Friday, February 11, 2011

إلى الخائفين من الحريه

"الشعب غير مستعد للديموقراطيه"
جمله في منتهى الغباء اشعر عند سماعها بصداع رهيب وكأن مخي سينفجر من الغيظ

جمله الفها النظام واخذ يذيعها في كل محطاته وجرائده لنا في الداخل وللغرب متبوعه بصورة الرئيس ذات الابتسامه الباردة اللي اتذكرها الان موضوعه فوق السبورة في مدرستنا وكأنها تقول : مفيش فايدة

قائل هذ العبارة اما ديكتاتور يريد ان يطفي شرعيه لطغيانه او شخص تم العبث بعقله طوال سنين حياته وبرمج على انه مختل عقلياً غير قادر على الاختيار الصحيح ويحتاج الي واصي ليتصرف له في شؤنه

تخيل انك من يوم ولادتك والى اصبحت في الثلاثين من عمرك وانت لا تسمع سوى عبارة: انت الى الان لست مستعداً لتعلم القراءه

لا انكر رعبي الشديد من ان تتحول مصر الى افغانستان اخرى

ولكن لننظر للامور من هذه الزاويه

جماعه الاخوان موجوده في مصر منذ عام 1928 اي انهم اقدم حتى من النظام العسكري الذي قام الانقلاب العسكري عام 1952

لماذا لم يقوموا منذ ذلك التاريخ والى الان بعمل اي محاوله للتظاهر والتجمهر ولو بربع العدد الموجودة الان في ميدان التحرير فقط وليس في محافظات مصر كلها

هل تظنون من خرج للمطالبه بالحريه والكرامه والعداله سيرضي بحكم الفقيه

من كره النظام وخرج ليثور لم يكونوا من سكان العشوائيات او الاسلامين او الانفصالين بل المثقفين والفنانين وكل من اراد ان يحيا حياه كريمه في بلده وليس كمهاجر في بلد اخر ثلجي او قاحل

تعداد الشعب المصري 85 مليون

ما هو عدد الاخوان لنقل باحسن تقدير انهم 30 مليون

هناك 10% اقباط اي 8,5 مليون لن يعطي احدهم صوته لإخوانجي في الانتخابات

هناك على الاقل مليون مثقف وعلماني وملحد وبهائي وليبرالي و..و.. لن يصوتوا الى الاخوان

وهناك 45.5 مسلم معتدل لا يرغب في حكم ديني

يكرس جميع خططه واحلامه بحرب اسرائيل واقامه الدوله الفلسطينه كما جاء في خطاب يحي الهلباوي يوم الاحد 6 فبراير مع قناه البي بي سي عربي عن خطة الاخوان اذا ما توصلوا الحكم. فكان غباؤهم المعهود في الكلام عن القضيه الفسطينه والتي تعتبر هي الهدف الوحيد الذي يعيشون من اجله ومصر ليست سوى بوابه لهذه الحرب وسيتم استنزافها لحرب لا يريد احد دخولها بما في ذلك فرعهم حماس

عدد اللذين ادلوا بصوتهم في انتخابات الرئاسه السابقه 7 مليون
you do the math

التعديلات الدستوريه الحديدة ستضمن بقاء الرئيس لمدتين فقط وايضاً انتخابات حرة وليست هزيله وسيكون على كل مرشح اعلان اجندته السياسيه وسيكون الشعب هو الحكم وميدان التحرير موجود

ثم لماذا الان نصدق ابواق النظام التي ظلت تخدعنا لعقود

لماذا نصدق من ترك الجهل والغباء والطائفيه والفساد يستفحل وينهش في عقول الشعب واجسادهم

لماذا نصدق من جلبوا لنا المبيدات المسرطنه وبدلاً من محاسبه المسئولين عن سرطنه الشعب المصري كانوا يخططون لبناء معهد سرطان في كل محافظة
لماذا نصدق من اشاعوا في كل وسائل الاعلام ان الشباب المصري يعاني من حاله هياج دائم في حين انهم هم المتسببين في ذلك بعدم الاهتمام بأمان الشارع لحساب امان عائله السيد رئيس الجملوكيه

لماذا نصدق من يسرقنا ليل نهار ثم يخرجون علينا باعلانات كفاله ام الايتام ثم اسرة فقيره ثم قريه فقيره واعتقد ان اعلانات رمضان القادم كانت ستكون اكفل دوله فقيره وحث الاخوه العرب على الزكاه من اموالهم لشعب مصر وان تكون متبوعه بعبارة: ارحموا عزيز قوم ذل

لماذا نصدق من يعقدون اتفاقات مع السعوديه لتوريد خادمات مصريات . فبعد ما كان السعوديون يأكلون في التكيه المصريه مجاناً وبعدما ذهبنا مهندسين ومدرسين واطباء لتعليم السعوديين وبقيه العرب الان وبفضل سياسات الحكم الفاسدة اصبحت نساء مصر والتي منهن ام كلثوم وهدى شعراوي وسميرة موسى ونوال السعداوي خادمات في السعوديه
لماذا نصدق النظام الذي دق مسمار العداوه في بالمادة الثانيه من الدستور ليس تديناً ولكن تدليساً ليمرر المادة التي تتيح له ان يحكمنا إلى ان يخرج على ظهره من قصر الرئاسه

نفس الرئيس المؤمن الذي انشأ المصرف العربي ليكون مغاره على بابا له ولحاشيته وللقادمين من بعده

والتي حافظ عليها الرئيس الحالي المخلوع لغرض ما في نفسه

ونسى هؤلاء جميعاً ان الديانات السماويه والارضيه لا تهدف الى زرع الفرقه بين البشر وان المبشرين بها والتباعين لها لم يكونوا امراء حروب او وزراء داخليه بل بشر امنوا بالرساله والقضيه يحملونها في قلوبهم وليس في كتب القانون.


كلمه اقولها لكل من امن وروج لهذه المقوله لست افضل من احد لكي تفرض الوصايه على من يريد التحرر من الظلم والعبوديه



تحيا مصر ... تحيا الثورة

MishMish

12 comments:

Tears said...

ماعنديش اى قلق من نقطة ان يحدث حكم اسلامى لان ده مستحيل فالاحداث الاخيرة اظهرت انهم لا يمثلون اكثر من

18%

من الشعب و همه اسطورة صنعها النظام عشان يخوفنا و يخوف الغرب

ده مش كلامى ده كلام محلل سياسي امريكي كان على قناة الحرة من يومين

hellmr said...

أعلن اللواء عمر سليمان نائب رئيس الجمهورية أن الرئيس مبارك قرر تخليه عن منصب رئيس الجمهورية وتفويض المجلس الأعلى للقوات المسلحة لإدارة شئون البلاد.

THANKS GOD ! FINALLY HE MOTHERFUCKER IS NOMORE!

Migo Mishmish said...

الف مبرووووووووووووووووووووك لينا كلنا
مبروووووووووووووووك الفرح يا مصر
تحيا مصر

hellmr said...

a7a ya gd3an 3'ar fa dhya a7'eeeeraaan

Boneta said...

يارب مصر امانه في ايديك
احمي بلدي مصر

strategicalone said...

بكرة افكرك عندكا يقيموا عليك الحد

Anonymous said...

zay al fol ya Eman anty sa7 we kfaya 7'of men al a7'wan al wahm aly kano m3ysana feeh 30 sana

Migo Mishmish said...

Boneta
محتاجين كلنا نصلي لمصر
بارك بلدنا يا رب

Strategicalone
ويمكن تكون الدنيا كويسة
وطالما الاحتمالات 50% و50% يبقى مش فاضل قدمنا غير اننا نعمل اللي علينا
دلوقتي وقت كل المثقفين واصحاب الرأي انهم يوعوا الشارع
وساعتها هافكرك انا اني قوتلك خلى عندك امل

Anonymous
و سمعت عمرو اديب امبارح في اون تي في وممكن تسمعه تاني على اليوتيوب هتعرف النظام الفاشي ده عمل ايه لكل واحد حر عنده فكر
الاخوان خيال مآآآآآآآآآآآته كبير

تحيا مصر
MishMish

hellmr said...

Muslims brotherhood and Muslims extreme will vanish with time , they lost faith in there leaders look at Hassan or the other fags around him they was so clear about supporting mubarak system and people are not that retarded to accept anymore bullshitting , thats what i bid for .

Migo Mishmish said...

Hellmr
بص يا نجم هو المفروض اننا مانصادرش على راي حد
لو الفتره اللي جايه هيبقى فيها ديموقراطيه حقيقيه
كل واحد هيعرض فكره
والناس هتحكم
الفترة اللي فاتت مكنش مسموح لحد يفتح بقه غيرهم
لان الحكومة عارفه اننا مش قابلين ده وكنت بتخرس اي حد يقول غير كدة
علشان تقتل اي امل جوانا في الاصلاح
خطه الحكومة اننا نبقى حمير
بس الحمدلله
طلع في ناس كتير مكبوته وكانت مستنيه فرصه
الرهان على المرحله القادمة
وشكارً على اهتمامك ونتمى ان البلكونة تعجبك وتفضل واقف فيها دايماً

تحيا مصر
MishMish

NooN said...

الطيب الكلام اللي انا هاقوله ده صادر من واحدة مسيحية اللي هو انا كانت عايشة 18 يوم مع الاخوان في التحرير بناكل مع بعض في نفس الطبق..ارجوكم بلاش تقولوا كده..انا مش بدافع عن الاخوان بس انا عاوزاكوا تعرفوا مين اللي كان من الاول بيخوفنا من الاخوان وبيقول انهم عاوزين ياخدوا السلطة..النظام الفاسد..اللي فجر الكنيسة وقتل الابرياء عشان انا وانت نشك في المسلم جارنا ونقول انه عاوز يقتلني..ارجوكم كفاية نفرق كده

Migo Mishmish said...

Noon
الاخوان اول ما اتكلموا قالوا احنا مش عايزين منصب الرئاسه احنا عايزين حزب سياسي
امتى قالوا الكلام ده؟ قالوه لما قولنا عايزين دول برلمانيه مش دولة رئاسيه
يعني هما دايماً مع اللي يكسب
ثم هما عايزين السياسه ليه؟؟؟؟؟؟؟؟؟؟؟؟؟؟؟
هما مش مشروعهم دعوي بالاساس
ولا هما عايزين سياسه ياخدوا بيها مجلس الشعب يطلعوا قوانين تقلب البلد لدوله خلافه
يبقى مستشار الدولة هو القرضاوي وحاكمها امير المؤمنين مهدي عاكف بتاع طظ
عموماً انا كمان مسيحيه احنا مش هيبقى عندنا مشكله
هما هيحاربوا احنا ذميين مش هنحارب
احنا هندفع جزيه بس
ثم احنا هنعمل لجوء ديني
اللي هيتعك في الموضوع ده صحيح هما المسلمين المعتدلين

تحيا مصر
MishMish

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق