Thursday, April 28, 2011

الذبح الحلال وقنا و جماعه الاخوان

في حلقه من حلقات اوبرا عرضت شركة كارجيل - اكبر مصانع اللحوم في امريكيا والعالم - الطريقه المتبعه في الذبح: وهي تبدأ بإطلاق طلقه سهميه تدمر مركز الاحساس لدي الحيوان لكي لا يشعر بألالام الذبح
افتكرت ساعتها اللي ما بيفكروش في حاجة غير في اتمام الذبح بطريقه حلال ام لا

لا اعرف ما هو الاسواء في موضوع قنا: الاختيار الخاطيء للمحافظ ام ضياع هيبه الدولة ام رفض المحافظ بسبب ديانته ام التعليقات التي كانت تنشر على هذا الخبر ومن ضمنها: يجب على الحكومة احترام القناويه فإن كان يجب تعيين محافظ قبطي فليتم تعيينه في اي محافظة اخرى - وكأنهم عملوا اللي عليهم مش معقوله هيفضلوا الهفيه بتاعه البلد

تصريحات الاخوان بخصوص الدولة الدينيه ... قال المهندس سعد الحسيني: إن لجنه التخطيط بالجماعه من اقوى مؤسسات الاخوان ويأتي التخطيط من التكليف الرباني (واعدوا) واللجنه تسير على خطة بدأها سيدنا محمد
ثم بعدها بايام جاء تعليق صبحي صالح: لا اعتقد ان اي شخص مسلم يعترض على تطبيق القرآن والحدود شرع الله عز وجل بنص القرآن واي مسلم مش عاجبه كلام ربنا فمشكلته هو
نفهم من الكلام ده ايه : ان لجنه التخطيط منها لربنا على طول .ونص التكليف الكامل هو: وَأَعِدُّواْ لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدْوَّ اللّهِ وَعَدُوَّكُمْ
وان اللي بيعترض على اراء الجماعه يبقى مش عاجبه كلام ربنا ومش بعيد يتحاكم بتهمه إزدراء الاديان
MishMish

10 comments:

Tears said...

حركة المحافظين اللى اختارها كان فى منتهى الغباء لاننا فى ثورة و قلنا مدنية يبقى ازاى نلاقى المحافظين بين عسكر من الشرطة و امن الدولة و الجيش و بين فلول النظام من اعضاء الحزب الوطنى

حصل غلط فى الاختيار و جر وراه سلسلة اخطاء كان منها الاستعانه بمحمد حسان مش بسياسيين يتمتعوا بمصداقية او حتى بالازهر كجهة دينية معتدلة رسمية

لو مثلا كان من الاول تم تعيين جورج اسحاق محافظ لقنا هل كان الاهالى ح يلاقوا حاجة يقولوها ضده زى ما قالوا ده اشترك فى قتل المتظاهرين؟ فى الوقت ده لو كانوا طلعوا ضده عشان ديانته كانت الدنيا وقفت و كان ح يقف ضدهم الاخوان نفسهم مش حبا فى المسيحيين لكن على الاقل عشان همه بيحاولوا يحسنوا صورتهم

الوقفات ضد المحافظ بدأت بشباب الائتلاف و بينهم مسيحيين لكن فيه متطرفين على شوية امن دولة دخلوا و حولها طائفية و كل ده عشان الغبى اللى اختار المحافظين اداهم ثغرة

كرهت يحيى الجمل من كتر ما كل بلاوى يطلع هو اللى وراها

Anonymous said...

الالحاد هو الحل هيبقي دا شعاري المرحلة اللي جاية طالما كل واحد فاكر نفسه مرسل و كلامه فرض
ناس مريضة

Ms Venus said...

قبل كده انا كتبت مصر بتتسرق

دلوقتى بقول اتسرقت خلاص

حــالة مــلل said...

من بعد طول غياب احب اسلم :))

الميكروباص said...

وانا كمان احب أسلم

Migo Mishmish said...

Tears
عارفه تحسي ان البلد مسكونة ... عفاريت حسني مبارك طايحه شمال ويمين عماله تخرب ... وتقلب الناس على بعضها ... وماتنسيش كمان ان قنا فيها الغووووووووول وده هايموت من اللي حصل

Anonymous
قناعتك الدينيه انت حر فيها. بس انا شايفه ان كل دين بيصطبغ بطباع اتباعه. واحنا نيلنا ادينا

Ms Venus
لا بصي مفيش وقت للتشاؤم وسده النفس خالص دلوقتي
احنا محليتناش غير الامل والعمل. عارفه الفكرة اللي اتقالت في اون تي في روح الاستفتاء ومعاك خمسه. اهو احنا عندنا مدونات ولينا صحاب عالفيس وكل واحد مننا ممكن يغير راي 5 وعليهم انهم يغيروا رأي خمسه يبقى في احتمال كبير ان الدنيا هتبقى كويسة

حالة ممل
يا ستي حمدلله على السلامة ومستنين جديد المدونة

لورنس العرب
صديقي العزيز اللي دايماً بيسأل. احنا هنا بس الاحداث كتيره قوي ورا بعض الواحد مش ملاحق

سلامي للجميع
MishMish

zakff said...

الله يهديك الذبح بالطريقة الشرعية امرنا به الله ولا يمكن ان نتعالى على ربنا مهما وصلنا من ربناعلم وحضارة نبقى نتبق اومر ربنا فنتطور ونتحضر وبيقى عملنا بما يرضي

Migo Mishmish said...

Zakff
يا سيدي انا مش زعلانه من طريقه الذبح الحلال ...انا زعلانه من الناس اللي همها تأدييه الطقوس وخلاص
الدين اهم اهدافه نشر الرحمة مش الطقوس ...الطقوس موجودة في كل الديانات والفلسفات
انت عمرك ما تلاقي واحد بيسل هل الحيوان ده اتعذب ولا لا ... انت دايماً تلاقي الناس بتسأل ده مدبوح حلال ولا لا
MishMish

bęίng ḿę ,, said...

انا استغرب ليش الاعتراض على طريقة الذبح الاسلامي واذا الناس يسألوا هذا ذبح حلال من اهتمامهم يتطبيق شعائر دينهم
والمسلمين ما جابوا الكلام من دماغهم
طيب اقرأ هذا الحديث
عَنْ شَدَّادِ بْنِ أَوْسٍ أنّ رَسُولِ اللَّهِ -صلى الله عليه وسلم- قَالَ « إِنَّ اللَّهَ كَتَبَ الإِحْسَانَ عَلَى كُلِّ شَىْءٍ فَإِذَا قَتَلْتُمْ فَأَحْسِنُوا الْقِتْلَةَ وَإِذَا ذَبَحْتُمْ فَأَحْسِنُوا الذَّبْحَة وَلْيُحِدَّ أَحَدُكُمْ شَفْرَتَهُ ولْيُرِحْ ذَبِيحَتَهُ ».رواه مسلم

ولو بحثت اخوي عن سر ذبح الحيوان بهذي الطريقه راح تلقى لها اسباب مقنعه

والسلام عليكم ورحمة الله وبركاته

Migo Mishmish said...

روح متعبه
يا سيدي انا مبعبش على طريقه الذبح الاسلاميه ...انا بعيب على اللي مهتمين بالطريقه على حساب احساس الحيوان بالآلم
الطريقه الامريكيه بتعتمد على تدمير مركز الاحساس في الحيوان الاول قبل الدبح علشان عمليه الدبح ماتبقاش مؤلمه
هي ديه الفكرة الرحمة مش التنفيذ الاعمى
سلام
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق