Wednesday, January 12, 2011

الموضوع في مصر فيه فيل

قالك كان في ست هنود عمي عايشين مع بعض بيسمعوا عن الفيله لكن عمرهم ما شافوا واحد . قام واحد ابن حلال خدهم يفرجهم على الفيل
مشيوا الهنود في صف واحد وهما ماسكين ايدين بعض لغايه لما وصلوا عن الفيل وقفوا وسابوا ايدين بعض وحطوها على الفيل علشان يتعرفوا عليه
الاول : مسك سن الفيل وقال الفيل ده عامل زي الحربه
التاني: مسك زلومة الفيل وقال الفيل ده عامل زي التعبان
التالت: مسك ودانه وقال الفيل ده عامل زي المروحه
الرابع: حط ايده على بطنه وقال الفيل ده عامل زي الحيطة
الخامس: مسك رجليه وقال الفيل ده عامل زي الشجرة
السادس: مسك ديله وقال الفيل ده عامل زي الحبل
كل واحد من السته متأكد من رأيه وكأنه الحقيقه محدش من السته لا شاف الحقيقه ولا حتى قرب منها
اللي بيحصل في مصر اساسه اسرائيل / فتنه طائفيه / المسيحين اصحاب مصلحه والموضوع ده من تدبيرهم / المسلمين ارهابيين وده طبعهم مش هايشتروه / الموضوع كله سياسي وهيسيبوا الدنيا تولع وينزل الجيش وساعتها الحكومة هتقضي على اي واحد يفتح بقه لغايه انتخابات الرئاسه اما تعدي زي ما هما عايزين
/......................................../............................................/.....................................
ايه بقه
حداداً على مصر
MishMish

6 comments:

IMSA said...

ميجو مشمش :
عاجبني جدا هذا الاسقاط
تحياتي

mony said...

يارب نفتح قبل ما تخرب خالص

Boneta said...

لأ الموضوع في مصر فيه عفريت ابن ابالسه مش عاوز يفارقنا :)
البوست جميل والقصه معبره جدا
تحياتي

Kontiki said...

الحقيقة الواضحة انه ارهاب

Migo Mishmish said...

اظن كلنا دلوقتي عرفنا ان الموضوع في مصر فيه تونس

حداداً على مصر
MishMish

Tears said...

اقرا
http://www.tayyar.org/Tayyar/News/PoliticalNews/ar-LB/egypte-pb-679657980.htm

و بعدها اقرأ ده ستجد نفسك امام مجرمين
http://www.masrawy.com/News/Egypt/Politics/2011/february/3/police_friday.aspx

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق