المواقع هاجمني بعض الناس على الرغم من انهم من انصار الاعتصامات، والحقيقه تعجبت، ازاي انت راجل بتموت في الاعتصام ووقفت المره دي ضد المظاهرات
طبعا لأنه مش فيها
(الحقيقه انا مشى عارف رد الفعل ده حد اخد باله منه ولا انا بس اللي ملاحظ كده) يمكن اكون انا بيتهيألي؟

نبيل سامي said...

ياخواننا لو استمرينا بهذه الطريقه فسنكون جميعااكبر الخاسرين مافيش غير طريقه واحده .... ترك المحرضين وعدم الألتفات لما يروجونه من كراهيه .... انا مسلم ولكني أحب المسيحيين

Migo Mishmish said...

Trakieb
انت عارف اكتر حاجة كانت بتضايقني في التعليقات 3 جمل كانت الناس بترددها وكانوا عاملين زي فحيح الافعى
هو النصارى عندهم شهداء
ما ينفعش نقول الله يرحمهم ... معلش مش هاجامل النصارى على حساب ديني!!!!! - واخدي بالك هي بتقول ضمنياً في كلامها ان دينها بيامرها ما تطلبش الرحمه للي مختلف عنها ونسيت ان واحدة من زوجات الرسول وام ابنه كمان كانت نصرانيه ... على اساس ان ماريا زوجه الرسول لو ماتت والرسول عايش كان هيرميها على اقرب كومة زباله ويقولها الله يجحمك يا بعيدة!!!!
وتعليق تالت يقولك يلا في داهيه دول شوية كلاب واللي يرش الجيش نرشه بالدم .... انا مش عارفه ازاي يبقى في ناس عندها هذا الكم من الكراهيه وقادرين يعيشوا
والمجلس بيستغل غباءهم علشان يدي لنفسه شرعيه الاستمرار


لورنس
ايوة المبادئ يا صديقي ... دلوقتي مبقاش في مبادئ في ناس ضمائرها مشوهه وعقولها قاصرة وبس خلاص
انا مش عارفه ليه المسئولين ما يطلعوش يقولوا المسيحين مثلاُ مالهومش مكان في البلد وقدامهم 3 شهور يخلوا البلد... والناس تستريح
او ليه ما يطلعوش ويقولوا اه غلطنا واحنا متحملين النتائج وبعتذز ويتعلن حاله الحداد الرسمية ويتم وضع قوانين سارية وحازمة تمنع جميع انواع التمييز ومحاربه كل معوقات الثورة ويحاول المجلس يثبت ان ولاءه للبلد مش لعصابه الاربعين حرامي ...والناس تستريح
او يطلع علينا المسئولين - الطراي - اللي ماسكين البلد يقولوا بمنتهى الصراحه اننا مش قادرين على محاربه الفلول وبقايا النظام القديم ...والناس تعرف الحقيقه وبرضه هتسرتيح
انما لما تبقى كل الجهات اللي بتتكلم عن الحادث على هذا القدر من الفجر وانعدام الضمير ده مش مقبول ابداُ
دول عاملين بالظبط زي الكلب اللي بتمرغ في قئيه
MishMish

Migo Mishmish said...

نبيل سامي
يعلم ربنا وحيات بنتي ان ما في جوايا نقطه حقد او كره واحدة ناحيه اي واحد مسلم
المزمور ده صلاه بتطلب من ربنا انه يدافع عن المظلوم ويردله حقه
وبعدين معرفش انت سمعت عن الصيام اللي اعلنته الكنيسه لا الكنيسه قالت جاهدوا ولا قالت قاطعوا المسلمين ولا حتى قالت دافعوا عن نفسكوا
احنا جربنا كل الطرق ولاقينها كلها مقفوله
فقررنا نلجأ لربنا
اللي اسمه الحق والعدل وهو يرد الحق للمظلوم من اللي ظلمة - مش من المسلمين. مفيش كنيسه ماتفتحش للصلاة ومفيش يوم عدى من غير قداس او اتنين واجتماعات الصلاة كانت شغاله ليل ونهار بتطلب من اجل سلام الكنيسة والبلد
ولازم تعرف ده كويس ان اللي كان التلات ايام اللي فاتت كان بيصلي او بيدعي للانتقام من المسلمين صلاته مش
مقبولة
تحياتي ليك ولكل مسلم مصري بجد رفض يستغني عن عقله مقابل تطرف بغيض بيصب في الاخر لصالح مصلحه الحرامية
MishMish

نبيل سامي said...

لا أعرف لماذا المزامير والانجيل مكتوبه باللغه العربيه

Migo Mishmish said...

نبيل سامي
وايه المانع ان الانجيل يبقى بكل اللغات ... الانجيل مترجم لكل لغات العالم ... حتى في ناس مترجماه بالغات المحليه

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق