Friday, December 12, 2008

الى السيد فلان الفلانى

الى السيد فلان الفلانى
انا المواطن العلانى
عنوانى مش بعيد
يا ف بحرى...
يا ف الصعيد
سيب اول شارع
وتانى شارع
وعدى الناصيه
تلاقينى ساكن جنب جيرانى
المهم ياسيد
عندى كام سؤال
شغلوا البال
وحاجات مجننانى
ليه دكهوما ..زى الغمه ؟
وليه دلهوما عملو هلومه
ودوكها عاملى زعيم الامه
دوكهوما ماسكتوش
ودلهوما راحو فى الفاشوش
ورقعوا بالصوت الحيانى
وانا فى راسى الف شاكوش
ومش عارف
انا مع مين ؟
مع الفريق ده ولا التانى ؟
السلام ختام
مش هاكتر فى الكلام
ابقى رد عليا فى
العنوان المذكور اعلاه
ولو حابيت تقابلنى
دور عليا
واكيد هاتلقانى
ميجووووووووووووووو

5 comments:

msafa said...

شكرا على الشاى
بس البلكونه فخمه اوى
البوست عاجبنى
حلو اوى

Migo Mishmish said...
This comment has been removed by the author.
Migo Mishmish said...

msafa
هنيا ياباشا ..يارب الشاى يكون عجبك
وميرسى على ذوقك ..البلكونه فخمه بناسها الطيبين الى بييجو يقعدو فيها زى حضرتك ..وميرسي على تعليقك على البوست وانه عجبك ..ويارب اكون قلت حاجه ليها معنى
ميجووووو

عموعصام said...

ولو حابيت تقابلنى
دور عليا
واكيد هاتلقانى ....طبعا يلاقيك على القهوه بتشرب إحباط بالليمون

norahaty said...

حلوووووووووووووووووووة

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق