Tuesday, May 11, 2010

مستر حسين ..خذ فطيرك

كان الاستاذ حسين مدرس اول لغه عربيه ووكيل القسم الثانوى منهمكا فى الشرح فى فصل اولى تالت ..كان الدرس عن فعل الامر ..بالصدفه البحته كان يكتب فعل الامر من فعل اخذ ..فكتبه خذ ..فجأه علا صوت طالب من الطلاب يامستر ايه الفعل ده ؟ فاجابه المستر ببراءة :خذ ..فقال له الولد خذ فطيرك ..طبعا الايحاء واضح ..جن جنون مستر حسين ..فهو مدرس من 29 سنه وتخرج على يديه اجيال لم يجروء احد على ان يقول له هذه الكلمه ..سحب الطالب من قفاه على مكتب الناظرة ..وتم عمل تحقيق ..وكتب فى شكواه ان الطالب قال له خذ فطيرك وان هذه سفاله وانه طالب غير محترم ويجب اتخاذ اجراءات عقابيه معه ..لم تفهم الناظرة مغزى الكلمه فقالت لمستر حسين انا مش شايفه شتيمه فى الكلمه ..وكان الطالب يدافع عن نفسه بانه ادخل الفعل فى جمله مفيده وان مستر حسين هو الى نيته وحشه ..وان مستر حسين يضطهده لياخذ درس خصوصى معه ..وانه بدلا من ان يشكره على اجابته ويكافئه على نشاطه داخل الفصل يريد ان يعاقبه ..وجد المستر حسين نفسه فى موضع المتهم بدلا من المجنى عليه ..صعدالشكوى الى مديرة المدرسه وتم عمل تحقيق ..ولكن هذه المرة اتى والد الطالب المحامى الكبير ذو العلاقات والنفوذ ..والذى على علاقه وطيده بالمديرة ..وهدد المدرس بانه سوف يشكوه فى الوزارة لانه يجبر ابنه على اعطاء الدروس الخصوصيه مالم يسحب شكواه ..فوض المستر حسين امره لله ..وسحب شكواه...حتى لايتم اتهامه بالباطل ..لكن بعد يومين استدعاه مدير شئون العاملين ليبلغه انه تم خصم يومين من راتبه لانه يسيئ معامله التلاميذ وان هذا قرار مديرة المدرسه ...صدم المستر حسين واهتزت معاييره ..بقى الواد يقل ادبه وانا الى اخد يو مين خصم ؟؟..ايه البلد دى ؟ ...خرج من المكتب بعد ان وقع على الجزاء ذابل الوجه ..بعد ان اخذ فطيره ..وتباهى الطالب امام زملاؤه بما فعله فى استاذ حسين ..حتى انهم اطلقو عليه لقب ...استاذ حسين خد فطيرك
قصه حقيقيه من ملفات المخابرات المدرسيه المصريه
تحياتى
ميجوووووو

10 comments:

Sahran said...

ميجو

والله سلامات من بعد غياب و اشتقنالك , وانشالله ما تقع مع فطاطري بيوم

لأنو التلبس كانت تنقصه نقطة , فأصبحت إجراءات القبض غير مكتملة , ويا هنيالو الولد


تحياااااااااااااااااااتي لك


ودمت سالماً

عصام said...

عزيزى ميجو..قرأت وليتنى ما قرأت مقالك المحزن فقد أصبتنى بالغثيان وأنا فى غير حاجة إليه وبصراحه (اللى فيا مكفينى)وعموما هى حلقه جديده من حلقات إنهيار التعليم الذى يتزامن مع إنهيار نظام باكمله وإنهيار دوله والسؤال الذى لاأجد إجابه عليه هو:ماهى الخطوه القادمه من خطوات إنهيارنا المتسارع؟

عصام said...

عزيزى ميجو..قرأت وليتنى ما قرأت مقالك المحزن فقد أصبتنى بالغثيان وأنا فى غير حاجة إليه وبصراحه (اللى فيا مكفينى)وعموما هى حلقه جديده من حلقات إنهيار التعليم الذى يتزامن مع إنهيار نظام باكمله وإنهيار دوله والسؤال الذى لاأجد إجابه عليه هو:ماهى الخطوه القادمه من خطوات إنهيارنا المتسارع؟

عصام said...

عزيزى ميجو..قرأت وليتنى ما قرأت مقالك المحزن فقد أصبتنى بالغثيان وأنا فى غير حاجة إليه وبصراحه (اللى فيا مكفينى)وعموما هى حلقه جديده من حلقات إنهيار التعليم الذى يتزامن مع إنهيار نظام باكمله وإنهيار دوله والسؤال الذى لاأجد إجابه عليه هو:ماهى الخطوه القادمه من خطوات إنهيارنا المتسارع؟

عصام said...

عزيزى ميجو..قرأت وليتنى ما قرأت مقالك المحزن فقد أصبتنى بالغثيان وأنا فى غير حاجة إليه وبصراحه (اللى فيا مكفينى)وعموما هى حلقه جديده من حلقات إنهيار التعليم الذى يتزامن مع إنهيار نظام باكمله وإنهيار دوله والسؤال الذى لاأجد إجابه عليه هو:ماهى الخطوه القادمه من خطوات إنهيارنا المتسارع؟

Anonymous said...

تصدق انا مستنى البوست من زمان انا مش عارف انت كنت فين

بس عايز اقولك ياريتك مكتبته

George USA

العلم نور said...

قصة مؤسفة جدا في حق العلم والتعليم وفي حق من لا يقدر من يعلمه

لكن كل ظالم وله يوم

Kontiki said...

كلمة الطالب ذكرت فى فيلم سينما!!!
اسفاف الفنون بانواعها واعتبار نموذج اللنبى واحمد مكى هما النماذج التى تحتذى بالنسبة للرجل و الشاب المودرن والاب والام البارعين فى الانجاب الفاشلين فى التربية والتهذيب .
مش مشكلة استاذ حسين بس دى مشكلة اجيال طالعه
علية العوض ومنة العوض

Ms Venus said...

ومازال مسلسل انهيار الذوق والادب والاخلاق مستمرررا


ربنا يرحم

Zoro said...

ازيك يا مستر ميجو عامل ايه
بص يا سيدى انا بقالى ييجى بتاع 3 ايام كده عمال اقرا فى البلوج الجميلة دى وده متعب جدا انى اقرا ييجى بتاع 100 تدوينة بس كانت تستحق انها تتقرى
وبالنسبة لحكاية خد فطيرك ده
ده بقى الطبيعى التعليم كله انهار واحب اقول انى بعد 15 سنة بتعلم بقولك انه انا مستفدتش حاجة حتى فى كليتى اللى انا فيها (هندسة يعنى اللى بناخدو بنشتغل بيه برده ابيض )الدنيا كلها بقت زفت مفيش تعليم او تربية او اى حاجة
شىء محبط جدا خصوصا لما كتبت قبل كده انك حاسس انك بتضحك على العيال ومش بتفيدهم يعنى حتى الناس اللى عندها
استعداد تشرح مش بتقدر تعمل حاجمن النظام اللى زى الزفت
احب اقولك وعن ثقة التعليم ده اكبر كدبة فى بلدنا
ابقى سلملى على مشمش وعلى القمر ساندو وابقوا اعملولنا قهوة نسكافيه كله شاى شاى حرام عليكوا

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق