Friday, February 6, 2009

اول دير اسلامى فى مصر !

البشر انواع ..وكل انسان له طريقته الشخصيه فى الحياه ..اى شخص منا يحب ان يعيش بطريقته الخاصه به وحسب مايؤمن به بدون اى ضغوط خارجيه عليه ..هذا هو مبدا الحريه ..
اكتب هذا البوست بعد ان قرأت بوست جديد لقطه الصحراء عن اللثام ومشاكله ..وطرأت فى دماغى فكرة قد تكون مجنونه ..واعلم انه هناك من سيكفرنى وينتقدنى ..لكن فى النهايه اريد ان اصل الى مفهوم معين ..فى المسيحيه هناك مبدأ الرهبنه اى ان الانسان حينما يريد ان يكرس حياته لله فقط فهو يذهب بمحض ارادته الى اى دير ويعيش حياه التقشف والزهد والجهاد الروحى ..هى حياة من نوع خاص ..حياه قاسيه لايستطيع كل البشر ان يطبقوها لذلك فهى لاشخاص معينين يستطيعو ان يعيشو حياه الزهد ..هذا شيئ جميل ..قد يكون هذا الراهب افضل منى ..هو يريد ان يعيش بطريقه خاصه ..فهو مثلا يريد ان ياكل اقل الطعام ..ويعكف على الصلاه يوميا بلا كلل او تعب ..يحرم نفسه من اى شهوة ترضى جسده ..يلبس اردأ الملابس ..هذه هى طريقته فى الحياه ..هو ذهب بمحض ارادته ..فهل له الحق ان يكفرنى او يجبرنى ان البس نفس لبسه؟ واصوم مثله لعده ايام متواصله؟او ان اعيش نفس حياته القاسيه ؟ ..انت ذهبت بمحض ارادتك وانا باقى وسط المجتمع بمحض ارادتى ...فلايحق لك ان تجبرنى على العيش بطريقتك ..حينما اريد ان اعيش بطريقتك فساذهب بنفسي الى اى دير واصبح راهبا ..
لذلك طرا فى دماغى سؤال : هو لماذا لا تكون هناك اديرة اسلاميه خاصه بالمسلمين ..اى ان الحكومه تساعد هؤلاء المتدينين على بناء اول دير اسلامى لهم فى الصحراء مثلا فيعيشون سويا يرددون اذكارهم ويقيمون صلواتهم فى حريه تامه ..يرتدون النقاب ام لايرتدون يربون اللحى او يحلقوها ..طالما هما يريدون ان نسير على منهجهم وطريقتهم فالافضل ان يعيشو وحدهم ويطبقون قوانينهم الخاصه بهم داخل الدير الاسلامى ..واى شخص يريد ان يذهب اليهم فليذهب هو حر ..طالما هو اختار بمحض ارادته ..طالما هم يكفرونا ..ونحن لانحب ان نعيش مثلهم ..فالانفصال هو الحل ..ولنبدأ مثلا بدير (معاويه ) ويكون مخصص لراغبى العيش فيه من الاخوه الذين يرفضون المجتمع الذى نعيش فيه ويعتبرونه فاسد..ويتركو مجتمعنا فاذا ارادو ان يحرمو الفن او الموسيقى او او ...فليطبقو ذلك عندهم فى ديرهم الخاص بهم ..فيكون داخل الدير قوانين خاصه بهؤلاء الذين يرغبون فى السير على منهج الدين القويم ..اما اذا رأى احد المسلمين ان المجتمع كافر وان الفن حرام وان حياتنا لاتناسبه فيذهب الى الدير الاسلامى ويعيش فيه مع من يتفق مع افكاره ..ايضا المسيحيين حينما يرون ان المجتمع فاسد فليذهبو الى الدير الخاص بهم ..وهكذا فيصبح لدينا دائرتين وللناس حريه الانتقال من هنا الى هناك ..
لكن ما اخشاه هو ان تصبح مصر دير كبيييييير
ميجووووووووووووو

28 comments:

انت تسال والكمبيوتر يجيب said...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairooibuvsoib

Anonymous said...

طيب بالذمة ازاى يرضوا بالاقتراح ده و هو هايحرمهم من هوايتهم المفضلة الا و هي الارهاب؟؟

صبرني يارب said...

شوف يا ميجو

بما انك يا سيدى الفاضل مسيحى انصحك بكل اخلاص انك ما تقترحش حاجه علىالمسلمين

انت عايز تعمل فتنه طائفيه يا ميجو ولا ايه هههههههههههههههههههه

لا نتكلم جد

حضرتك احنا كمسلمين اوضحلك بس حاجه

الاول احنا ما عندناش رهبنه لا ومنهيين عنها كمان

نيجى للنقطه الى انا عايزه اوضحها

وهي مين قالك ان المفروض ان اي واحده منقبه او واحد ملتحي المفروض انه يفرض رايه على الناس ؟؟؟

او انه يكفر من يخالفه .؟؟؟

اطلاقا ده مش عندنا حتى لو شوفت حد بيعمل حاجه حرام ممكن انصحه لكن ما اجبروش يسيبها
لا اجبار فى الدين ده مبدأ اسلامي

واي حد يقولي حاجه غير كده اوي عمل حاجه غير كده يبقى عبيط يا فندم ومش فاهم حاجه

انا معاك ان فى ناس مخها ترللي ده عاااادي

وعلى فكره ده عندنا وعندكم سواء فى ذلك نحن

اعتقد سواء دول او دول فهما عبط ومش فاهمين الدين اصلاااااا ولا الهدف منه


وباكرر تاني لك ولاي حد يقرا هنا

احنا منهيين عن الرهبنه والزهد فى حديث صحيح

لكن الى مالوش نفس عادي يقدر يعمل الى هو عايزه برضه

تحيااااااتي لكم وبوسلي البيبى بتاعكم

صبرني يارب said...

شوف بسطاويسي مش فاهم حاجه ازاي
هههههههههههههه
مش انا قلتلك هاتعمل فتنه طائفيه يا ميجو

Migo Mishmish said...

الاستاذ بسطاويسي
البلكونه هنا مش بنحب تجريح فيها لاى حد ..اولا انا لا اهاجم عقيده .. انا ضد التطرف الفكرى وفرضه على الناس بالعافيه ..يعنى فيه ناس مسيحيين ومسلمين بتحاول انها تحتكر الدين لحسابها ..وبتحاول انها تفرض فكرها على الناس ..هو دا الى بتكلم فيه انما انا لا اناقش عقائد ولا اناقش اديان ..ولا اهاجم احد ..انا مع الدوله اللادينيه التى تسمح بتعدد الاراء والعقائد والافكار
تحياتى
ميجووووو

Migo Mishmish said...

صبرنى يارب انا كمان
----------------
انا مش بتكلم على دين ..انا بتكلم على افكار ناس بتحاول انها تفرض اسلوبها بالعافيه ..يعنى مثلا واحده ست مش محجبه او منقبه فالناس تتعامل معها على انها حد مش محترم ..
دا مثال مش كل حاجه.. هما دول الناس الى اقصدهم سواء من هنا او من هنا
تانى حاجه انا عارف ان الاسلام مافهوش رهبنه ولا زهد ..بس انا بتخيل فكرة فانتازيا عشان اوصل لهدف معين ..
انا عايز كل واحد يبقى فى ديره الخاص بيه يعنى مش معنى انه متدين يبقى الناس كلها كفرة ومايعرفوش حاجه فى الدين ..انا نفسي نلم الناس دول كلهم ونعزلهم سواء كانو مسيحيين او مسلمين عشان يبطلو اسلوبهم دا ..
انا هاحكيلك موقف صغير حصل معايا
كنت فى مطعم اسمه ارزاق فى المعادى ..خرجت فى البريك اجيب اكل من عنده لان مافيش اى محل تانى جنبنا
دخلت وكلت ..لقيت جه موعد الصلاه ..شيئ كويس انهم يبقو متدينين ويواظبو على الصلاة ..دى حريتهم الشخصيه ..وشيئ مايخصنيش فى حاجه ..طبعا ساعه الصلاه بيقفلو باب المحل وبيمنعو اى حد يدخل ..برضه كويس الى عاجبه عاجبه والى مش عاجبه ياكل من محل تانى ..لكن لما جيت اخرج فوجئت بحاجه عجيبه : الاخ المسئول قالى ماينفعش تخرج يا استاذ الباب مقفول ودا وقت الصلاه ..لحد كدا وستوب كدا تعدو على حريتى ..طبعا وشي زنهر ودماغى قفلت واستعديت للمعركه ..وعليت صوتى لحد مافتحولى الباب ..وطبعا خدت قرار انى مادخلش المحل دا لو هاموت من الجوع ..هما دول الناس الى بتكلم عليهم
اسف على التطويل
ميجوووووووو

أبو فاطمة / هويتي إسلامية - مدونون من أجل فلسطين said...

السلام عليكم ورحمة الله وبركاته

أولا أرحب برأي صبرني يارب

ثانيا :من معرفتي بإنك مسيحي أتحدث من ها المنطلق(بمعني طبيعة العلاقة بيننا ).ل

1: حضرتك أي شي في الدنيا لا يؤخذ من شريحه أقل بل من الشريحة الطولية لا العرضية.أي لا يصلح مثالك بالمثال الذي يعتد به لما سأقوله

كمسلمين مع مسلمين أعتقد أنك ليس من حقك أن تعطي رأيك في التعاملات الداخليه بيننا لأنك بذلك تتدخل في أمر أنت لست جزء منه.وذلك لأني منهي عن التحدث في شأنك أيضا بنص الكلام الكريم كلام الله في سورة الكافرون لكم دينكم ولي ديني

وذلك لأنك تفترض إفتراضات واهيه لأننا لم نجد مسلم قال لمسيحي من قبل عليك أن تلتحي أو غير ذلك

أو منتقبة قالت لمسيحية إنتقبي

فأتمني عدم إفتراض الوهم لنكون موضوعيين في أطروحاتنا

وأية لكم دينكم ولي ديني تحسم الأمر لدينا كمسلمين وذلك لأن سيدنا عمر بن الخطاب ضرب أكبر الأمثلة في ذلك هو سيدنا صلاح الدين وعمر بن عبدالعزيز وهناك الأمثلة كثيرة جدا لا تحصي في مقامي هذا

أما بالنسبة للمسلمين مع المسيحيين فعلاقتنا يجمعها منهج الحكم

فإما يكون المنهج وضعي كما هو الأن وكما وضعنا الان في ذل وخزي

وإما أحد يقترح منهج ليكون الحل

ومن هنا تقدم بعض الغيورين علي وطنهم وأمتهم بمنهج الإسلام وما المشكلة في ذلك

وأقول منهج الإسلام لا دين الإسلام

أي تطبيق الإسلام لا جعل الجميع مسلمين

مادام الإسلام سوف يضمن للجميع العيش بأمان وحرية فكرية عقائدية

وأود منك الرجوع إلي سيرة سيدنا عثمان بن عفان لمعرفة كيف لم يرفض الإختلافات الفكرية بينه وبين من خالفه فأتمني عندما نتحدث عن فئة صغيرة نقول بالنص

هناك فئة لا تفهم الدين صحيحا وتفعل كذا وكذا

ولكني سررت بزيارتي لمدونتك

Anonymous said...

أولا أن يترهبن المسلمون فهذا مستحيل !

لأن لا رهبانية في الإسلام ،بل أن التكاثر هو هدف المسلمون

فحديث الرسول واضح في هذا الشأن في قوله :- تزوجوا الودود الولود لأني مباهي بكم الأمم يوم القيامة

و بخصوص عمل محميات طبيية للمسلميين فهذا أفضل حل للتعامل معهم على مستوى العالم ،ليكونوا على حريتهم و يمارسون طقوسهم و توالدهم و لكم في حدود هذه المحميات

Anonymous said...

***********************************
العند و الكبر و الحقد يمنع أي محاولة لتهذيب الاسلام ::-

كل من يحاول السؤال أو نقض أي شئ في الاسلام يهدر دمه فورا ,,, فأي محاولة لاطفاء نيران الاسلام ... كمحاولة من يطفئ النار بالبنزين ... فاذا قلت للمسلمين لا تفعلوا ذلك الامر مثلا لانه يتعارض مع القانون أو الصحة أو خطأ فان ذلك يزيد من أصرارهم على ممارسته و يدعوا المشايخ الى فعله في المساجد و اتخاذ فعل هذا الامر أنه جهاد مقدس في سبيل الله سوف يدخلهم الجنة التي يوعدون فالمسلمين بهذه الصورة لا يصلح لهم المجتمع المدني بل الصحراء اولي بهم حيث هناك يسكنون في خيام كالتي كان يسكن فيها الرسول و يتناكحوا و يتناسلوا كأمر أشرف المخلوقات و سيد المرسلين (((((( تناكحوا تناسلوا فاني مباهي بكم الامم يوم القيامة ))))))) فهي دعوى من النبي الامي بزيادة النسل و طبعا في المجتمعات الاسلامية يكون زيادة النسل للمسلمين الصالحين فالمسلم الصالح المعتاد المساجد يتم تزويجه بحور العين و امره بزيادة النسل و القول له سرا لا تتبع اوامر تنظيم الاسرة فالرسول سوف يباهي بنا الامم يوم القيامة اما المنافق فلا يزوج و يحكم أن لا يكون له نسل لانه سيلد كافرا كفاراو علي هذا كيف ستفعل الدول الغير اسلامية عندما يزيد المسلمين تبعا لتعاليم النبي الامي و يصبحون أكثرية و بذلك يأخذون الحكم و يحدث ما ينادي به مشايخ الاسلام في مساجد انجلترا مثلا بانهم حصان طروادة في انجلترا و في الوقت المناسب سيخرج هذا الحصان و سيأخذ الانجليز عبيد حيث سيسبى النساء ليصبحوا جواري عند المسلمين و يقتل الرجال و الذرية,, و تصبح ملكة انجلترا جارية من جوارية ... فماذا اعددتم لهذا اليوم القادم اليكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


في الواقع أن المسلمين بهذه الصورة و بهذه الطقوس لابد أن يعمل لهم محميات طبيعية يعيشون فيها و نتركهم و شأنهم و تكون هذه المحميات قريبة من جداول المياه فلا يتم قتلهم و لا أي شئ بل يتركوا يعيشون الحياة التي يريدوها و يكون لهم شيخ قبيلة و يتناسلوا و يتناكحواو لكن في حدود هذه المحميات لانهم لا يقبلون أي دين اخر أو اي شخص لا يتبع النبي الامي بالعيش معهم و من يريد منهم بجدية الخروج من هذه الحياة القاسية و ترك دين الارهاب فيساعد على ذلك أما من يحب النبي الغالي و شفاعته و سنته فاليستمر في هذه المحميات ... هذا كله من أجل انقاذ العالم من هذه الذئاب الجائعة المتعطشة للدماء .

Migo Mishmish said...

الاخ :كن جميلا
اولا انا مبسوط بزيارتك للبلكونه ولو انك مشيت علطول من غير ماتشرب الشاى بتاعنا ..انا مبسوط كمان اننا تربويين زى بعض ..انا دخلت على البروفايل بتاعك وعرفت انك راجل تربوى زى حالاتى
احب اعرف حضرتك ان البلكونه نا مش بحب اتناقش فى الدين لان الدين حريه شخصيه ..وعلاقه خاصه بين الانسان وربه ..يعنى هاتلاقى البوست مافهوش ايه من الانجيل او القرأن او اى حاجه تدل على انى تدخلت فى صميم الدين ..
انا بتكلم عن سلوك فئه معينه مش متقبله المجتمع الى احنا عايشين فيه سواء كانو مسيحيين او مسلمين ..ولاحظ انى بدأت كلامى فى الاول عن المسيحيين
انا مؤمن بفصل الدين عن الدوله مع وجود حريه تسمح بتعدد الاديان وحريه الفكر ..هل انت متفق معى ؟ انا ضد اى دوله تقوم على اساس دينى حتى ولو كانت ديانتى الشخصيه وهى المسيحيه
انا لست ضد الاسلام والمسلمين ..
اما نقطه انت ليس من حقك ان تناقش امور المسلمين فانا مختلف معك ..فانا لا اناقش امور عقائديه او فقهيه من صميم الدين انا اتكلم عن شأن عام يخصنى جدا كما يخصك ..انا لم اتكلم عن اجبار المسيحيين على اطلاق اللحى او اجبارهم على النقاب ..طالما انت ملتزم بتعاليم دينك ومتمسك بها ..هذه حريتك الشخصيه اما اذا كانت حريتك تتعدى على حريتى فمن حقى ان اتكلم
هل انت كمسلم ليس من حقك ان تتكلم عن شان الكنيسه القبطيه ووضعها؟
هل مثلا صحه البابا شنوده لاتهمك ومن سيخلفه ؟ اذا كان البابا من النوع المتهور او غير الحكيم فهل هذا لن يضرك باعتباره شأن مسيحى؟
اعتقد ان من حقك الاهتمام بالشأن القبطى وليس من حقك التدخل فى صميم العقيده
مثلا لو خرج احد هؤلاء بفتوة تبيح قتل الاقباط طبعا عن جهل وانا اعلم ان الدين الاسلامى لايبيح ذلك ..فهل اسكت واقول هذا شأن دخلى ؟
العالم كله اخى اصبح قريه صغيرة ومايضرك يضرنى ..مابالك بالذين يعيشون فى وطن واحد وتحت سقف واحد فالهم واحد والحلم واحد
لاحظ يااخى انك فى اخر تعليقك وصلت الى ماريد ان اقوله وهو ان هناك فئه لاتفهم صحيح الدين ..وهى الفئه التى اتحدث عنها ..اذن متفقين
تحياتى واسف على الاطاله
وتمنى ان نتبادل الزيارات كثيرا ..وننتظرك فى البلكونه لتشرب الشاى الذى لم تشربه بعد
ميجووووووووو

أبو فاطمة / هويتي إسلامية - مدونون من أجل فلسطين said...

ميجوو

جتلك أشرب الشاي

بس ياريت بلاش شاي نخليها عصير مانجو علشان أنا مبحبش الشاي

بجد أنا مبحبش الشاي

أولا ميجوو أنا أحترم عقليتك وأتمني كما تمنيت أن نتبادل الزيارات وخصوصا أن نقاشنا سيفيد جدا

ثانيا موضوع إن ملكش دعوة في الشؤون الداخلية للمسلمين أحب أوضح رأيي رأيي إنك فعلا كما قلت لا تتدخل في العقائد ولفقهيات ومن هنا اللحي والإنتقاب مسئلة فقهية إسلامية

أما بخصوص كون البابا مريض فهذا الأمر يهمني كما قلت أولا لأنه في وطني قبل أن يكون فردا فهو مشارك في الوطن ونبينا صلي الله عليه وسلم كان يعود المرضي من المسيحيين وذلك لا شأن مضر فيه

أما بخصوص الرافضين لما نحن عليه الأن هل انت موافق علي ما نحن عليه الأن

من فساد أخلاق
يا ميجوو كان زمان المسلمين والمسيحيين يحكمهم عرف وتقليد وعادة تغمر المجتمع ككل فعمل هذا المجتمع علي تسوية شؤونه الداخلية والخارجية بسبب إلتزامه الأخلاقي

هل أنت موافق علي الوضع السياسي

هل أنت موافق علي الفساد الإقتصادي

هل أنت موافق علي الفساد " الزراعي - الإجتماعي - الوظيفي - التعليمي - المعيشي " ميجوو لا أعتقد شخص بعقليتك يوافق علي ذلك

ومن هنا أنا أحب الشخصيات التي تقف بجوار النماذج المثمرة مثل جمال أسعد رغم أنه مسيحي إلا أنه يمثل العقلية الناضجه من الفهم العالي لكونه مواطن حر العقيدة وحر الفكر

ميجوو أعتقد لو الإسلام حكم فعدل فكون مجتمع حر العقيدة فلن تكون أنت حزين لذلك بل أعتقد شخص مثلك فاهم سيكون أول المؤيديين للنظام الإسلام في هذا الوقت


واخيرا ميجوو لن يكون أخر لقاء بيننا

أنك من الذين لم يصبهم الإسلاموفوبيا أي صاحب عقلية متفتحه جدا وهذا والله يعلم قولي أقولها بحق من حتي كلامك أعتقد أنك شخص سوي جدا

مع تحياتي يا باشا

أبو فاطمة

من أمام باب المدونة
إنت قلتلي شاي وأنا قلت مانجو
ولا جالي شاي ولا مانجو
شكلك بخيل يا ميجوو

الرابطة وبناء الأمة said...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

الرابطة وبناء الأمة said...

الدعوة اللي فاتت علشان يا ميجووو

Anonymous said...

ياريت ياعم ميجو واهى فرصه يرفعوالنا شعار الزراعه هى الحل أو شجرة الزيتون هى الحل بدل الشعار المبهم اللى محدش فاهمه.

Anonymous said...

بص يا عم ميجو انا مكنتش ناوى ارد عليك بس كنت ناوى اتصل بيك بكره علشان اعرف اكلمك و كنت ناوى اقلك اقفل الموضوع دهو متكلمش فيه بلاش مشاكل بس قلت ياواد استنى و شوف رد الناس ايه عليك
بس و اضح ان فى ناس دماغه لسه بخير و بتعرف تفكر
تعرف انا لما قريت البوست بتاعك اعت افكر انا اعرف كام واحد من نوعية الناس اللى انتى بتكلم عنهم لقتهم كتير بس فى نفس الوقت لقيت ناس كتير اصحابى و اعرفهم من نوعية الناس اللى ردو عليك مخهم لسه بخير

الخلاصه انا عاندى طلب لو عايزتتكلم عن مواضيع زى دى تانى خليك مباشر زى موضوع ارزاق اقصد بلاش العناوين اللى تخض انتى مش صحفى فى الفجر ولا الدستور وعايز تضمن التوزيع

مش شايف انها صعبه شويه اول دير اسلامى فى مصر خليك بسيط واضح مباشر
علشان محدش يفهمك غلط

ومتنساش تغنى لساندو ياصلاة الزين ياصلاة الزين على ساندو ياصلاة الزين

ابن المليونير said...

طب بجد فكرة حلوة ، مع انى اساسا طول عمرى حاسسس اننا عايشين فى جامع كبير منبوذ فيه الغير محجبة و الغير مُصلى و الغير مسلم ، تحاصرك به مكبرات الصوت من كل صوب تطالبك بالصلاة و الكتب المرماه على الارصفه تلعن الكفره و تعدد مزايا المؤمن ، الملصقات فى المواصلات العامة تطالب بذكر الله،وإرتداء الحجاب قبل الحساب ،الكتابات على الجدران بأسماء الله الحسنى ، الأذان فى التليفزيون و الراديو و الدش و المترو و التاكسى و قريبا شبكة دولية تشبه النت تؤذن للعالم كله
يا سيدى و ما مصر الا جامع كبير

^ H@fSS@^ said...

ان ان ان تيييش
ازيك يا ابو ساندو
البت ما شاء الله كل مادا بتكبر و بتحلو
ربنا يفرحنا بيها يا رب

Layla said...

جماعات التكفير و الهجرة كانت ماشية بالنظام ده.. كانوا بيهاجروا و بيطلعوا الصحرا و الواحات والمناطق البعيدة عن المدن و يكونوا مجتمعاتهم الخاصة المنفصلة عن الدولة و عن سلطتها

لو هيعيشوا في حالهم يطلعوا.. انما المشكلة انهم مش بيهمدوا

^ H@fSS@^ said...

نيجي بقى لصلب الموضوع

لو تفتكر زمان مرة عندي علقت و قلت انا مالياش بالجزء الديني في الموضوع عشان انا مسيحي
وقتها قلت لك لا ليك دعوة و شبهتلك الوضع بحنفية بتخر ميه ف بيت جارك
الاول اثارها تنعكس عليه هو بس
و بعد كدا اثارها حتنعكس عليك انت كمان
و بناء عليه من حقك تقول رايك في ناس شريكتك في الوطن اللي انت عايش فيه و متبعين قوانينه
الحكاية مش تكية و انتوا ضيوفها
اللي ملاحظاه دلوقتي انك اتبعت الموضوع ده و ده كويس في تمثيلك لخليفة البابا شنودة على سبيل المثلا
بناء على كل اللي اتكتب ده فحقول للاخ كن جميلا ان ده مش شان اسلامي داخلي استفتائي مثلا على حرمانية تعدد الزوجات و بناء عليه مينفعش ندخل مسيحي بيننا كمسلمين
و كشهادة مني انا ليا صحبات مسيحيات كتار و كلهم من دون استثناء بيتم الحديث ليهم كل يوم عن وجوب تحجيبهم و انهم لازم يسلموا و كلام تاني يعني بيخليني اتكسف من اللي قالوه المسلمين ليهم
طيب ما هو ده تدخل في عقيدتهم و معاملتهم على اساس انهم غلط و احنا صح
ربنا رب قلوب يا اخ كن جميلا
و اساسا سيبنا من المسيحين خالص
خلينا نعتبرهم مش موجودين
انا مسلمة و بقولك اني بقيت اخاف امشي في الشوارع في يمصر
و اخاف من منظر الحاجات اللي انا ممكن اتعرض لها

انا مجملا و تفصيلا متفقة مع ميجو مليون الميه
اللي عاوز يعيش حياة دينية يروح يعيشها في مجتمع مقفول عليه يمشي بقوانينه هو
و هو ده التعريف الاخر لكلمة دير لو وقع الكلمة علينا كمسلمين مش حنستظرفه
انا محبش امشي في شارع و انا مش عارفة شكل نص الستات اللي فيه ايه
و محبش امشي في شارع اغلب رجالته مربية دقنها و بتبص لي على اساس اني فاجرة و منحلة كوني م شمحجبة
و مجبش امشي في الشارع و نظرات الستات المحجبين و المنقبين بتبص لي على اساس اني محتاجة هداية و اني اكيد مادام مش محجبة ابقى مسيحية و كافرة
هما عاوزين يعيشوا بطريقة معينة
يتفضلوا يعمروا الصحرا و يقلبوها خضرا
و لعلمك نفس المبدا ده هو مبدا تحجب الراهبة
هي اختارت حياة تبتل و تقوى فتبلبس الحجاب و مش بتلزم بيه غيرها
عكس الحجاب عندنا اللي للاسف قيمته راحت بسبب بنات كتيرة اوي استهبلت في لبسه و لانه اتفرض عليها بالغصب و شاع في المجتمع و بقى علامة العفة و هو مش كدا خالص

تحياتي و اسفه للاطالة

سلامي لمشمش يا ميجو

Desert cat said...

انا موافقه على كل كلامك
يا عزيزى انا اللى بيديقنى انى الاقى واحدة حاطة قماشه على وشها وتلاقيها قاعده مبرقة فيك
طيب قولى وقتها انا اعمل ايه والله ساعات بخاف وممكن انزل المحطة الجاية طوالى مع انى فى الاساس مش بقعد جنبهم مش يمكن راجل يا ابو ساندو يا خويا ومتنكر وبعدين عفتى ولا يسلم الشرف الرفيع من الاذى انا اقعد جنب راجل مش مغطى وشه اه موافقه مش يمكن يطلع عريس والواحد يكمل للمحطة الجاية
وانا من هذا المأزق بضم صوتى لصوتك وبطالب بانهم يروحوا يترهبنوا فى الصحراء الشرقية او الغربية اى صحراء تعجبهم ويسيبوا لنا احنا بلاد الكفر احنا ماوافقين

تحياتى
وسلاماتى لمشموشه

Anonymous said...

الاخ ميجو
اعتقد ان الفكر لن تعجب الاخوه المسلمين الا بشروط وهى
اولا: ضمان وصول النسا الى الدير للترويح عن الاخوة المترهبين
ثانيا: توفير كميات كبيرة من الطعام لانهم يريدوا ان تكون كل ايامهم كرمضان شهر الطعام والتعبد
ثالثا: ضمان عدم قيام اي من الاخوه باى عمل لحبهم للركون للراحه و لضمان تفرغهم للتعبد و النسا
اخوك: عضمه زرقه

Migo Mishmish said...

عمو عصام
حمدالله على السلامه ..اعتقد انه شعار للجميع وليس لفئه معينه : الزراعه والصناعه والعلم هو الحل ..اما موضوع ان دين معين هو الحل فاعتقد انه لن يوصلنا لشيئ ..التجارب السابقه تشهد على ذلك ...فصل الدين على الدوله مطلب اساسي ..اما الدين فهو علاقه شخصيه بين الانسان وربه
تحيااااتى
ميجووووو

Migo Mishmish said...

الاستاذ جورج
انا لا اختار عناوين مثيره حتى اضمن التوزيع ..انا فقط حبيت انى اوصل هدف معين او رساله معينه لفئه معينه .. ماتخافش على اخوك ميجو ..انا دماغى مش فاضيه زى القله ..انا بكتب عن مواضيع باسلوب واضح ..اما بالنسبه للناس الى دماغهم بخير فاعتقد انك قريت التعليقات وشفت الناس عاملين ايه..الناس الى بتيجى البلكونه ناس زى الفل ..حتى الى عنده فكر دينى برضه بيتكلم باحترام وبنرد عليه باحترام ..الاختلاف فى الرأى لا يفسد للود قضيه ..واعتقد ان الناس فهمت انا اقصد ايه ..لانى لاهاجم اى دين فهذه قاعده ماشي عليها منذ انشاء البلكونه ..انا احترم اراء الاخرين ..ولم يصادفنى ان دخل احد فى البلكونه وسبنى انا ومشمش لاننا لا نسب احد ولا نهاجم احد
تحياتى ومبروووك مرة تانيه
ميجوووووووو

Migo Mishmish said...

ابن المليونير
سعيد بمرورك الاول ..معاك حق ياباشا ..الموضوع بقى هوس دينى ..وليس تدينا
حقيقيا
تحياتى ميجووووو

Migo Mishmish said...

حفصه
ميرسي على ذوقك
اما بالنسبه لرايك فانا متفق معاه ميه الميه ..حاسس اننا بقينا مهووسين دينيا ..مسيحيين ومسلمين ..ونسينا اصل الدين وبقينا ناخد الشكليات بس..انا عجبنى جدا رايك فى تعريف كلمه دير وانك وضحتى وجهه نظرى ..انما بعض الاخوة سابو الكلام كلو ومسكو فى كلمه دير وان الرهبانيه حرام فى الاسلام ..شكرا على توضيحك ..
تحياتى
ميجوووووو

Migo Mishmish said...

مارفل
بتوع التكفير والهجرة لما كانو بيروحو الصحرا ..بدل مايزرعو وينتجو ويورونا نموذج صغير لتدينهم وانهم يثبتو صحه وجهه نظرهم ..اتخذو الاماكن دى للتسليح والقيام باعمال ارهابيه ونشر افكارهم بالقوة فى المجتمع ..يعنى مافيش فايده
تحيااااتى
ميجوووووو

Migo Mishmish said...

قطه
كلامك صح ..صدقينى لو الناس دى اثبتو فى اديرتهم انهم كلامهم صح وان طريقتهم تحقق العدل والمساواة واحترام الاخر ..انا اول واحد هاروح اعيش معاهم ..انما لو ثبت ان طريقتهم غلط ..يبقى هما فى حته واحنا فى حته ..بس انا خايف ييجى اليوم الى نبقى فيه انا وانتى والى زينا هما الى معزولين وكانهم عايشين فى دير خاص وباقى الناس راحو اترهبنو ...والله خايف عليكى يامصر ..
تحياتى
ميجوووووووو

mrmilad said...

سيدى الفاضل
برجاء ان يتسع صدرك فقد ترددت كثيرا قبل ان اكتب اليك معرفتى بالمدونات قليلة
فقد كنت اتابع مدونة حضرتك ومدونة حجاب ونقاب
ومنذ فترة وانا لا استطيع ان ااتابع مدونة حسن الهلالى
فما العمل ارجو ان تساعدنى شكرا

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق