Thursday, January 7, 2010

البريئ



البريئ








حلمت الليلادى, بإنى في موقف رهيب,بأقول ، والكلام منى طالع نحيب ...سيادى القضاه ,دفاعي بسيط.كلامي ماهواش غويط


وماهواش عبيط.....بسيط


بساطة هدوم الغلابا الفقارى الحُفاه ....بسيط، زى اسم صديق على شِفّة صديق ...بسيط زى دمعة برئ ...بسيط زى وحش جعان فى الفلاه ،بسيط زى حفنة دقيق



سيادى القضاه ، يا ذمم يا همم يا قمم يا عتاه...دفاعي قوى.. قوى زى صرخة غريق ...بينده لقارب نجاه بينده بينده بآخر قواه , للحياه.. دفاعي قوي زى دقماق حديد ،قوي زى نظرة وعيد ،قوى زى تمثال اله ،قوي زى بلطة الحريق فوق بيبان


الحريق
سيادي القضاه،سيادي الكرام العظام الفخام العلاه ,دفاعي مؤيد ،بتوراه , بإنجيل ، بمزامير داود ،بقرآن كريم دفاعي مؤيد بكل أنين الكمنجات فى كل الوجودبكل حفيف النسيم بتهنينة الأُمهات للعيال فى المهود ,بقولة "باحبك" , و "آه" ,بصوت القُبل،وكل ابتسامة بحق وحقيق ،تؤيد دفاعي وبارفع صباعي الضعيف وباقول كلمتى ...




سيادى القضاه



سيادى الحدادى اللي حايمه على رمِّتى.....ح أقول كلمتى ... ...لكين قبل ما انطق واقول كلمتى ...

قولولي انتوا ..إيه تهمتى . . ؟ ؟

ميجوووووووو

10 comments:

Sahran said...

مرحبا ميجو

طيب خلينا نفضفض شوي , ونحكي لعل الكلام يخفف من أوجاعنا ولو قليلاً.

قبل سنتين أقامت حركة فتح مهرجانا في غزة في ذكرى وفاة الرئيس أبو عمار , وطبعا كانت حماس وقتها هي المسيطرة على غزة , المهم ,,,, بعد انتهاء المهرجان انهالت علينا رصاصات حماس من كل ناحية , وقتلوا أكثر من 13 مواطن خلال أقل من خمس دقائق ,,
طبعاً قد لا تكون مهتما بتلك الحادثة , ولكن أولئك الذين أطلقوا النيران علينا قبل عامين , هم أنفسهم من قتلوا الجندي المصري , وهم أنفسهم من اختبؤوا زمن الحرب على غزة , وتركوا الأبرياء في مواجهة آلة الحرب الفتاكة , وهم أنفسهم من يقفون اليوم على الحدود بين غزة وإسرائيل , ويمنعوا إطلاق الصواريخ تجاه إسرائيل , في سابقة لم تفعلها سلطة فتح والتي طالما اتهموها بالعمالة لإسرائيل .
عزيزي ميجو :
عدونا واحد , ليس بالضرورة أن نتكلم عن أشخاص معينين فهم كثر , ولكنهم أولئك الذين لا يبالون بشعوبهم ومصالح الناس.

عزائي لأخواني المصريين في شهيدهم الجندي المسكين


تحيااااااااااااااتي لك


ودمت سالماً

م/ الحسيني لزومي said...

عيد سعيد وكل عام وانتم بخير

Tears said...

مش فاهمة الجيش فين...شايفين كل الظلم ده و ساكتين...ده جيش وطنى بالذمة؟

نونا مجدى said...

تهمتك وتهمتنا كلنا انا عرب

كافى خيرى شرى said...

خالص العزاء لاسرة الشهيد وربنا ينتقم من اللى عملوها

Hassan El Helali said...
This comment has been removed by the author.
Hassan El Helali said...

ميجو... مشمش... ساندو

كان نفسي أجي البلكونه اشرب شاي في العيد
وآكل كحك زي ما طنط ماري كانت بتعمل وتبعت لنا
الله يرحمها وكويس انها ماتت قبل ما تشوف حال بلدنا
معلش... الحال يستحيل أن يستمر في هذا الإنحدار
ساعات باحس إني مكسوف إني مصري
تقبلوا حبي وعزائي وعظيم خجلي

صوت من مصر said...

انا لله وانا اليه راجعون

Desert cat said...

ميجو انا بجد مكسوفه وحاسة بالخجل
من افعالنا الوحشية تجاهكو ومن اجرامنا تجاه ناس قتلنا فرحتهم بالعيد الله يحرق قلب كل واحد حقود

Mina said...

كل سنة وانتم طيبين
وعيد سعيد عليكم
متأخرة بس علي ما خلصت العيد بقي ودخلت نت
وهانقول ايه يعني
ربنا موجود

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق