Thursday, June 19, 2008

أن تكون إنساناً


لا تظن بأن الدين الذي تعتنقه يمكنك من معرفة الحقيقة المطلقة والخير المطلق ويعطيك الحق في الحكم بأن كل البشر المختلفين في العقيدة في هذا العالم الواسع لا يملكون أي حقيقة وأن مصيرهم جميعا إلي الجحيم.


منقول بتصريف من باولو كويليو - أن تكون إنساناً
Love,
MishMish

5 comments:

Unknown said...

ازيك يا مشمش
:)
ممممممممممم

ماشى فكر جميل
بس هو الأنسان كان فين و امتى باه انسان و مين الى خلاه انسان و مين الى خلا ليه عقل يفكر و مشاعر يشعر بيها
هل يعتقد الكاتب ان الأنسان هو خالق نفسه هو من خلق مشاعره و عقليته على حسب ما يهوى

تحياتى
و ابقى فوت علينا يا قمر مطنشنا بقالك مدة ليه ؟
:)

Migo Mishmish said...

عليا الحبيبة
انا مش ضدد وجود خالق للكون. انا اعترف تمام الاعتراف بوجود إله للكون لان اللي حوالينا اكبر من انه يكون نتيجه الصدفة
انا ضدد التعصب لدين معين. يعني في نظري الدين طريق يوصل للحياه مع الله. لان من خلال تجربتي الشخصية المتواضعه لاقيت ان مفيش اي حاجة ريحتني غير ارتباطي بالله الممثل لكل جميل ونقي وقوي وعادل ورحيم ومحب و...و...و...و...و
الإله بالنسبة لي يمثل كل ما هو مطلق
وبما ان الله غير محدود بعكس الانسان المحدود فارى انه من العبث تمسك البشر بصورة وضعيه خلوقها في مخليتهم لله من خلال تعاليم الدين الذي ينتمون له وهي اياً كانت تعتبر جزء من كل ومع ذلك يفرضون تصورهم على من حولهم.
يعني بصي يا عاليا من المدونات اللي بعشقها مدونة ارض الرمال والراجل بصراحه ماسبش دين الا اما بهدله. بس اللي انا شايفه من خلال كتباته ان بن كريشان - صاحب المدونة - تعبت من الصورة النمطية المفروضه في ثقافة المجتمع. لكن انا مش شايفه انه معترض على الله بالعكس هو محتاج يتصالح مع الله
هل تفتكري يا عاليا ان كل اللي بيعملوا حاجة على اسم ربنا سواء ان كان صلاة او فعل خير او التخلي عن شيء لاجل العقيدة من اي دين سواء ان كان ارضي او سماوي ربنا ما بينظرلهاش
احنا مين فينا اختار دينه واديكي شايفه لما حد بيحول ايه اللي بيحصل. طيب خلينا نقول مثلاً ان البوذية هي اللي صح والباقي كله اي كلام. طب احنا مين دلنا على طريق البوذية محدش طب مين فينا يقدر يحول ويبقى بوذي متلاقيش.
تفتكري ربنا بعدله المطلق هيحاسبنا على حاجة احنا منعرفهاش ميتهيأليش. بس في حاجة تانيه انا واثقه منها ان ربنا بيرد على كل واحد طالبه بقلبه حتى اللي بيعبدوا البقر لما يكون جواهم اشتياق حقيقي للوصول الى الله بيوصلهم
ارجو اكون فهمت تعليقك صح وردت عليكي بطريقة كويسة
بخصوص المرور بقه المدير بتاعي بيجي المكتب كل اليوم اليومين دول فيدوبك بخش سرقه واخرج ادعلي اجيب كمبيوتر في البيت
Love,
MishMish

Desert cat said...

كن انسانا ترى الوجود جميلا
تعامل مع الاشخاص معاملة انسان لانسان
وليست معاملة ديانه
فالدبن لله والنوايا لا يعلمها الا هو سبحانه وتعالى
لا يكتمل الدين الا بحسن الخلق
لا يكتمل الدين الا باحترام الاخرين
مودتى
يا مشموشة

Anonymous said...

العزيزه مشمش

الصوره من فيلم انا بحبه و تعاطفت مع كل حاجه فيه فأسمحيلي احييكي علي حسن اختيارك للصوره

لا أحد في هذه الدنيا يستطيع ان يقول انه يمتلك الحقيقه كامله عزيزتي و اللي بيقول انه وصل للحقيقه ثقي انه لم يصل بعد لها
نعيش في تلك الحياه و نحن في حاله تعلم دائم

الاختلاف بين البشر ليس من المفروض انه يباعد بينهم بل بالعكس انا اختلف معك في شئ فلابد اني احاول استفيد من اختلافتنا دي و احاول اقرب من وجهات نظرنا و في النهايه نحن بشر قد نخطئ و قد نصيب و لكننا نعيش سويا في هذا العالم

تحياتي ليكي مشمش علي الكلمات و الصوره المعبره

Migo Mishmish said...

الغاليتان: القطة والاجندة
انا اسفه على التأخير في الرد بس انتوا عارفيين الشغل لما بيزنق.
عايزة اقولكم على موقف حصل معايا بسبب البوست ده:
كنت في الكنيسة واتكلم معايا واحد صاحبنا انا وميجو بخصوصه قالي ان البوست بصراحة بيعلن انك بتشكي في ايمانك وانا مرضيتش اعلق عليه لاني هاقول الكلام ده مش مظبوط فردت عليه كدة:
هل لدينا معرفه تامة عن جوهر الله وغرضه من خلق الكون ومن وجود الانسان ومن اختلافاتنا ومن وجود صور مختلفه للايمان بيه ومش كدة وبس وكل مجموعه ايمانيه بتنظر ياما باحتقار او بعطف على بقيه المجموعات الضاله؟
فقال: لا طبعاً بس انا عارف اني بتبع الحقيقه وبعد كدة في الاخر هيتم الاعلان عن كل الاسئله اللي انتي سألتي عنها ديه
قولتله طيب هل بقيه الناس مش هاقولك من الاديان التانيه هاقولك الهندوس اللي بيعبدوا البقرة او بوذا او ...... او.... عندهم قناعه تامة انهم ضاليين وانهم ماشيين غلط ومع ذلك بيكابروا ولا هما شايفين ان هما على حق وبقيه الناس ضاله؟
فقال: لا طبعاً هما متأكدين انهم عندهم الحقيقة كلها
قولتله يبقى الحقيقة شيء نسبي. كل واحد فينا شايفها بحسب استعدادة لاستقبالها وثقافته وتربيته و...و....و.... انما محدش يقدر يعلن انه عنده الحقيقه المطلقه وهو ده معنى الكلام اللي في البوست
كل واحد فينا معاه جزء من الحقيقة علشان كدة ده مش سبب اننا نعادي بعض لكن ده سبب يخلينا نقرب من بعض علشان نكمل الحقيقة
هو ماقتنعش قوي بس على الاقل فهم اللي انا اقصدة من ورا البوست ده
Love,
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق