Tuesday, June 10, 2008

البلكونــة


إهداء من أشرف أخو ميجو


بصيت من البلكونة.........اشوف احوال الدنيا
لقيتها دنيا عجيبة.........دنيا غير الدنيا
وشوش الناس غريبة.........إشي جبس وإشي المونيا
والضحكة فوق الشفايف.........مش م القلب علشان حاجات تانيه
وكأن الناس تماثيل.........والمتحف هو الدنيا

16 comments:

مدحت محمد said...

تصدق بالله

انا الاحساس ده حسيته النهاردة وانا راكب العربية ورايح شغلى

حاسس الناس مش بنى ادمين

تماثيل من غير احاسيس

Mafrousa said...

حلو اوي يا اشرف
بالظبط هوه ده حالنا
و هوه ده برضه اللى ممكن تشوفه من البلكونه
برافو عليك


انا باشرب الشاي من غير سكر
هههههههههه

Anonymous said...

عزيزي ميجو
اسمحلي احيي اشرف علي تلك الكلمات المعبره عن الحال اللي بنعيشه دلوقتي

فعلا مش كل اللي بيبان قدامنا من القلب ,حتي الضحكه بقت مزيفه
بس اخر جمله عجبتني جدا
و كأن الناس تماثيل و المتحف هو الدنيا

تماثيل من غير روح و لا مشاعر

الواحد لما بيسمع اغنيه فايزه أحمد دنيا جديده علينا سعيده بيتحسر علي الأيام بتاعت زمان ايام ماكانت المشاعر من القلب و اللي في قلبنا علي لسانا

تحياتي لأشرف و ليك ميجو و اكيد للعزيزه مشمش

rtrcbh said...

السلام عليكم ورحمه الله وبركاته
آختى الكريمة
لما أراك لم تشاركى معنا فى حملتك إلى الآن ؟
أختى الكريمة : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أختي الفاضلة أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

Alkomi said...

احلى بلكونة و احلى ناس

الا انتي بلكونتك بتطل على ايه بالزبط

Desert cat said...

اشرف عبر عن حالنا بكلمات جميلة
قولوا لاشرف تسلم ايدك

Migo Mishmish said...

الاستاذ مدحت نورت البلكونه ولو انك ماشربتش حاجه ..
بص على الناس فى الشارع تلاقيها كأنها ضاربه بانجو ..وانتشرت ظاهرة غريبه جدا الناس بتكلم نفسها فى الشارع بصوت عالى ..مع ان الناس الى بتكلم نفسها يبان عليها انهم ناس محترمين وولاد ناس ..فعلا الضغوط بقت رهيبه ومعظم الناس جالها اكتئاب ..انا فعلا بحس انهم تماثيل فى متحف الشمع
تحياتى ليك يابو الكباتن ..واتمنى زيارتك مرة تانيه

Migo Mishmish said...

الاخت المفروسه دائما
اتفضلى الشاى بتاعك الى من غير سكر
الا قوليلى هو ليه مش بتتشربى شاى بسكر؟ يعنى هى ناقصه مرار ياختى

Migo Mishmish said...

اجندا الحبيبه
نورتي البلكونه
انا فعلا بحب الاغنيه بتاعه فايزة احمد
بتفكرنى بايام زمان لما كنا عيال وبنسمع الراديو قبل مانروح المدرسه حاجات ليها ذكريات جميله ..لكن دلوقتى خلاص كل المشاعر بقت صينى سهله تنكسر ..لو قريتى ريحه الجوافه هاتلاقينى معبر عن الحاله دى على قدى
تحياتى ليكى يا اجندا

Migo Mishmish said...

الاستاذ الكومى
البلكونه مالهاش قيمه من غير الناس الحلوين الى زيك ..دى اول زيارة ليك واتمنى انك تكررها وتشرب معانا الشاى المظبوط
لو انت قريت الشعار بتاع المدونه من فوق هاتعرف البلكونه بتطل على ايه بالظبط ..
على فكرة احنا اتنين بنكتب فى المدونه
ميجو الى هو انا ..العبدلله مدرس المانى
وزوجوجتى العزيزة مشمش ..
تحياتى ليك ياكومى بس اوعى تكون زى الكومى بتاع الاسماعيلى

Migo Mishmish said...

القطه الحبيبه
لو ماقريتش التعليق بتاعك على اى بوست احس انى متعكنن وفيه حاجه ناقصه
علطول منور البلكونه ياجميل ..(بلاش ياجميل دى لحسن مشمش تزعل منى) وبعدين المنفضه تقيله مش هاستحملها دا غير ان مشمش بتتلكك اوى لانها حامل وبتتحجج بالجونين
تحياتى ليك ياجميل

^ H@fSS@^ said...

الله ده الشعر بيسري في دماء عيلتكوا المصونة
تسلم ايده

Heart Beat said...

صحيح

المتحف هو الدنيا

نادرا الايام اما الضحك يكون من القلب

في ناس بتجاري الحوار مش اكتر و بتضحك

و في ناس بتقول احاول اضحك يمكن انسى الهم

اشرف عنده حق فعلا

Migo Mishmish said...

ه يا حفصه
العيله كلها شعرية
hehehehehehehehe
Love,
MihsMish

Migo Mishmish said...

هارت بيت العزيزة
يا ستي اضحكي اسرقي دقتيتن من الزمن وانبسطي يمكن يجي يوم مانقدرش نضحك
Love,
MishMish

المـــفـــــــقــــــــوعـــــة مــرارتـهــا said...

انا عاوزة الشاي بتاعي سكر كتيييييير
وخفيف
كتري السكر علي قد ماتقدري أصل الدنيا ممررة أوي

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق