Tuesday, December 14, 2010

افغانستان اخرى في الطريق

اول مرة اتفرج على فديو جلد المرأة السودانيه كامل النهارده من غير الصوت طبعاً
الصور ديه متاخده من مقاطع الفديو على اليوتيوب
الصورة الاولى على الشمال للست وهي ماسكه الكرباج وبتتحايل على الجلاد يرحمها
الصورة اللي جنبها لواحد من منفذي الشريعه والحكم وهو مبسوط قوي
الثالثه من الشمال لما لاقها مسكت الكرباج دخل يكمل هو
الرابعه بعد ما اضربت بالكرباج على وشها

لكن اللي يفرح ان السلطه القضائية في السودان قررت فتح تحقيق في هذه الواقعه وهي تعرض فتاه للجلد على بعنف على ايدي رجال يرتدون زي الشرطة.... ومن ناحيه اخرى قال والي الخرطوم ...ان هذه المرأة عوقبت بموجب الشريعه ولكن الخطأ في طريقه تنفيذ العقوبه بحقها
لكن مفيش حد من اللي كتب الخبر قال اسمها ايه وتهمتها ايه المشكله تتلخص في خطأ في تنفيذ العقوبة
وتعيد هذه القضيه إلى الاذهان حادثه الصحافيه لبني احمد حسين التي تم القبض عليها في احد الاماكن العامة وقدمت للمحاكمه بتهمه ارتداء البنطال وهو مما تعتبره السلطات السودانيه زياً فاضحاً وقفاً للمادة 152 من القانون الجنائي لسنه 1991
احب اهنئ الشعب السوداني الشقيق بمستقبلهم الاسود. بالمناسبه اهدي لهم الصورة ديه
ديه صورة افغانستان الشقيقه في الخمسينات والستينات ايام ما كنت بلد عايش فيها بني ادمين

وديه صورة افغانستان اليوم بعد حكم الملالي


Love,
MishMish

10 comments:

Andrew said...

كنت محترم والله
بس الناس دول هم اللي علموني سب الدين

Anonymous said...

هل الخمأ فى الدين ‏
أم ان الخطأ فى التدين

Migo Mishmish said...

Andrew
لست وحدك يا رجل
لقد جعلونا مجرمين

Anonymous
الاجابه مش عندي الاجابه المفروض تبقى في دماغ كل واحد مننا
طب واللي حكم عليها واللي واقف يصورها واسود القلب اللي بيجلدها وهو مبسوط
هل لا يوجد بهم ولو واحد بلا خطيه واحدة تستحق الادانه حتى يمكنه الحكم عليها؟
Love,
MishMish

Kontiki said...

:( مأساة !

IMSA said...

مشمش :
الحكاية ببساطة فهم منغلق
تطبيق اعمى
تدين ظاهري
انسداد في العقل والفهم
ينتج عنه ما تراه امام عينيك
تحياتي
واتمنى قبول ردي وتعليقي

P JAZZMAN said...

This cause of U.S Fundamentalism.. it created the fundamentalist islamic Talebans .. to fight the Communist Secular community of Afghanistan.

Desert cat said...

تعرفى يا مشمش
من اول يوم نزلتى فيه البوست ده وانا كل يوم ادخل ابص عليه احس ان قلبى بيوجعنى امشى من غير ما اكتب حرف واحد
من شوية لاقيت مؤمن منزل موضوع مشابه فى الفيسبوك افتكرت البوست ده قولت شكلكوا كدا انتوا الاتنين متفقين عليا
لكن فى نفس الوقت فى ناس بتتبسط اوى فى اى حاجه تحصل مهما كان المها لمجرد ان اللى بتحصلها دى انثى
ولو محدش اتحرك للحد من الجرايم دى مش السودان بس اللى فى الطريق
هتلاقى مصر كمان
وبصراحة بكتب لك وانا فى قمة احباطى

Migo Mishmish said...

Kontiki
العالم ديه مش شايفه في تطبيق الدين سوا اداه يدسوا بيها على رقاب بعض

IMSA
عندك حق

P Jazzman
طيب طالما احنا عارفين ان امريكيا هي السبب هنفضل نندب لغايه امتى
وبعدين محدش بيفرض الممراسات ديه ليه
البشير خرب السودان وقعد على تلها والخطه الوحيده عنده هي تطبيق الشريعه
ويقتلوا بعض ويقطعوا ايدين بعض ويرجموا بعض و..و.. تصبح السودان اكبر سوق للاعضاء البشريه والاجهزة التعويضيه ومصحه كبيره لذوي العاهات

قطه
انا اول مرة اشوف الرد بتاعك النهاردة
يمكن لو كنت رديت عليكي في ساعتها كنت قولتك لسه في امل لكن بعد اللي حصل في اسكندريه
اظن ان الامل لقى حتفه امام الكنيسة يوم راس السنه
حداداً على مصر
MishMish

عائشة (**** لكم اشتاق الى لقياكى يا امى الغالية ***) احبك said...

هكذا وسنبقى هكذا نرفع شعارات السب واللعن ولا نغير من انفسنا

Migo Mishmish said...

عائشه
مش فاهمه تعليقك

حداداً على مصر
MishMish

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق