Wednesday, January 6, 2010

عيد سعيد

كنت رايح مشوار صغير ..فركبت ميكروباص ..بعد شويه طلع واحد ركب جنبى ..طلع يعرف السواق ..دفعله الاجرة ..فالسواق مرضيش
ياخد اجرة عشان يعرفه ..متشكرين ياعم حسن ..عيب ياعم احنا اهل ..معقول اخد منك اجرة ؟ ..ربنا يكرمك ويرزقك ويكفيك شر اليهود والنصارى ..اهو ال(تيييييييييييييت ) عيدهم النهارده ولا بكرة ..مش عارف اهو هايجيبو ابوهم شنوده النهارده فى التليفزيون ويقرفونا ..الله يحرقهم بجاز وسخ الكفرة ..ياعم ربنا يكفينا شرهم
عيد سعيد وكل عام وانتم بخير
اهداء الى الشيخ يوسف القرضاوى

9 comments:

Unknown said...

كل سنه وكل المصريين بالف سلامة وخير
تحياتي والى الامام

صفا سارة said...

كل سنة وانتوا طيبين عيد سعيد

بخصوص اللى بيحصل ده بجد بقيت اكتئب منه عالم عايزة اعادة تأهيل فعلا
اعادة تأهيل انسانى

على باب الله said...

مش عارف الأقباط مضايقينهم في أيه ؟
نفسي حد يجاوبني على السؤال ده بشكل مُقنع
كل سنة و أنت طيب يا كبير

نونا مجدى said...

كل سنه ومصر كلها بخير ويكفيها ربنا شر اللى بالى بالك

Hassan El Helali said...

يا ميجو

القرضاوي وأمثال القرضاوي
لا بد يوم ييجي وينقرضوا

ملعون أبو اليوم اللي ظهروا فيه
ظهروا كطفح جلدي علي وجه الوطن
صديد لا بد ياخد وقته ويختفي
سواء بالعلاج أو بالزمن

محمد said...

كل سنة وانت طيب
و ولا تزعل هو الغباء والتخلف يعملوا فالناس اكتر من كدة

كافى خيرى شرى said...

حاجه تقرف

واحد من المضطهدين said...

يااخ حسن الهلالى عيب تشبه القرضاوى وامثاله بالطفح الجلدى على وجه الوطن امال السرطان المتغلغل فى جسد الوطن يبقى ايه

Unknown said...

كل سنة وانت طيب يا ميجو والله يا اخي الناس دي فاهمة الدين برجلها مش بعقلها

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق