Sunday, February 8, 2009

ارزاق

..خرجت فى البريك اجيب اكل من عند مطعم اسمه ارزاق لان مافيش اى محل تانى جنبنا غيره دخلت وطلبت الاوردر ..لقيت جه موعد الصلاه ..شيئ كويس انهم يبقو متدينين ويواظبو على الصلاة ..دى حريتهم الشخصيه ..وشيئ مايخصنيش فى حاجه ..طبعا ساعه الصلاه بيقفلو باب المحل وبيمنعو اى حد يدخل ..برضه كويس الى عاجبه عاجبه والى مش عاجبه ياكل من محل تانى ..دا نظام المحل ..لكن لما جيت اخرج فوجئت بحاجه عجيبه : الاخ المسئول قالى ماينفعش تخرج يا استاذ الباب مقفول ودا وقت الصلاه ...استنى لما الصلاه تخلص...لحد كدا وستوب كدا تعدو على حريتى ..طبعا وشي زنهر ودماغى قفلت واستعديت للمعركه ..وعليت صوتى ووصلت معايا انى لو هامسك كرسي واهبده فى القزاز بتاع المحل عشان اخرج كنت هاعمل كدا.. المهم صوتى على لحد مافتحولى الباب ..وطبعا خدت قرار انى مادخلش المحل دا لو هاموت من الجوع ...... بس خلاص

20 comments:

رئيس جمهوريه نفسى said...

معلش يا ميجو الناس دى ما تعرفش انى العمل عبادة وكان ممكن ينتظرو دقائق لحد ما تاخد الاورد بتاعك وبعدين يصلوا خاصة وانهم مش حيصلوا فى جامع وحيصلوا مع بعض بس تعمل ايه

Migo Mishmish said...

ياريس
مش عارف اقولك ايه ؟ دى ناس بتستعبط ولا بتستهبل ..دا عايزين يحبسونى جوة ..انت فاهم يعنى ايه بيقولى ممنوع الخروج؟ يعنى عايز يمشي قوانين على مزاجه ..انا لولا انى مسكت اعصابى كنت ارتكبت جريمه
تحياتى ياريس
وماتنساش المنحه ياريس هههههه

Lyssandra said...

هههههههههههههههه

أول مرة أسمع عن حاجه كده

ههههههههه

.....

تقبلوا مروري الأول

كل التحية

Lyssandra

واحدة مفروسة said...

ههههههههههههههههههه
هههههههههههههههههههه
انا عمري ما سمعت عن الموضوع ده
ههههههههههههههههههه
سيبك ده اتقصاد ههههههههههههههههه
انا حموت من الضحك متخيلة نفسي فى نفس الموقف
هههههههههههههههه
شعب يفرس و الله العظيم
معلش تعيش وتاكل من محل تاني

الا صحيح المحل ده فين علشان عاوزة اروح افرسة
هههههههههههههههههههههههههههههههه

صبرني يارب said...

طيب يا ميجوا دول ناس كويسين اهو وسابوك تاكل

بتوع التوحيد والنور بقى مره اتخانقت معاهم عشان خرجوني بره المحل وقفلوه وانا كنت اشتريت الحاجات خلاص ودفعت يادوب هاستلم
وده راسه والف جزمه انه يخرجني بره ويقفل الباب عشان هايروحوا يصلوا

طبعا انا خرجت لان الي كان متبقي فى المحل عامل لا حول له ولا قوه وكمان لان الى بيسلم مشي بالفعل
انما لما رجعوا كلهم انا حطيت صوابعي فى عنين التخين فيهم

عشان دي قلة ادب ومسخره
ومش معنى انك تلتزم بالصلاه فى الجامع انك تبهدل الناس

وتوقف ستات وعيال فى الشارع لمدة نص ساعه
على ما تصلي

ممكن تصلوا جماعه بس على مرتين مش هايحصل حاجه ولا هي غباوه وبس ؟؟؟؟؟؟

ميجو انا فاهمه وجهة نظرك جدا من البوست الى فات

بس انا قلتلك توضيحا لك ولاي حد يقرا موضوعك فقط توضيحا

Desert cat said...

صورة ساندو زى القمر انا خايفة عليها من الحسد
بالنسبة لموضوع البوست
الحمد لله انى مكش كنت موجودة اصلى كان ممكن بالفعل ارتكب جناية دون ادنى تفكير خصوصا وانى عصبية ومتعصبة على طول انا ماشية بقى قبل ما اتعصب زيادة

Migo Mishmish said...

lyssandra
على فكرة بنتى اسمها ساندرا
شرفتى البلكونه ياهانم ونتمنى انك تكونى ضيفه دايمه ..على فكرة الشاى على النار
تحياتى ميجووووو

Migo Mishmish said...

الخت المفروسه زييى
المحل ده معروف فى المعادى ...وصدقينى انا مش بكدب والقصه دى حصلت معايا شخصيا مش مع حد تانى ..وبعدين انا اكل من برة ليه ؟ منا اخلى مشمش تعملى سندوتشات ..مش انا مدرس؟ او اخد الساندوتشات بتاعت العيال
تحياتى
ميجوووووووو

Migo Mishmish said...

صبرنى يارب
انا بجد هاتفرس من الناس دى ..هما ماعندهمش عقل؟ ..انا لو من مكانك كنت خدت فلوسي منهم تانى وهزأتهم
اما بالنسبه للتوضيح : انتى فاهمه كويس ودماغك كبيرة ..انما حبيت اوضح للناس التانيه فقط لان فيه ناس دماغها ظلط
تحياتى وربنا يصبرك
ميجوووووو

Migo Mishmish said...

قطه باريس
انتى متعصبه ومتنرفزة ليه ..ماهو انتى الى سخنتينى بالبوست بتاعك بتاع اللثام وسنينه ..انتى تعملى العمله وتجرى ؟ ايه الحركات دى؟اعرف صاحبك وعلم عليه هههههه
ميرسي على ذوقك ورأيك فى ساندرا

Anonymous said...

حبيبى ميجو
الحل مع اشباه البشر دول انه لما يرفضوا يخرجوك و يعتدوا على حريتك انك وانت محبوس عندهم تعمل عليهم بيبي ميه لحد لما يفكوا اسرك و بكده انت بتكون بترد العدوان

Bastawisi said...

عفريته ساندو شبه واحد صاحبي

عادي هما اتعودوا يامروا فيطاعوا فى مواضيع الدين انت متخيل ايه يعني؟

Migo Mishmish said...

الاخ غير معروف
اعتقد انى عارفك من اسلوبك
طب افرض انى مش مزنوق ومش عارف اعمل بي بي ..؟ يبقى عملو الى فى دماغهم وحبسونى برضو؟
تحيااتى
ميجوووووو

Migo Mishmish said...

بسطاويسى
ميرسي على ذوقك ..
برضه انا بتلكم على ناس معينه مش كل الناس برضه ..ومش فى الدين بس دا سلوك عام
تحياااتى
ميجوووووو

Anonymous said...

something close to this happened to me in Karffour. They don't close for Friday prayers, but all the cashiers leave their cash boxes and go to pray. I was there on Friday and had to stand in a line for there were only 3 working. I demanded to see the manager, who was also at the prayers!!! I waited for him and gave all of them a piece of my minde. I told him why don't you devide your workers into 2 groups, or hire more Christians and girls to have people working during this time. Of course all the people were watching me with their mouthes wide opened because I was touching the tabo of prayers. the guy appoligized and the next Friday, it was exactly the same...

Marika

على باب الله said...

العمل عبادة و العبادة عمل

و إذا تعارض الإثنان في الوقت فالأولوية المطلقة للعبادة

ما أهو أصل إحنا ها نقفز إلي مصاف الدول المتقدمة بالعبادة و ليس بالعمل

علشان كده المقولة الشهيرة لرجل الشارع المصري هي

" مش ها ينصلح الحال إلا لما نرجع لربنا "
و كما هو واضح, لا دخل للعمل - بأي شكل من الأشكال - في عملية إنصلاح الحال

EmY said...

ايه الناس دي لو انا مكانك كنت كسرت الباب علي راسهم و خرجت
ده تهريج هما احرار انشالله يصلوا 24 ساعه في اليوم بس اعطل نفسي و معرفش اخرج يعني ايه ده

دي ناس مريضه مش متدينه

Migo Mishmish said...

ماريكا
مش لاقى حاجه بصراحه اعلق بيها على كلامك ..فنفس الناس ونفس العقول هى هى
تحياااتى
ميجوووو

Migo Mishmish said...

على باب الله
منا بستغرب زيك برضه ..ليه لما الكنايس والجوامع مليانه على اخرها ..امال مين الى مبوظ البلد؟
تحييااااتى
ميجوووووو

Migo Mishmish said...

ايمى
معاكى حق ..دى ناس دماغها متعفنه
وعطنت من الركنه
تحياااااتى
ميجووووووو

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق