Tuesday, April 29, 2008

إن كنت فاضي احنا مش فاضين

شفت سخافه كتير وقليل انما ان واحد يفتح مدونة علشان يشتم في القطة ده اللي جديد ومشفتوش قبل كدة

انا وميجو امبارح كنا بنبص عالمدونة ولقيت تعليق غريب من واحد مسمي نفسه "مش موافق" فكرني بكتاب دافنشي كود اللي كشف الخديعه اللي بعمر التاريخ وزعم صاحبنا مش انه هيوريني حقيقه القطة المؤلمة

روحت عند الاخ مش وانا مش فاهمة هو عايز ايه بالظبط. نازل ردح وشرشحه للقطة في بوست طووووووووووووووويل ضيع وقت وجهد وكهربا قلت مش مهم يمكن القطة ضايقته صحيح. وبعدين بصيت عالمدونة لقيت انه فاتحها من من شهر مارس اللي فات واول بوست حاطة كان صورة واحد مخيطين بقه - واضح انه يستاهل علشان لما بقه اتفتح خرج زباله - وكاتب استعنا عالشقا بالله وبعدين في البوست التاني ابدت وصله الردح للقطة ومش كدة وبس لا ده كمان مش عاجبه الناس اللي بيعلقوا عندها يعني عليها وعلى صحابها. وطبعاً لان الاخ مش شتم في الكل فحقق نسبه تعليقات عاليه معظمها ناس بتدافع عن القطة او عن نفسها والمجموعه المفقوعه من القطة اللي زاطوا مع الزيطة ولاقوا جنازة يشبعوا فيها لطم. بس وهي ديه محتويات المدونة 80% منها بس مخصص لشتيمة القطة والباقي مواضيع هو كاتبها وتخيل لو كانت القطة كتبتها كانت هتقول ايه علشان يشتم فيها برضه


الاخ مش عايز يعرفنا ان القطة بتكتب كلام قبيح لا مؤاخذة طيب هو انت مال سعاتك هي قيبحة ولا مش قبيحه؟ ان كنت بتكسف تقرا الكلام ما تخشش عندها. ان كانت بتقبح عليك ما تخشش عندها. ان كانت افكارها ما بتعجبكش ما تخشش عندها. ان ماكنتش بتنشر تعليقك ما تخشش عندها. لكن تلف وراها في المدونات وتكتب الكلمتين بتوعك دول ده اسمه هبل ولا مؤاخذة يا اخ مش


في سؤال عايزة اطرحه عليك هو انك كان طموحك ايه لما فتحت المدونة بتاعتك؟

يعني في ناس بتكتب في الدين وفي ناس بتسب الدين وناس بتكتب في السياسه وناس بتكتب شعر وناس بتكتب قصص و..و..و..وكدة يعني لا مؤاخذه بقه حضرتك بتكتب في ايه بالظبط. وطبعاً انا متوقعه إجابه لاوذعيه من حضرتك وهي انك بتكشف الحقيقه هيهيهيهيهيهيهيهيه طيب هتعمل ايه لو القطة قفلت المدونة بتاعتها؟ هتعيش ازاي يا مسكين؟! بص يا ابني علشان الناس تحترمك لازم تبقى انت محترم مش هيحترموك علشان القطة بتشتم وانت لا


طبعاً انت ملاحظ اني مش حاطة لينك للمدونة بتاعتك علشان انا مش مسمحاك في الوقت اللي ضاع عندك وماحبش ان حد يضيع وقته في كلام فاضي لا هيودي ولا هجيب
Love,
MishMish

34 comments:

Desert cat said...

ميرسى اوى يا مشمش على تعبك ومجهودك اللى ضاع فى كتابة الموضوع لحد مش بيفهم ولا بيحس اساسا ومسمى نفسه اسم على غير مسمى
والله العظيم الشخص ده انطرد من 3/4 المدونات والربع الباقى بيشاور نفسه
لانه انسان بيعارض لمجرد المعارضة كل شوية الاقى حد داخل يقولى هو البتاع ده عايز منك ايه
فاتح لك مدونة مخصوص ومسميها مش موافق وما عنه ما وافق
يكون ردى بمنتهى الانشكاح وانتى متعرفنيش بقى لما بنشكح ضحكتى بتبقى من الودن للودن واقول حد طايل اهتمام زى ده حتى لو كان شتيمة
واحد قاعد طول النهار والليل على النت راقد فى مدونتى ولا اللى راقد على بيض ومستنية يفقس
وبيلف ورايا فى كل مدونات صحابى ياخد تعليقاتهم وتعليقاتى ويروح يعمل بيهم بوست
ويلف فى كل المدونات تانى يرقع بالصوت الحيانى تعالوا اتفرجووو
يا خلق يا هوووو هذه هى القطة
الناس فعلا بتدخل حتى اللى مش عارفينى بيدخلوا مش بيعبروه ولا بيسبوا له اى حاجه لانهم خلاص فهموه وعرفوا العقل اللى ممسوح باستيكة من اول ميلاده
تلاقيهم دخلوا المدونة بتاعتى يشوفوا مواضيعى ولا الهوا ولاجايبه سيرته لا من قريب ولا من بعيد وبالتالى الحكم هيكون ايه ... واحد قاعد يرمى بلاه على ناس قلبه اسود من ناحيتهم ليه وعلشان ايه متعرفيش الاخوان وحماس اللى عاملى عليهم فيلم
طيب يا سيدى ولا ستك الا انا خد دى وانا عارفه انك هتدخل هنا وهتشوف الموضوع وتتابعه
طز فيك
وطز فى الاخوان
وطز فى حماس
وتسقط انت من اعلى بلكونة
ويسقط الاخوان وتسقط حماس واللى يتشدد لكو بالمرة
الحق خد الكومنت وروح اعمله بوست
فرصة ذهبية جت لك لحد عندك
ده انا كنت لسه حالا فى مدونة انسانة مهذبة مش بتتكلم غير بكل ذوق
ولاقيته كاتب عندها كومنت زى الزفت كعادته
قالت له غير اسمك اصله مش لايق عليك ومش تدخل المدونة دى تانى لانك مش محترم
طيب واحد مكانك يعمل ايه
لو عنده دم مش هديخل تانى انما هى طردتك من عندها 1000 مرة وبرضه بتروح
انا طردتك من عندى 2001 مرة وبرضه بتيجى بعينك تشوف لك كومنت فى مدونتى
واكتب تعليقات ولا هعبرك ولا هنشرها
اصل انا مش برحب غير بالناس النضيفة
المحترمة المهذبة
اصحاب العقل
اما انت فربنا معاك ويقويك على كتابة بوستات عنى

حبيبتى مشمشة ربنا ما يحرمنيش منك ابدا ويخليكى انتى وميجو لبعض

Desert cat said...

على فكرة يا مشمشة هذا المش
انا عندى صورته جبتها من الفيسبوك
واقسم بالله لو يعنينى فى كعب الشوز بتاعى
لكنت روحت اديتها لاى امين شرطة فى مديرية امن اسكندرية على اساس انه من اسكندرية واديتله 5 جنيه وكان هيروح يجيبه من قفاه
انما انا سيباه يحرق فى دمه وفى اعصابه ويلف ورايا فى المدونات لحد ما ينتحر
ماهى النار تاكل نفسها ان لم تجد ما تاكله
بس برضه انا ممكن ارجع فى كلامى فى اى وقت وصحابى الاسكندرانية كتير اوى وكلهم بعت لهم الصورة بتاعته اه والله علشان يصدق بس
ومستنين منى اشارة
اصلهم بيقولوا فضح الاسكندرانية
وعايزين ياخدوا بحقهم

appy said...

نيهاهاهاهاها

هيدور علينا احنا اصله بيعيد تربيتنا ترتررررررررا
هههههههه بجد مضيعوش وقتكم معاه وبعدين دليله ضعيف على انها هي شتمت هي قالت كلمتين اللى بتوقيعها زي ما بيقول والباقى يدور هو نعادي مين وبيعمل فيه كده
بس تقولوا لمين بقى سيبوا اللى يويط ويهلل براحته هى مصر بقت مشاكلها الاخوان وقطه الصحراء والريس هههههههههههههه
طيب الريس وعرفن ديته والاخوان لسه الايام بتورينا هنرسى على فين الرؤيه مش واضحه اما القطه انا هقتلها وابقى خلصت مصر من شرهاهههههههههههههههه

Migo Mishmish said...

اصلاً يا قطوطة انا مكنتش هارد عليه بس بقيت اخش في المدونة واخرج وانا متغاظة منه قلت اشيل التعليق وبعدين قولت لا العالم اللي تخاف ما تختشيش ديه ما ينفعش معاها " لايغلبنك الشر بل اغلب الشر بالخير"الكلام ما ياكلش معاهم هو فاكري نفسه من بتوع الامر بالمعروف والنهي عن المنكر. قلت لازم افضح هبله ومخه اللي لو عمل عليه اشعه مقطعيه هيلاقي فيه قشر فول سوداني
وبعدين طالما زعلان على حماس قوي ما يروح يلف وسطة بحزام ديناميت ويفجر نفسه هناك قاعد هناربنا يكتبله معاهم نصيب. وطبعاً مبسوط من الاخوان مستنيهم لما يمسكوا البلد علشان ساعتها هيقضوا على بقيه العلم والتفكير والفن اللي فاضلين ومصر تتحول لمدينه البهائم اللي فيها هيتبؤ مكانه عاليه
لو مكنتيش حرقه دمه مكنش اتكلم كدة عليكي. وبعدين صدقيني لو بطلتي كتابه يومين تلاته هو كمان مش هيلاقي حاجة يقولها
Love,
MishMish

Migo Mishmish said...

ابي
مبسوطة قوي انك جيتي عندنا ويا رب نبقى صحاب انا بخش عندك على طول بس مابلاقيش حاجة اقولها مش معقوله كل مرة هاقولك هايل رائع عندك حق. بس مدونتك جميله وانا بحبها
اما بالنسبه للأخ "مش"الظاهر ان حد قاله علشان مدونتك تكبر ويقبالك جمهور لازم تدبح القطة من اول يوم. والظاهر صاحبنا معرفش الفرق ما بين الكلام الجد والاستعارة. ربنا يرحمنا ويترأف علينا من الاشكال ديه
Love,
MishMish

Desert cat said...
This comment has been removed by the author.
عاليا حليم said...

بصوا يا جماعة انا عارفة من زمااااااااااان ان ممكن حد يدخل بأسم و لينك حد تانى فى صديقة لينا معروفة بس عايزة اقول اسمها عشان مادخلهاش فى مشاكل و متهيألى انتوا عارفين هى مين عشان حكايتها كانت مشهورة ، كان فيه حد مضايق منها عشان برده عشان اراءه مش عجباه فى موضوع الشذوذ راح عامل الحركة دى معاها و باه يدخل يشتم فى صحابها عشان يشوه صورتها و الحكاية كانت مفقوسة اوى و واحدة منهم شرحتلى ازاى ادخل باسم حد تانى

ثم ان التعليقات تتحجب فجاة و على غير المعتاد هناك و بعدين تانى يوم يتعمل بوست فيه شتايم على لسان قطة ... صدفة دى و لا أيه ؟
الحكاية باينة أوى يعنى

و الأستاذ رهف جه عندى و اكدلى

اللهم ما بغلت اللهم فأشهد

-------------

و قطة معلش ما تعزعليش انا حاسة بيك و امسكى نفسك ما تخليش حرقة دمك تخليكى تخرجى عن شعورك

Desert cat said...

عاليا
للاسف الطريقة معروفة كويس
بس هو اللى مش واخد باله
وانا اذا كنت اتضايقت وقت نزول البوست فوجود ناس زيك انتى ومشمش وهارت وكل صحابى جنبى خلانى ولا فى دماغى
ربنا ما يحرمنيش منكو ابدا

عمو said...

Migo Mishmish

يا أصحاب البلكونة
مررت ليكم التاج دة
وسميتة تاج التعارف
ياريت تتكرموا وتقبلوة

(1)Post 10 random things about yourself

(2)pick three blogs to send it for

(3)Leave them each a comment directing them to your blog so they know they are it

(4)You can’t tag the person who tagged you (you’ll have to make new friends)
As a courtesy to the person who tagged you, please let them know when you have posted so they can have the sheer delight and extra work load of reading your answers)

عمو said...

بالمناسبة الموضوع دة لية خد أكبر من حجمة ؟؟؟؟؟؟

فى حاجات لما نتكلم فيها بتكبر مش بتنتهى ، وخاصة لو هيا أساسا كلام
فطبيعى الكلام يزودها

كفايةكدة
من فضلكم

تحياتى

HafSSa said...

انا من ساعة التعليق بتاعة اللي فات في بوست الجوافة رحت له و قريتله الهسهس اللي عامله
لقيته مش و بييييييييييييييييييييض على الاخر و شكله كان واكل فسيخ و طلع مسموم ولا حاجة والغازات فرقعت عنده بالاوي

يا حبيبتي يا قطة و يا مشمش
ياما في بلاوي اكتر من كده بكتير خلوني ساكته
و بجد متهتموش بيه اكتر لانه فعلا اتشهر على حسابك يا قطة
و انا من رايي لو هو بيعرف يقرا
يروح ينتحر
المرة دي حلال علشان خاطره هو بس


تحياتي

مشمش او ميجو امتى حتصلحوا اسمي عندكوا في اللستة؟؟
والهل اسمي حفصة مش حفظة
اهئ اهئ اهئ

احساس لسه حى said...

انا هقول حاجه واحدة

لو انت مغلفيين ومش مصدقيين انها هى اللى شتمت هحاول أأكدلكم

لو انت بقه بتستهبلوا وحاسسين انها هى اللى شتمت ومش عاوزين تصدقوا

اتفلقوا كلكم


وكفاية انكم عاوزين تكونوا مغفلين بمزاجكم

احساس لسه حى said...
This comment has been removed by the author.
احساس لسه حى said...

نسيت اقولك
انا نزلت بوست تانى بالدلائل والوقائع والحقايق للى مفهمش كويس

يا ريت لما تتكلمى وتردى تتكلمى بكلام واقعى وتردى بالعقل
وتثبتى ان اللى حطة ده مش قطة اللى بعتاه

ولو مش بتفهمى كويس
جيبى حد بيفهم يقولك الحقيقة الواضحة

سلام

احساس لسه حى said...

نسيت كمان اقولك

معظم صحاب قطة مدخلوش يأيدوا كلامك

علشان عارفين الحقيقة

وصمتيين

واللى زى قطة بشعبيتها الجارفة

لما حد يغلط فيها وحد يدافع عنها المفروض البوست يتملا ناس تدافع

بس معاهم حق برضوا

هيقولوا ايه

Migo Mishmish said...

شكراً يا عليا على مرورك. والموضوع اللي انت بتتكلمي فيه ده انا لاحظته كذا مرة قبل كدة. وبعدين انا هامشي مع الكداب لباب الدار ونقول انها بتشتم وبتنشر اللي على مزاجها. ايه الازمة في كدة يعني كل واحد حر في مونته واللي مش عاجبه يشد في حواجبه. بس الاخ "مش" ازمتة انه من بتوع الله - الوطن - القطيع. وهو شاف ان القطه خارجه برة القطيع فاتهمها بالخيانه العظمى
love,
MishMish

Migo Mishmish said...

مرسي على التاج يا عمو. انت اول حد يبعت لنا تاج
انما بخصوص موضوع البوست انا شايفه ان اللي انا عملته ده اقل واجب لسبب واحد بسيط اننا اتعودنا نسكت على الحاجات الضغيرة لغايه لما استفحلت. انا ما دفعتش عن القطة دفاع اعمى ولا حتى نفيت الكلام بتاع الاخ "مش"انا بس عايزة اعرف طيب هو مضايق نفسه ليه ومضيع وقته وققتنا في سفسطة فارغه ليه. وبعدين في مقوله قرايتها مش فاكره مين اللي قالها بس بجد حاسه انها تنطبق على اللي احنا فيه المقوله هي "ليست المشكله في كلام الاشرار ولكن المشكله في صمت الاخيار" وبعدين انت لو قرايت التعليق بتاعه هتلاقيه بيقول كدة "معظم صحاب قطة مدخلوش يأيدوا كلامك علشان عارفين الحقيقةوصمتيين" شوفت بقه السكوت بيوصل للعالم ديه على اننا مسلمين باللي بيقوله مش اننا شايفين انها مستستحقش انه يترد عليها
اتمني انك تكون فهمت وجهه نظري

love,
MishMish

Migo Mishmish said...

الست حفصه الفيلسوفه الصغيرة صاحبه نظريه الورق اللي لسه مانشفش. ازيك بقالي فترة ما شوفتلكيش حاجة جديدة
موضوع الاسم ده مشكلتي انا مش مشكله ميجو - اصل انا ضعيفه في اللغه بعيد عنك واللغه ديه ماقصدش بيها العربية بس إهي إهي لإهي بس ما تقوليش لحد الله يكرمك- وبعدين اسمك صعب قوي يعني ما الاسامي كتير: خدوجه وعيوشه وزنوبه وكله زي الفل وسهل انما اسمك غريب شوية يا ستي عالموم انا صلحته يا رب يطلع صح المرة ديه.
انا مش مهتمه بالموضوع ولا حاجة انا بس حاسه انه غريب يعني في مدونات انا دخلتها ولاقيت فكرهم والخط اللي ماشيه فيه المدونة مش بتاعي. لاشتمت في المدونة ولا شتمت في اللي بكتبها بس مابقتش اخش عندهم وخلاص. مش معنى اني مش مقتنعه برايهم يبقى هما غلط وانا صح
مفيش بس غير مدونة واحدة اسمها ارض اخرى للرمال وعملت مقارنه بينها وبين ارض الرمال في بوست لان واحد منهم كان بيكتب بمنهجيه وواحد تاني طالع يشتم وخلاص وحس ان هو كدة وضح فكرة

love,
MishMish

Migo Mishmish said...

أحساس لسه حي
قرايت تعليقاتك التلاته وطبعاً خالين من اي حجه ومالينين شتايم ومفيش حاجة اقدر ارد بيها بيها عليك غير ان
"كل إناء ينضح بما فيه"
Love,
MishMish

عاليا حليم said...

العفو يا مشمش
العفو يا قطة

و ثقى ان ربنا ما بيضيعش الحق

Fantasia said...

يا جماعة باين عليه بيتسول الناس عشان تدخل على مدونته, ما تدولوش أهمية

أصله يعني لو ماقعدش يشتم في ده ويكتب بوست عن دي ويستفز في دي هيعمل إيه؟ هو دماغه فيها حاجة عشان يكتب عنها؟ دا عيل تافه وفاضي, ما تعملوش عقلكم بعقله

خالص تحياتي يا مشمش, وما تزعليش يا أحلى قطة في الصحراء

love said...

عفوآ يامن كتبت فى هذا المكان
لاأريد أن أستغل أرضآ غير أرضى لأقول عليها رأى أو أن أحكم حكمآ،ولكن هذا الشىء قد فقد كل شىء طبيعى يتحلى به ألإنسان ،ولا نستطيع أن نحصى أو أن نقوم بالتعديد.
هذا الشىء قد طرد شر طردة من معظم المدونات وآخرها تلميح بل تصريح من أرق وأنبل إنسانة فى عالم المدونات وهى "نبضات قلب" التى ما دخلت فى مهاترات قط مع أحد من يوم أن بدأت التدوين،ولكن آخر ماكتبت تجده ملىء بالتأفف والإزدراء لهذا الشىء وأنها أصبحت على شفا كلمة تقولها له:أرجوك لاتدخل مدونتى..ولكن حياؤها يقف أمام ماتود أن تقول!!ا
بينى وبين هذا الشىء خصومة شديدة ولن أظل صامتآ على الهراء الذى يتفوه به ليل نهار مع كل من يصادفه أو يلقاه
الواجب أن نغلق مدوناتنا أمام وجهه ولا نقيم له قدرآ أو وزنآ....ا
آسف للحديث فى مكان ليس لى الحق فى إحتلاله..حتى ولو كان بصفة مؤقته
تحياتى

Migo Mishmish said...

العزيزة فانتا
وحشتيني قوي بقالك فترة ما جتيش عندنا وبالنسبه لآخر بوست بتاع قاسم امين انا عايزة اقولك انه لو قام ومشي في الشارع هيجيله سكته قلبيه ويموت لان الوضع دلوقتي اسخم مما كان
المهم بأيد وجهه نظرك هو لو كان عنده حاجة يقولها كان كتب انما هو عايش على الشتيمة عامل زي جرايد المعارضه اللي بتشتم لله في لله ومحدش يبقى فاهم طب الخناقه ابتديت ازاي
وبعدين ماهو نابني من الحب جانب كبير الراجل علشان يتأكد اني وصلتني الشيمة شمت هنا في 3 تعليقات وعملي بوست عنده
بس ديه حاجة فرحني بقى زي زي القطة يعني مفيش حد احسن من حد
هههههههههههههههههههه
Love,
MishMish

Migo Mishmish said...

Dear Love,
ولا يهمك يا سيدي اكتب في الحته اللي تعجبك
اهلاً بيك عندنا على اي حال
مفيش حاجة ارد بيها على تعليقك اكتر من اللي انا قولته قبل كدة
هو حر في رايه يكتب اللي هو عايزة زي ماحنا احرار (وده اللي فوق مستوى فهمه) نكتب اللي احنا عايزينه
انا سبت تعليقاته علشان الناس تعرف العقليه اللي بتتعامل معاها شكلها ايه
وبعدين ده بني ادم غارقان لشوشته في نظريه المؤامرة واحد بعتله تعليق وسمى نفسه على ما اعتقد شمتان في امك وكتبله لينك للمدونة بتاعتنا اخينا بعلقه اللاوزعي تخيل اني انا اللي كاتبه التعليق ده ومتخفيه
طب اتحفي ليه يا ناصح إذا كنت انا كاتبه بوست كامل عنك؟! وبعدين مانا عندي مدونة وبعرف اشتم انا كمان ما اشتمه تاني ولا اعلق عنده واشتمة واذا مانشرش اقول اهو اللي زعلان ان الناس بتصادر على حقه
Love,
MishMish

احساس لسه حى said...

فانتازيا
بدل ماتقولى بيتسول الناس والكلام اللى ملهوش لازمة

قثوليلى رائيك فى اللى تشتم زى الجبانة عند انسان بالفاظ وسخة

حتى لو كانت قطة يعنى

ولا قطة تشتم برحتها

وكمان مش باسمها

هو دى المراه الشجاعة فى رائيك


ومردتيش على سؤالى اللى عندك فى المدونة برضوا

وقطة اللى شتمت متزعلش

مش بقول قعدة حريم

اللى عاوز اعرفه

هو ليه محدش بيجيب سيرة الشتايم

انا مجنون يا جماعة

بس رائيكم فى الشتايم ايه

واللى شتمها ايه

ولا تكتموا فى دى

سلام

احساس لسه حى said...

مشمش
قريتى التعليقات

طيب قريتى الشتايم وامضاء صحبتك تحتها

وازاى مسحتهم

طيب قريتى ازاى
بتخش تشتم وتعمل نفسها شخص تانى

شوفتى الصور اللى من الاميل عندى

وانها هى اللى بعتتهم

ايه رائيك

تقدرى تقولي كلمة عنهم

ليه بنافق ناس على حساب ناس

هى دى الشجاعة اننا نكتم علشان الصحبة واللمة

ظط فى المدونيين المنافقيين والمكتوميين

ولما الاقى راجل ولا ست يقولها عيب ابقا احترمه واسمع كلامه واقدره

لو الاقى حد شجاع ومش غاوى اللمة والصحبة وقعدة الحريم ويا قطتى ويا صحبتى ويا حبيبتى

والعنب متنسهوش

EmY said...

الفاضي يعمل قاضي

و هو ده بالظبط الي حسام بيعمله

و فعلا زي ما القطه قالت هو اطرد من 99% من مدونات مصر و العالم العربي و الاسلامي بس هو لا تراجع ولا استسلام

سعده اوي اني عرفت مدونتك

تحياتي

احساس لكل النساء said...

ايمى

انا اطردت من 99%من المدونات

بس مرحتش باسم مجهول اشتم واسب

واظن انتى عارفه كده

رائيك ايه بقه ياشجاعة فى اللى عملتوا قطة

واوعى تحسسينى انك مغفلة وتقولى انها مش قطة اللى شتمت

انا مش هعلق باسمها وامسحه

لانها هى اللى شتمت مسحته

انتى قولتى لا تراجع ولا استسلام

بس واضح وبقول للكلب فى عينه يا كلب

انتى بقه لما عرفتى ان قطة شتمت

هتقوليلها ايه

مظنش مقولتيش اى شئ

ولا هتقولى

سلام

عاليا حليم said...

و الله يا بنت يا مشمش انا عايزة أمسك نفسى بالعافية من الضحك من البوست بتعاك ده من يوم ما قريته

انتى داهية على فكرة يخربيتك انتى تنفعى تكتبى أفلام كوميدية فى السينما لا و صورة محمد سعد زودت الضحك عندى

و الله كل يوم أدخل و أعيد قرياته تانى :)))

و أفطس على روحى من الضحك فى الشغل و زمايلى يقولولى بتضحكى على أيه بجد خسارة انى ما كنتش بقرالك من زمان
و ع العموم أحب تكون بداية صداقة جميلة تخرجنى من همومى كل ما اخدل عندك هنا

Desert cat said...

انا بقى من اول ما اكتشفت البلوج ده يا عاليا وانا كل شوية اجى اشقر اشوف الجديد علشان اخرج الكبت اللى عندى والله
ميجة ومشمش ليهم الجنة علشان شوية الضحك اللى بيفرجوا علينا بيهم فى طريقة عرض المواضيع
هى اينعم بيبكون واقع مر وامر من المر بس طريقة العرض جامدة
محبتى ليكى يا مشمش وتحياتى يا ميجو
ها طمنينى يا مشموشة على البلكونات الصغنونة اللى جاية فى السكة
يارب يارب يشرفوا بالف خير وسلامه

Migo Mishmish said...

والله يا جدعان اخجلتم تواضعنا
واوعدكم بمزيد من الكوميديا السودا وخصوصاً بعد احداث شهر مايو المجيدة
وفي سؤال احب اطرحه هنا
تفتكروا هيجيبوا ضرفها امتى؟ يعني مصر امتى هتقفل؟
love,
MishMish

رئيس جمهوريه نفسى said...

اول مره فى المدونه لما اتبعت ليه لينك الموضوع واخدت بالى من سوالك فى اخر تعليقك ليه حيجيبو ضرفها امتى هى لسه ليها ضرف مفتوحه علشان تدخل نور ماهى معتمه من 27 سنه يعنى مقفوله من زمان وجابوا ضرفها من بدرى

اجندا حمرا said...

هاي مشمش

اول مره ليا في مدونتك
اسمحيلي احييكي علي طريقه عرضك للموضوع
و احب اضيف ليكي انه ماسابش حد يعني ماحدش سلم من لسانه
نفسي مره واحده يخيب ظني و يطلع شخصيه فعلا تستحق ان حد يقرالها حاجه
شخصيه بتحترم اراء غيرها
لكن للأسف دايما بيعمل العكس و بيتطاول بالكلام الغير محترم و لما تيجي تعاتبي و لا تقولي ايه ده يقولك معقوله ده قله أدب
الواحد بقه بيتلخبط فيه قله الأدب و فيه اللي مش قله ادب

المهم انك بخير و علي فكره بخصوص سؤالك اعتقد كده ان خلاص مصر جابوا ضرفها تقريبا
:)

تحياتي ليكي مشمش

Anonymous said...

topic44, [url=http://www.chop.edu/forum/user/profile/8207.page]klonopin without prescription[/url], :-( abj, http://www.chop.edu/forum/user/profile/8207.page buy klonopin no prescription :-(, [url=http://www.chop.edu/forum/user/profile/8208.page]xanax 2mg[/url], ;-( ius, http://www.chop.edu/forum/user/profile/8208.page purchase xanax 2mg :-), [url=http://forum.cprs.ca/default.aspx?g=posts&m=6]order adipex[/url], :-( xzg, http://forum.cprs.ca/default.aspx?g=posts&m=6 order adipex online *sorry*, [url=http://forum.cprs.ca/default.aspx?g=posts&m=7]buy alprazolam no prescription[/url], ;-( fjv, http://forum.cprs.ca/default.aspx?g=posts&m=7 buy alprazolam without prescription ;-(, [url=http://forum.cprs.ca/default.aspx?g=posts&m=8]ambien no prescription[/url], :-( lis, http://forum.cprs.ca/default.aspx?g=posts&m=8 ambien without prescription *sorry*

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق