Tuesday, May 10, 2011

عاوز اختى كاميليا


ولما قفشت الحرامى داخل سيارتى بيفك الكاسيت ..قلتله بتعمل ايه جوة .راح مزعق بصوت عالى ومسك فيا ...وقالى عاوز اختى كاميليا..رجعت الى منزلى بعد ان راضيت الحرامى بقرشين وتركته ياخذ الكاسيت ومفاتيح السيارة عشان ياخد لفتين بيها مع المزة بتاعته ويطلع بيها على المقطم .....فى الطريق حاولت ان اشترى اتنين كيلو طماطم ..ولما وجدت ان سعرالكيلو  مبالغ فيه سألت المعلم هى الطماطم سعرها غالى كده ليه ..برق وزعق فيا وقالى عاااااوز اختى كاميلياااااااا....اصابنى صوته بانفصام فى الشخصيه ..وطلعت اجرى عالبيت طوالى ..عملت كوبايه شاى عشان اروق دماغى من الصداع الى اصابها ..وفتحت الجريده كان فى الصفحه الاولى بعض العناوين : ورفض حسنى مبارك الخروج من مستشفى شرم الشيخ والذهاب الى سجن طرة ..لانه كان بيدور على كاميليا جوة المستشفى
اثناء محاكمه العادلى ..اعترف فى التحقيقات انه الذى امر بقتل المتظاهرين وليس حسنى مبارك ...ولما سأله القاضي ..لماذا قتلتهم ..رد بصوت عالى : عاااوز اختى كاميليا...وفتحى سرور كان يفصل القوانين .وفى مجلس الشعب كان يسأل الاعضاء
الموافق على قانون البحث عن كاميليا..يتفضل برفع يده ...موافقه......هشام طلعت: قتلت سوزان تميم لانها كانت مخبيه اختى كاميليا
جمال مبارك : نعم كان هناك توريث ..لكن ليس لمصلحتى ..ولكن لمصلحه كاميليا ...بينما غير صفوت الشريف عنوان مؤتمر الحزب الوطنى الى : من اجلك انتى ..با كاميليا ..ومن جهه اخرى صرح الراجل ابو جلابيه انه لم  ينزل استاد القاهرة ليبوس عبد الواحد السيد من بقه فقط ...بل بحثا عن كاميليا ..اما سائقى الميكروباص فقد رفعوا الاجرة مع نفسهم ..وكان مبررهم انهم سيستفيدون بفارق الاجرة من اجل جمع مبلغ كبير يساهمون به فى البحث عن كاميليا ...توته توته خلصت الحدوته ...قالوا للحرامى احلف ...قال : جالك كاميليا
ميجووووووووو

13 comments:

الميكروباص said...

أنا عاوز أدخل مستشفى المجانين

Tears said...

نداء عاجل الى السلفيين

واحدة يهوديه اسلمت اسمها ساره سمحون واليهود خطفوها وحاجزنها فى معبد فى تل ابيب ...ياريت ياجماعه نطلع على تل ابيب ونحاصر المعبد ونحرر الاسيره المسلمه ...انا عايز اختى ساره

اخي السلفي،
هناك أنباء مؤكدة ان هناك مائة فتاة يهودية أشهرن اسلامهن بحمد الله. ولكن الكارثة ان الحكومة الاسرائيلية قامت باخفائهن في المسجد الأقصى. استرجل بقة وروح رجع لنا المسجد الأقصى

Ms Venus said...

ههههههههههههههههه

ضحكت من غلبى يعلم ربنا يا مشمش


وكمان تعليق تيرز ضحكنى موووت

بقينا نضحك ونموت

علشان اختهم كاميليا


رحمتك بينا يارب

Migo Mishmish said...

لورنس
وانا كمان معاك لحسن دماغى لفت خلاص

Migo Mishmish said...

tears
انا سمعت انها مخطوفه فى امن الدوله ..ياريت الكل يطلع على هناك ..بعد ما يقابلوا فرج بتاع فيلم الكرنك هايخرجوا كلهم كاميليا
وعبير

Migo Mishmish said...

ms venus
هى ايه حكايتك ؟ مكتوووووب فى نهايه التعليق مييجووووو بالبنط العريض ..هى البلد دى مش مركزة غير على الستات بس؟ ناقص تقوليلى انتى كمان انا عاوزة اختى مشمش ..ههههههه
تحيااااتى
ميجوووووو
عاوز اخويا ميجووووو

Ms Venus said...

هههههههههههههههههههههه


معلش اسفة


تأثير اختى كاميليا ههههههههه


اسفة يا ميجوو

السيد الحسيسى said...

رائعه جدا تلك القصه
عزيزى ارجو مشاركتك مدونتى اراده الحياه وشكرا

IMSA said...

ميجو :
اختي كاميليا السبب الدائم وراء كل شئ ، تراجع اختي كاميليا ..
انهيار اختي كاميليا ..
عدم فوز مصر في التصفيات اختي كاميليا ..
عدم ترشحنا لكأس العالم برضو السبب اختي كاميليا ..
من وفاء لكاميليا لـعبير - هو مفيش مرة اسمع عايز اخويا ؟؟
كلها سيدات ؟؟
ربنا يستر ويفرجوا عن اختي ملوخية لان اختي كوسة عايزاها جدا ..
//
تحياتي وتقبل تعليقي

ELVIRA said...

كدة برضه يا ميجو تضحكنا فى الهم اللى احنا فيه دة

ربنا يستر انا حاسة ان الأمور هتبقى فى غاية السواد يأما و دى نظرة يأس أننا هنبقى ميت فل و عشرة علشان لما استحكمت حلقاتها فُرجت

حــالة مــلل said...

اسمها اوختشششششششششششى كاميليا

وكم من كاميليا فى عبائتهم

عموما

من وفاء لكاميليا لعبير يا قلبى لا تحزن

تعددت النساء والهدف واحد

Anonymous said...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!! باقى المقال ضمن مقالات ثقافة الهزيمة بالرابط التالى

www.ouregypt.us

صوت من مصر said...

بحاول اسيب كومنت من يومين مش عارف بس ده بسبب انى عاوز اختى كامليا
ههههههههههههههههههه

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق