Tuesday, September 14, 2010

الفرق بين البني ادمين الطبيعين وجبهه علماء الازهر

قالك في بيان قاطعوهم لجبهه علماء الازهر بتاريخ سبتمبر 2010
جبهه علماء الازهر: بعد ان اصبحت الكنيسة المصريه مصدر ارعاب وارهاب للدولة والامة، وبعد ان تأكد للقاصي والداني غطرسه تلك الكنيسة وتعاليها واحتقارها لجميع الاعراف والقوانين والضوابط العرفيه والاخلاقيه فضلاً عن الشرعيه والدينيه.....كلام كتير
البني ادم الطبيعي سهل عليه معرفه مين اللي مصدر للإرهاب لما يقرا في حوادث المصري اليوم بتاريخ 13 سبتمبر "اشعل مجموعة من الاشخاص النيران في مبني تحت الانشاء بمدينه الصف تردد انه مخصص لبناء كنيسة بجوار مقابر السلام" مع ان المكان ده لا قام فيه الارهابين مسيحين باي تفجيرات ولا قتل ولا اعتداء على الناس بحجه ان ربنا بتاعهم قالهم كدة او انهم مظلومين مثلاً وان الدولة والمسلمين هما اللي ابتدواء بالعدوان ويعددوا جرايم الاسلامين في حقهم بدايه من الجماعات الاسلاميه والاخوان وتطنيش الدولة
جبهه علماء الازهر: مما شجع الكنيسة على تماديها في طغيانها، قتوالت الاحداث تلو الاحداث وكان منها اعلان الكنيسة تحديها لأحكام الدولة ورفضها لما اصدرته محاكمها من احكام تساوي بها نصارها مع مسلميها في حق التطليق ...فأعلن كبيرهم بصلف ان الدولة لا سلطان لها على الكنيسة.....بلا بلا بلا
البني ادم الطبيعي يعرف ان الكنيسة ما تقدرش تلغي نص واضح من الكتاب المقدس بيقول "لا طلاق الا لعله الزني" لمجرد ان الشريعه الاسلاميه تبيح تعدد الزوجات وايضاً المادة الثانيه من الدستور والتي تنص على ان الاسلام دين الدولة ومبادئ الشريعه الاسلاميه هي المصدر الرئيسي للترشيع (والتي تتضمن للاقباط الاحتكام الى شريعتهم) يعني ده مش طغيان بس مين يفهم
في حين التنامي في اعداد اطفال الشوارع وحوادث القتل للاطفال الغير شرعيين على يد ابائهم لم تطالب الكنيسة الدولة بإصدار قانون يسمح لاتباعها بالتبني مع ان موقف الشريعه الاسلاميه من الظواهر ديه هي الدفاع المطلق عن الرجل وشهواته ورجم الام وعقاب طفل لم يفكر به احد وقت وقوع الجريمه
جبهه علماء الازهر: ثم ...سفينه المتفجرات الكنسية القادمة من اسرائيل لصالح ابن راعي احد الكنائس المصريه
النبي ادم الطبعي يتحرى الحقيقه قبل كتابه اي كلام وخلاص
جبهه علماء الازهر: ثم ملف الاخوات اللواتي تحولن الى بإرادتهمن من النصرانيه الى الاسلام
البني ادم الطبيعي يخش على اليوتيوب ويشوف فيديوهات المتحولات الى الاسلام بيتكلموا براحتهم ولكم في فريدة الشوباشي اسوة حسنه علاوة على انه ممكن يشغل مخه شوية ويفكر قبل ما يولع في البلد اشمعني المتحولين من النصرانيه الى الاسلام ياما بنات صغيرين في الجامعه ياما ستات متجوزين.
جبهه علماء الازهر: فإنه اصبح من الواجب خلقاً وعرفاً وقانوناً وشرعاً على الغيارى من ابناء مصر مسلمين ومسيحيين ان يفقوا صفاً واحداً ضد هذا الصلف الكهنوتي والعنف الكنسي والغرطسه البطريركيه التي تهدد الامة ....فإنه يجب
اولاً: المسارعه نحو اعلان الرفض لسياسه التخريب التي تتبناها الكنيسة المصرية وموقف الدولة السلبي منه وذلك بكل سبيل ممكن ووسيله مشروعة
البني ادم الطبيعي يقدم الشكر للناس دول علشان قالوا بالوسائل المشروعة ثانياً يجب التحرى عن سلبيه الدولة خصوصاً انها لا تظهر سلبيه بل بالعكس ايجابيه جداً - لاحظ انهم لغايه دلوقتي مش عارفين يحكموا على مرتكب مذبح نجع حمادي مع انهم ولسؤ حظهم مساكينه وعارفين من اللي وراه
ثانياً: التحرك القانوني برفع دعاوى قضائية على الكنيسة المصرية والمطالبه باخضاع تلك الكنيسة المتغطرسه لسلطان القانون ...وكذلك رد الدوائر التي بها قضاه من النصارى
البني ادم الطبيعي يقدر يفرق بين قاضيه المانيه ناقصه عقل واحتمال تكون ملحدة مش نصرانيه وحكمها على قاتل مروة الشربيني في جلستين اتنين والقضاه من المسلمين اللي مش عايزين يحكموا على الجاني في قضيه نجع حمادي بالاضافه الى من سبقوهم وحكموا بالبراءه على قاتلي شهداء الكشح الواحد وعشرين
ثالثاُ: وعلى جميع المسلمين من الان لزوم المقاطعه للمصالح المسيحيه خاصه المصالح الاقتصاديه التي تستقوي بها الكنيسة حتى يثوب النصارى الى رشدهم ويراجعوا مع المجرمين امرهم وياخذوا على ايديهم قبل ان تحترق به وبهم السفينه
البني ادم الطبيعي يعرف انها على الرب مش عالعبد - كما قال لي بائع متجول - ثانياً بحسب تصريحات عائشه عبد الهادي ان المسيحين يملكون 60% من مجموع رؤس الاموال في مصر يعني هتتقلب على دماغكم انتوا في الاخر وطبعاً لو فيهم بيفهم يعرف ان راس المال لا ليه وطن ولا دين والاقتصاد دلوقتي اقتصاد مؤسسي عابر للقارات مش اقتصاد سوق عكاز. ثالثاُ سؤال بقه مين اللي هيولع في السفينه؟
......................
فإن اصرت الكنيسة بعد ذلك على لزوم موقفها من الدولة والمله، فإننا ننذرها بالخطوة التانيه والتي ستكون ان شالله هي الدعوة الى المقاطعه الاجتماعيه للنصارى جميعاً في مصر والجائهم الى اضيق الطرق بمنع المساكنه وتجريم المعامله وعدم بدئهم بالسلام
البني ادم الطبيعي يقدم بلاغ عاجل لنائب العام بالقبض على كل من شارك في وضع هذا البيان واعدامه في ميدان عام حيث انه يدعو الى تكدير الامن العام والفرقه بين ابناء الوطن الواحد على اساس الدين والتحريض على افعال من شأنها تجعل حرق المصاحف اقل واجب - اذا كان رؤساء هذا الدين بهذه العقليه - وبعدها رفع الموضوع الى محكمة العدل الدوليه ومحاكمة كل متبني هذا الفكر كمجرمي حرب
تحديث: اشكر تيرز هي اللي نبهتني لحقيقه الكيان المسمى بجبهه علماء الازهر وعرفت فعلاً نقلاً عن موقع اسلام اون لين انها لا تتبع الازهر وانها كيان منحل. وحابه اعتذر عن اسلوب الكتابه في البوست ان ظهر انه عدواني شويه بس بجد يا جماعه لما تقروا نص البيان هتفهموا
MishMish

9 comments:

Tears said...

الازهر اعلنت تبرأه من هذه الجبهة لانهم منشقين على الازهر و يصفوه بابشع الالفاظ

دول جماعة ارهابية

Kontiki said...

انتى متاكدة من الكلام دة ولاد ******* كاتبين المقاطعه الاجتماعية و عدم مبادئتهم بالسلام ؟؟؟ بجد و الله ؟؟ !!!! يا خبر اسود هم عاوزين يهلهلونا اكتر من كدا اية ؟؟ بجد متاكدة من البيان دة مش مصدقة ولا سطر !! الناس دى مستوعبة هم كاتبين اية ؟؟؟
نفسى يقفلوا الباب ع الجامع و الكنيسة و يخليهم فى العبادة بس ويقفلوا جامعه الازهر و اى هيئة تعليمية او اجتماعية مسلمة او مسيحية لها طابع دينى نفسى فى قانون مدنى بقى قانون مدنى موحد للمصريين كمواطنين مش على اساس دينهم
ولا دة يطلع بيان ولا دة يتحشر فى ملة دة واللى عاوز يغير ملتة يغيرها بهدوء براحتة عادى حسابة فوق احنا تحت محدش مؤهل يحاسب حد
نفسى فى قانون مدنى بقى يارب
قانون مدنى مش الهى
قانون يتنفذ مش يتركن
يارب و يلغوا جبهه علماء الازهر والمعهد الدينى وكل الحاجات اللى شبة كدا امين يارب

على باب الله said...

نفسهم يخربوها و يقعدوا على تلها

Migo Mishmish said...

انا لغايه لما كتبتي تعليقك ده يا تيرز وانا كنت فاكرة انهم تبع الازهر بس اتأكدت من كذا مصدر من ان كلامك صح
لكن مع كدة خشي اقري تعليقات الناس على الكلام ده
http://www.shorouknews.com/ContentData.aspx?id=295704
ولا حد حاول يستخدم دماغه ويفكر والناس فرحانه ومبسوطة. عموماً انا اسفه لو كنت كتبت بطريقه تبان هجوميه لكن لو قرايتي محتوى البيان وحطتي نفسك مكان اي واحد مسيحي هتحسي بالظلم والقرف من وجود ناس زي ديه بتتمسح بكيان ضخم زي الازهر

Kontiki
يا حبيبتي دوسي على اللينك اللي على كلمه قاطعوهم في اول البوست واقري
دانا جايبه مقططفات من الكلام مش البيان كله
الناس ديه مش هتسكت غير لما مصر تبقى زي لبنان والحكومة نفسها مش هتقر اي تعديل دستوري لانها عايزنا نخبط في بعض كدة
علشان حتى اعضائها شويه اخوانجيه على شويه ليبراليين وكثير من الحراميه وبيجتمعوا على حاجة واحدة انهم مش عارفين حاجة ومعندهومش استعداد يعملوا حاجة

على باب الله
مش عارفه هما مش شايفين انها مخروبه جاهزه هي ناقصه د*** ابوهم
MishMish

Kontiki said...

مشمش بالمناسبة الازهر مش كيان ضخم من ايام الدكتور طه حسين و هو بينقدة دى مؤسسة قمعية باسم الدين الناس برا بتدرس علوم الفيزياء و الفلك و دول عاملين كليات مخصوص للتحجر الفكرى واللاهوت وكفاية عليهم سجنهم لتلاميذهم المنادين بالحرية والتحرر من ظلام المتون

Desert cat said...

هما متلزقين فى الازهر لكن الازهر مالوش علاقة بيهم زى قناة ازهرى كدا
انا عارفه ان الكلام ده سافل ومنحط زى اللى قايلينه بس الناس دى فعلا مش تستحق غير البصق فى وجوهها وعدم الاهتمام بيها
لان دول اللى ينطبق عليهم
وجوه بالنعال تضرب فتصيح النعال بماذا ضربتمونى

Migo Mishmish said...

Kontiki
ما قدرش ارد على كلامك انا بس عارفه انه كان في وقت التفوى تطلع من مصر مش من عند بتوع الجاز. ثانياً سواء اتفقنا على الازهر او اختلفنا عليه فدورة تقزم زي دور البلد والقايمين عليه رضيوا انهم يمشوا مع التيار لغايه لما السجادة اتسحبت من تحت رجليهم

Desert Cat
وحشتيني يا قطة
هاهاهاها عندك حق الجزم ملهاش ذنب
بس المشكله في ده فكر عام
الناس فعلاً متخيله اننا بنحضر لحرب
وعندهم حق لو حد قرا الحوار بتاع الانباء بيشوي امبارح في المصري اليوم يعرف ان الناس ديه معزورة
الراجل ده المفروض يترفع عليه قضيه حجر
ومعظم المسيحين اللي عندهم فكر بيكرهوه انما هو الوجه التاني للعمله بتاع طظ في مصر
Love,
MishMish

ELVIRA said...

سؤال
حزر فزر جبهة علماء الأزعر تتبع

1 الاخوان

2 القاعدة

3 ولاد أبو إسماعيل

و هل هى جماعة ارهابية و لا مهلبية

Migo Mishmish said...

ELvira
جبهه علماء الازهر تتبع ابليس شخصياً لانه بيحبها والعه
وهما شغالين مش ساكتين
Love,
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق