Friday, March 12, 2010

حـلــم

يا صاحبي ياللي راكن حلمك فوق الرفوف
بص لنفسك في المرايه! بالذمة مش مكسوف
تحقيق الحلم ملوش علاقة بأي خوف
ولا اصل اصلي انا عندي ظروف
ده عاوز قلب جامد وميعرفش خوف
خطوة بخطوة تتقدم كل الصفوف
عافر في الصخر ورا حلمك وطوف
تحقق بدل الحلم الف .. ميات .. الوف
هيفضل لحد امتى حلمك اسير
افتحله القفص علشان لفوق يطير
حلمك مش هيجي وانت قاعد في السرير
انفض من عليك التراب والكسل
دا اخر الطريق المر طعمة عسل
كلام موزون ومتجرب ... بس جرب
هتعلى وتعلى وينضرب بيك المثل
إهداء للبلكونة من اشرف ناسان

9 comments:

mony said...

كلام صح الصح
احلام كتير راحت بسبب الخوف

Anonymous said...

و الله واحشنى يا اشرف
George USA

لاسع افندى said...

المهم الاول
ندور على الحلم المقتول ونتعلم نحلم



تحياتى

Tears said...

أهم شىء ننفض السلبية لان هى اللى وصلتنا لكده

Ms Venus said...

طب واللى يأس

ومالوش نفس حتى يحلم

يعمل ايه ؟


ربنا موجود

عصام said...

الله ياعم أشرف...سبع صنايع ويارب يكون البخت مش ضايع

Migo Mishmish said...

mony
احسن حاجة انك تكتب اللى انت حاسه وعايشه

Migo Mishmish said...

gorg
وانت اكتر يا جورج بس ادعلنا نحقق احلامنا

Migo Mishmish said...

gorg
وانت اكتر يا جورج بس ادعلنا نحقق احلامنا

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق