Saturday, April 9, 2011

رؤيه نقديه فى قصيده البوس البوس ..الحضن الحضن

نبذه عن الشاعر


ولد اللمبى فى ظروف غامضه فى احد الاحياء العشوائيه فى مصر ..اللمبى هو نموذج للمواطن المصرى الصميم بكل مميزاته وعيوبه ..حاول اللمبى الوصول الى محبوبته نوسه لكن الظروف تكاتفت عليه من فقر وجهل بالاضافه الى الانتهازيين مثل والدها عم تمام ومدرس الرياضيات الثرى ويحاصره نعيم بالديون ممايهدده بفقدان منزله ..حاول اللمبى بشتى الطرق ان يخرج من الظروف الطاحنه لكنه لم ينجح الى ان وجد الحل السحرى ..الكراسه الصفراء ..اكتشف اللمبى انه لم يكن مدينا لاحد ..بل دائنا للكل ..وفى احدى اللحظات النادرة كتب اللمبى عصيده (مستوحاه من جاره الذى يغازل حبيبته ايضا) الى محبوبته نوسه تجلت فيها اروع معانى الحب ..انه يلخص مشكلته وحلها كأنه نوستراداموس العصر الحديث .
مواطن الجمال

البوس البوس :هناك توكيد فى هذا الشطر فقد كرر الكلمه مرتين فهو يؤكد على اهميه البوس فى حياة الانسان ..البوس الحقيقى وليس من نوعيه البوس الذى نراه فى مؤتمرات الوحده الوطنيه ..هو يقصد البوس النابع من القلب ..ان اللمبى ينبه محبوبته ان البوسه ملكه هو فقط فهو الحبيب الحقيقى وليس مدرس الرياضيات الثرى

الحضن الحضن : انها دعوة للتلاحم فالحضن هو قمه التعبير عنه قوة اللمبى دائما تاتى من الحضن الحقيقى انه الشعور بالاخر


مشتاق مشتاق :اللمبى مشتاق الى الحريه والى قهر الظروف ويتطلع الى محبوبته بشده ..انه قد يفعل اى شيئ فى سبيلها


بلوبيف بلوبيف :انه يقرر ماذا سيحدث اذا لم يصل اى محبوبته نوسه ..سيفعل اى شيئ حتى ولو تحول الامر الى بلوبيف

ول يا ول :انها مرحله الانفراجه مرحله الفرح والسعاده بما حققه اللمبى من انجازات وانتصارات على عم تمام وغريمه مدرس الرياضيات وايضا نعيم الانتهازى ..وقد استخدم تعبير ول يا ول هنا الذى ليس له اى وجود فى معجم لغوى غير معجمه فقط ..انها حاله لمباويه حقيقيه
من طرف اخوكى اللمبى : تتجلى هنا مشاعر العشق والهيام بينه وبين محبوبته انه يختم عصيدته برساله خفيه الى نوسه :انا قد لا استطيع الوصول اليكى يوما ما بسبب الظروف ..لكنى احبك مهما حدث ..وقد عبر عن هذا الحب العذرى باستخدام كلمه اخوكى ..كانه يقول حتى لو لم تكونى لى فانى ساحافظ عليكى مهما كان وكانى اخوكى بالظبط ..انه الحب الخالى من اى غرض

فى النهايه ..هذه المرة يسترق جاره السمع ويقول لمحبوبته نفس عصيده اللمبى مع انه كان ملهمه فى البدايه..ومن العجيب ان بعض الاصوات تلوم اللمبى على صحوته المفاجأه ..انهم يريدونه ان يحصل على حريته بدون بلوبيف بلوبيف ..مجانا ...مما جعل اللمبى يصرخ قائلا : ولعى فى نفسك يانوسه عشان عم تمام ينبسط ..هذا مايطلبه المنافقون الذين يعتبرون عمتمام (بابا تمام ) لا يهمهم ان كانت نوسه تحترق ام لا المهم عم تمام ينبسط

8 comments:

MSMO said...

تصدق ضحكتني وأنا مش عايز اضحك بسبب اللي بيحصل
تحياتي لك و رائعة كالعادة

أنسان said...

مدونة جميلة اوى وانتوا ناس سكر الحقيقة
التدوينة دى بالذات فكرتنى بنصوص العربى الخنيقة اللى يبقى النص ممل ويزهق بلد ويعملوا منه شربات وأشى محسنات وأشى مواطن جمال فكرتنى بالذى مضى
:D

ميدان التحرير اليوم said...

أول مرة أزور مدونتك القيمة .. تهنئتي لك على المجهود المبذول والرائع..

ELVIRA said...

فى الكلية كان دكتور أسكندر الله يمسيه بالخير بيقولنا اللمبى هو رمز الشعب المصرى
حتى فى الفرح الناس كلها كانت بتجامله لأنه له جمايل على الناس

كمان هنا فى مصر عندنا إختراع أسمه الجمعية
فلوس دايرة بين مجموعة من الناس بمنتهى الود
هل ممكن تلاقى كدة فى بلد تانية

Migo Mishmish said...

msmo
هم يضحك وهم يبكى فعلا ..اهو بنحاول نخرج من اللى احنا فيه

انسان :
انت اللى سكر والله ..شرفتنا فى بلكونتنا المتواضعه

ميدان التحرير اليوم :
نتمنى انها ماتكونش اخر زيارة للبلكونه ..الهوا هنا بحرى والبلكونه تساع من الحبايب الف ..تحياتى


ايلافيرا
معاه كل الحق ..وده سبب نجاح الفيلم بدون اى سبب منطقى او فنى ..الفيلم من الناحيه الفنيه ضعيف لكنه اعتمد على الصدق وتطابق الحاله مع جموع الشعب
تحيااااتى

الميكروباص said...

باستمرار يحدث اختفاء مفاجيء
يا ترى ليه؟

Mafrousa said...

انا جاية اعيد عليكم
كل سنة و انتم طيبين و بخير و سعادة و آمان يارب

قرص طعمية بقا لله
:)))))
مش النهاردة يوم الطعمية البيتي ام سمسم؟؟؟؟؟
ربنا يجعل ايامكم كلها عيد
و يخلى المصريين كولهم لبعض و ينصرنا على اي واحد عاوز يزرع الفتنة بين الناس كلها
تحياتي

Migo Mishmish said...

Mafrousa
ياختي كل سنه وانتي طيبه
ويحمي مصر يا رب بكل ناسها ويبعد عننا اي حد عايز يفرقنا
اسفه ان الرد جه متاخر بس انتي عارفه كل يوم دلوقتي في بتاع 17 حدث وكلهم اهم من بعض
سلام
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق