Wednesday, September 23, 2009

تستاهل يافاروق ياحسنى

خسر الوزير فاروق حسنى معركه اليونسكو ..تابعت معظم التعليقات على الخبر ..وجدت حاله فرحه غير عاديه من المعلقين ..الكل شمتان فى الوزير ..تباينت الاسباب ..لكن للاسف معظمها للاسباب التاليه ..اولا بسبب منح القمنى جائزة الدوله التقديريه ..وبسبب هجومه على الحجاب ..ومن الاسباب ايضا انه هادن اليهود حتى ينال المنصب ...ولانه رجل بوليسي لدوله بوليسيه ..اما اعجب الاسباب فاتهمه احد المعلقين انه عمل تمثيليه لاسقاط انف ابو الهول ليسقط عبد الحليم نورالدين ..كما شمتو فى هزيمته لانه قام بترميم كنائس المسيحيين المتهالكه ومعابد اليهود ..وتراوحت التعليقات لكنها تتفق على اساس دينى ..واليكم نماذج من التعليقات فى موقع اليوم السابع
الحقيقه حزنت جدا بعد قراءة الخبر والتعليقات عليه لاسباب عديده
  • حزنت على تعليقات الناس الغريبه وعلى سياسه القطيع التى نتبعها فالكل شمت فى فاروق حسنى لاسباب دينيه
  • حزنت على موقع مصر وثقلها الذى اصبح اخف من الريشه فلم يصبح لنا وزنا اقليميا وعالميا
  • حزنت على ثقافه الناس التى اصبحت فى الحضيض وارجاع فرحتهم فى عدم فوز الوزير الى اسباب سطحيه ..فكل الذى يهمهم هو الحجاب وسيد القمنى ومهادنته لليهود
  • حزنت على وزير لا طال بلح الشام ولا عنب اليمن ..فلا هو ارضى المتطرفين المصريين ..ولا نال رضا اليهود ولا حاز على رضا العالم ..فقد ظن انه من الممكن ان يخدع الناس كلها مثلما يفعل فى مصر ..فهؤلاء الذين ينتخبوه ليسو مثل اعضاء مجلس الشعب الموقر ..فيلقى ببيان يهادن فيه القطيع. ثم تصفيق حاد ..هؤلاء تقدمو علينا بمراحل فلا نستطيع خداعهم بالكلام المعسول او بالبيانات المضلله
  • حزنت على وزير يبحث عن الكرسي الثقافى الاول فى العالم ..وترك ثقافه بلده فى الحضيض ..هادن الاصوليين والوهابيين وتركهم يعبثون بعقول وثقافه هذا الشعب ..ترك يعقوب والحوينى وعمرو خالد وخالد الجندى يشكلون عقول المصرييين ..ترك اللمبى ودبور وتامر حسنى وسعد الصغير يلعبون دورا ثقافيا مهما فى تشكيل وجدان الشعب ..المكتبات اصبحت على يده مملوءة بكتب من نوعيه : عذاب القبر والثعبان الاقرع ..الفتاوى الذهبية في الرقى الشرعية
  • حزنت على وزير لم يكن له موقف واضح فلاهو كسب اليهود ولا هو كسب الاصوليين ولا كسب احترام العالم ..كان الاولى به ان يتخذ موقف ثابت ..لكنه كان يقول كلاما ويتراجع فيه : راجع تصريحاته عن الحجاب وتراجعه عن مواجهه الاصوليين فى ازمه روايه وليمه على اعشاب البحر ثم تصريحاته عن حرق الكتب اليهوديه وتراجعه عنها حتى يرضى اليهود وينال المنصب فقد حاول ان يقنعهم ان الكلام للاستهلاك المحلى فقط ..فكيف لوزير ليس له موقف واضح ان يصبح المسئول الاول عن ثقافه العالم
  • حزنت على مكتبه القنصليه الانجليزيه فى القاهرة وكيف تم اغلاقها بعد تصريحات لمديرها ان الشعب المصرى غير صديق للقراءة ..طبعا لان الرجل مهذب ولم يقل اكثر من ذلك ..فكيف طاوعه قلبه ان يرشح نفسه بعد هذا التصريح
  • حزنت لبقاء الوزير على كرسيه حتى الان مع انه مسئول عن محرقه بنى سويف
  • حزنت لان هناك وزير ثقافه حقيقى فى مصر وهو محمد الصاوى صاحب ساقيه الصاوى التى تعتبر بحق ساقيه للثقافه ..كيف لا يتم ترشيح مثل هذا الرجل حتى الان لمنصب وزير الثقافه

ختاما اقول للوزيرهذا جزاءك وهذه هى خاتمتك ..انت المسئول عن هؤلاء الوهابيين الاصوليين ..انت الذى صنعت هذا المارد بنفسك ..فلو كنت تهتم بثقافه شعبك لما وجدت هؤلاء الوهابيين الاصوليين ولما وجدتهم يشمتون فيك عند خسارتك ..للاسف لم تتعلم الدرس من السادات

تحيااااااااااااااااتى

ميجووووووووووو

24 comments:

Desert cat said...

بالرغم من كل الحاجات المحزنة اللى ذكرتها وانه فعلا لا ستحق المنصب وبكل جدارة نظرا لجبنه وتصريحاته المتضاربة عموما ومصادرة كم الكتب فى الفترة الاخيرة خصوصا
الا انى زعلت ان صر مستواها انحدر بالشكل ده

عمو عصام said...

ايه ياعم ميجو...الراجل له أيادى بيضاء على الثقافه والمثقفين وعلى الآثار المصريه فقد قام بترميم كنائس ومساجد مصر الأثريه وأسند ترميمها للمقولون العرب مما أدى لتحويلها لمبان عشوائيه تتفق وحياة شعب مصر .لذلك لاداعى لتوبيخه أو الشماته فيه خصوصا وأنه لم يطلب يوما أن يكون وزيرا ولكن أتى به الدكتور عاطف صدقى من على أحد مقاهى باريس وعموما فقد شرفنا الرجل وفقد المنصب بفارق ضئيل لم يتعد أربعة أصوات فقط ولم يتسبب فى فضيحه مثل صفرالمونديال فرفقا بالرجل

على باب الله said...

بالرغم من أني عارف و متاكد انه ما يستحقش المنصب ده إلا أني زعلت لما خسر في السباق ... تقريبا زي ما أنا عارف ان المنتخب الوطني مش ها يصعد كأس العالم و مع ذلك بشجعة و أحرق في دمي

سهيل ولى الدين علام said...

اجمل واصدق كلام اسمعه فى موضوع فشل مصر
افى اليونسكو وفعلا فاروق طوال ال22سنه اللى مرواحاول يلعب على كل الحبال ويقول الكلام ويرجع فيه تانى يوم ومتنسيش رجالته اللى بيقعوا واحد ورا الثانى محمد فوده سكرتيره الصحفى وايمن مدير مكتبه الى طلع عنده يخت ب5 مليون جنيه واسطول سيارات نقل..

اقصوصه said...

منو فاروق حسني؟

عمو عصام said...

يونسكو إيه وثقافة إيه...رجاء الإطلاع على مقال الدكتور خاد منتصر بالمصرى اليوم30سبتمبرhttp://www.almasry-alyoum.com/article2.aspx?ArticleID=227540

احساس لسه حى said...

ده التعليق للمرة الرابعة اللى مش عارف ترد عليه

وهعمل عليه بوست

يعنى انت قولت كلام محصلش

ولا عرفت ترد على كلام تريكة وتقولى انت جيبه منين

وطنشت

فين بقه الاضطهاد اذا كان اخبارك مش صح وكاذبة

والتعليق تانى اهو اللى طنشطه فى الموضوع اللى فات

ممكن اللينك اللى جايب منه ان ابوتريكه قال ان الفوز انتصار للاسلام

انا مشوفتش الكلام ده ولا قريته الا عندك

دور وحطهولى فى المدونة

اما بقيت الكلام مش هرد عليك لسبب واحد

انك اتكلمت بمنطق مش موضوعى

زى ما قولت الموهبة فى كرة القدم

ومثلا زيدان اتعرف من بره مصر بموهبته

وكمان اكيد لو فى لاعب كويس هيفرض نفسه زى ما عمل هانى رمزى فى الاهلى



وعلقت تانى وقولت



July 12, 2009 6:39 PM
أحساس لسه حى ...أنا مش موافق said...
انا بحثت فى جوجل عن كلمة ابوتريكة ملقتش

ما دى المشكلة الاخبار الكاذبة

تحرى الدقه يا رجل فى اخبارك

ومعلش حاول تجيب مصدر المقولة دى

مستنى

مش قادر تجيب المصدر يبقا متقولش تانى اضطهاد

عنب

احساس لسه حى said...

اهمية التعليق اللى انت مش بترد عليه

لكى اثبتلك ان احساسك بالاضطهاد احساس كاذب

واخبارك اخبار كاذبة

وانت مش مسلم علشان تفهم احساس المسلم ايه لما يدوا سيد القمنى جايزه ولا يتهكم فاروق حسنى على الحجاب

للاسف المسيحين فى دول العالم بيسمحوا بالتهكم على المسيح وبيقبلوا ده وهو عندهم اله

ومتطلبش كل اهل دين يكون فى برود المسيحين فى تقبلهم التهكم على المسيحية

Hassan El Helali said...

شكرا يا ميجووووو

بقي لي سنين أقول إن الخرنج ده هو السبب في دخول العراعير مصر واحتلال الأمخاخ المصريه بعد ما تفضل بتفريغها هو وعصابته وساب الدنيا لايصه وتفرغ لبيع شخابيطه الخايبه بالملايين لكل من له مصلحه مع الوزاره المخفيه

ولسه لما يقع حافكرك بباقي عمايله المهببه
الصبر طيب

Migo Mishmish said...

احساس لسه ميت
ابوس ايدك متجبرنيش انى الغى تعليقاتك ..انا مش بحب طريقتك فى الكلام ..عايز تتكلم بمنطقيه؟ هاديلك فرصه اخيرة عشان تعبر عن رأيك ..انا هارد عليك واحده واحده ولو قليت أدبك ..بجد مش هاخليك تيجى هنا تانى ..
اولا : ابوتريكه قال الكلام دا فى برنامج تليفزيونى وخرم ودانى وودان كل الناس انا مش عندى عقده الاضطهاد ولا عقده الذنب ولا فوبيا الاسلام ..انت اللى عندك فوبيا وعندك عقده الاضطهاد والدليل انك كاتب انك مش حاسس بشعور المسلمين لما واحد زى فاروق حسنى يتهكم على الحجاب ولا يدى سيد القمنى جائزة..يعنى حاسس بالاضطهاد اهو وان فيه حد بيحاربك كمسلم مع انه مسلم زيك ..وسيادتك من أول الباكيين والمولولين على مروة الشربينى الى ماتت وزعلت من قطه انها سمتها شهيده المرجيحه ..يعنى الى بتحلله لنفسك بتحرمه على غيرك عايز تقعد تقول انا مضطهد ومش عايز غيرك يعبر عن مشاعره ويقول نفس الكلام ..انا مستغرب يا اخى واحد شاعر زيك ..عنده ضيق افق كدا ..على فرض يا اخى ان ابوتريكه مقالش كدا وان انا كداب كل الى حواليك ده ومافيش اضطهاد للاقباط فى مصر ؟ الى مبيشفش من الغربال يبقى اعمى ...مبتركبش مترو ؟ مش شغال فى اى شركه او مصلحه حكوميه؟ مبتمشيش فى الشارع ؟ مابتقراش اخبار او تدخل على النت ؟ ياراجل دنا بمشي مع مراتى وبسمع شتيمتنا بودننا لمجرد ان مراتى مش محجبه ..ياراجل فى المترو مكنتش بلاقى واحد راجل محترم يقوم لمراتى وهى حامل لمجرد انها مش محجبه ..مافيش تخطى للاقباط فى الترقيات بسبب الديانه ؟ كام نادى فى مصر فيه لاعب كورة مسيحى ؟ اتحولنا كلنا لعجزة ومعاقين ذهنيا ؟ كام برنامج بيتعرض لينا فى التليفزيون ؟ صفر
كام مذيع فى التليفزيون المصرى ؟ صفر
كام رئيس جامعه ؟ صفر
كام كنيسه بنتها الحكومه ؟ صفر
مع ان يا اخى واحد زى سيادتك يرجع ويقول ان المسيحيين معاهم 75 فى الميه من ثروة البلد ..يعنى بتلومن على اننا شاطرين واننا بنكافح وبندفع ضرايب وبتروح لناس تانيه ..كام برنامج تليفزيونى بيشتم فى المسيحيين ؟كتيييييير
كام كاتب بيطلع فى تليفزيون الدوله ويقول ان الانجيل محرف ؟ كتييييييير
كام جامع جنب بيتك بيشتم فى المسيحيين ويدعى عليهم ؟ كتيييييييير
كام واحد فى الشارع او المترو او المكروباص بيشتم المسيحيين ؟ كتيييييييييييييييير
كام حادثه قتل وحرق كنايس والحكومه سكتم بكتم ؟ كتييييييييير
كام واحد اتقتل فى الكشح؟ كتيييييييير
كام واحد مختل عقليا دخل كنايس وضرب ناس بسكين ؟ كتيييييييير
وترجع سيادتك تقولى ان المسيحيين بيستهبلو ومحبكينها وعايشين فى عقده الاضطهاد يعنى على الى فات ده كله احنا هندنا عقده ..انما لما واحد زى سيد القمنى ياخد جايزة ..يبقى اضطهاد ولو واحد مسيحى اتقتل يبقى عيب بقى متحبكوهاش وانتو عندكو عقده
سؤال اخير : هو بالنسبه لكلامك ..المسيحيين باردين وساكتين على اهانه مقدساتهم ولا هما عندهم عقده اضطهاد وبيعملو من الحبه قبه ؟
مش عراف اصلك اتهمتنا بالتهمتين فى نفس الوقت وهما متناقضين
كانك بتقول : الاقباط طوال وقصيرين وتخان ورفيعين ومناخيرهم كبيرة بس صغيرة
يعنى نعمل ايه فى الاخر عشان نرضى سيادتك ؟ نبقى عندنا حميه وغيرة ولا نبقى باردين ؟
ولا تحب نخليها حسب مزاج الباشا ونتلون حسب المواقف ؟
احب اعرفك ان احنا مش هانحمى ربنا... ربنا قادر انه يرد اهانه اى حد وقادر انه يفنيه من على الارض بس هو ليه حكمه انه بيسيب الناس الى بتهين الدين او الذات الالهيه ..مش برود زى سيادتك مابتقول
ربنا فوق الكل وفوق البشر وهو عارف وشايف و حكمته اعظم من اى مخلوق ..ومش مستنى واحد زى سيادتك يدافع عنه ..لول عايز تدافع عنه صحيح ..خليك محترم وبلاش تشتم الناس فى مدوناتهم ولا تشتم واحده زى قطه فى مدونتك وخلى عندك موضوعيه واحترام للاخر
ميجووووووو

Migo Mishmish said...
This comment has been removed by the author.
مواطن مصري said...

بصراحة انا زعلت لما فاروق حسني خسر

و زعلان اكثر لما الاقي ان اغلب الشعب متبع ثقافة القطيع و ماشين ورا الظلامين

مطلق said...

ميجو

من فتره و انا متابعك انت و احساس و انتوا بتخبطوا في بعض

انت مش البابا ولا هو شيخ الازهر

كفايه كلام

اذا كنا بننقد السلافيه الوهابيه فانتوا بتنقدوا اقباط المهجر
و الامثله كتير اوي زي محمد حسان و ذكريا بطرس

مهما اطعن في دينك مش حتسيبه و مهما اطعن في دينا احنا مقتنعين يا سيدي

فبلاش الصراع الغير مبرر ده

Anonymous said...

حبايبى ميجو و مشمش
انا المرة دى مش ها اعلق على موضوعك الجميل البليغ يا ميجو انما عاوز افول للاخ احساس لسه حى ان الاحساس نعمه و لكن الله انتزعها منه و حرمه منها
ايه المشكله لما القمنى ياخد جايزة و قد تشرفت الجايزة به و هو اكبر منها بكتير
و بخصوص ما تدعيهمن تهكم المسيحسسن على رب المجد يسوع المسيح احب اقول انك للاسف مش فاهم حاجه لان ببساطه مش كل الغربيين مسيحيين و لكن بهم نسبه كبيرة منهم غير مؤمنين
وكمان احنا يا عم ماعندناش حصار فكرى و قمع لاى راى او فكر لان كل واحد يتحمل وزر افكاره
وبجد انا بقالى كتير ما علقتش او كتبت عند ميجو لكن افكارك استفزتنى
اسف يا ميجو على الغياب اخوك المبالغ فيه

Karim said...

Migooooooo, i just saw ur comment on وصف مصر this morning on the facebook, i was planning to reply after i come from a meeting that i had that day but i when i came back @ night i didn't found ur comment.
Don't tell me that u deleted it ya Migooooo, i really appreciated ur comment & held it @ high regards, & was really looking to talk to u about it & adding u to the friends list, but come on ya Migo, when i post a comment here i would never delete it after that cuz i would stand by my word till the end of time no matter how great are the consequences, but i'll have to admit that i made an honest mistake of forgetting to give u the url of the posted note on the facebook, other than that 3eib walahy enak teigy te3mel comment 3andy we temsa7a fe nafs el youm.

أحساس لسه حى ...أنا مش موافق said...

حركة مسيحية تدعو لإلغاء "دورى الكرة" بمصر

http://www.youm7.com/News.asp?NewsID=143277&SecID=65&IssueID=78#


وتعليق لذيذ

بصراحة احنا اختنقنا منكم كل شوية تقولوا اضطهاد اضطهاد سيبوها وامشوا وارتاحوا...حتى فى الكورة..ناقص كمان تقولوا اضطهاد فى المواصلات واضطهاد فى طابور العيش واضطهاد فى مياه الشرب.................انا بيتهيأ لى ان لو واحد اتخانق مع مراته هايقول كله من المسلمين ..........مخنوووووووق

Anonymous said...

الاخ احساس لسه حى و الله اعلم هو حى ولا ميت
لو انت مش شايف الاضطهاد تبقى فقدت نعمه الابصار و البصيره كما فقدت نعمه الاحساس لان ما يحدث فى مصر اضطهاد منهجى مدروس و ان كان غير معلن يكاد يصل الى مرتبه العرف فى التعامل مع الاقباط و يا ريت تخليك فى حالك و تحاول ترد على من يعادى الاسلام و يكون ردك عليهم رد موضوعى مش على شاكله واحد متخانق مع مراته و لعب الكره و ما الى ذلك من هراء
اسف ميجو و مشمش
ده مش اسلوبى فى النقاش و السجال
بس لازم ارد
اخوكم المبالغ فيه

أحساس لسه حى ...أنا مش موافق said...

المبالغ فيه

انت مكبر المواضيع ومبالغ فيها اوى

وانا موضوعى اوى فى موضوع الاضطهاد ده

وانت لو ركزت شوية ودخلت اللينك هتعرف ان التعليق بتاع مراته ولعب الكرة تعليق موجود فى اللينك مش انا اللى كتبه

بس بيوضح ان الناس اتخنقت من فليم الاضطهاد ده ويا ريت المسلمين يتضهدوا كما يضطهد المسيحين فى مصر

كان ظهر فى امريكا ساويرس

Anonymous said...

الاخ احساس لسه حى
انا لا اتمنى لك ان تكون مضطهد مثلى فى وطنك
و فيلم الاضطهاد ده مش صناعة قبطيه وللاسف ده مش فيلم و لو انت ترى ان ماسى الاخرين هى فيلم انا باطلب منك انك تنور النور و تصحى و ترى الامور على حقيقتهابس بكل موضوعيه
اما بالنسبه لسويرس و انه مافيش زيه فى امريكا فانا مشفق عليك لضعف معلوماتك لانه فيه اللى اقوي منه مئات المرات هل تعرف شخص اسمه بيل جيتس او ميردوخ ملك الميديا
وكمان انت مش من حقق تنتقدنا لمواهبنا فى اداره اعمالنا بكل مهارة و امانه ماحدش ليه فضل على الاقباط فى تكوين ثرواتهم
انت تعرف نسبه الضرائب المحصله من الاقباط كام اللى من عائداتها بتاكل و بتشرب و بتتعلم وبتجيب بتوع شرق اسيا ياكلوا و يشربوا و يتعلموا فى الازهر
يا عم ارحمنا بسكاتك
مبالغ فيه

أحساس لسه حى ...أنا مش موافق said...

الغير معروف

مبالغ فيه

انا مش هضطهد مثلك فى وطنى لانك مش مضطهد اساسا الا فى خيالك

وحال المسيحين فى مصر احسن من حال اى اقلية فى العالم كلها

وجبلى اقلية عايشة فى وطن احسن حالة من مسيحى مصر ...اتحداك

وفليم الاضطهاد ده مش كلامى كلام الناس اللى زهقت منه واللينك اكبر دليل على كده ومن حاجات كتير

اما بقه موضوع سويرس فباين انك بتفهم الاشياء خطأ

انا بتكلم عن مسيحى مضطهد كما تقول ووضوعه المالى فى مصر

واكيد مفيش مسلم فى امريكا او اوروبا وضعه المالى فى كدرجة مالية كما لسويرس فى مصر

فهمت ولا محتاجه توضيح تانى

اما الموهبة مش هتعمل حاجه لو فيه اضطهاد

ولا انت مش عارف ان الاخوان مضطهدين مثلا فى مصر وهما مسلمين وممكن تتاخد اموالهم

كمان الموهبة ازاى هتكبر فى مجتمع بيضهدك

وهو الضرايب على المسيحين نسبتها اكبر من المسلمين ولا ايه تصدقك مكنتش اعرف والضرايب دى بتدفع من ايه مش مكاسب من مسلمين ومسيحين برضوا

هو ده كمان اضطهاد

انتا مبالغ فيه على الاخر

والبوست الجاى عندى الارقام هتتكلم فيه

Anonymous said...

احساس لسه حى
احنا مش اقليه احنا اصحاب بلد مش ضيوف ما جيناش من الصحراء فابهرتنا الخضره انا بس مضطهد فى وطنى
وانا ماقلتش انك مضطهد ده انتم عايشين فى نعيم و انا ارجو منك انك تشغل عقلك و تحاول تفهم كلامى لانى اعتقد انه بسيط و فى مستوى الشخص البدوى
و كمان انت عايز المسلم فى امريكا يكون وضعه احسن من ساويرس فى مصر؟على الاقل ساويرس دى بلده و من حقه يشتغل فيها رغم العراقيل اللى بتقابله هو او غيره من الاقباط مش زى المسلم اللى عايش فى امريكا ضيف مش صاحب بلد عايش فى نعيم ديموقراطى بعدما كان ينتقى حجارة ملساء لينظف بها نفسه بعد قضاء حاجته
و كمان انا عارف حقيقتى انى مبالغ فيه و اعترف لكنى لم ادعى صفه ليست بى يعنى ما قلتش انى عندى احسلس و هو منتزع منى
انسان مصرى
قبطى
مضطهد و اخيرا
مبالغ فيه

احساس لسه حى said...

مبالغ فيه جداااااااا

مع ان ممكن صاحب المدونة يزعل بس كلامك ليه وبرد عليه

موضوع الاقلية ده بيتحسب كنسبة عدد زى ما الهنود الحمر فى الولايات المتحده اقلية وهما اصحاب الارض

وموضوع مين جاى منين محدش يقدر يعرفوه الا بتحاليل جينية وانت ممكن تجريها ممكن تلاقى اساس جيناتك اوروبية من ايام الحرب الصليبية ولا ايام احتلال الرومان مصر

وانا بسيط جدا بس فينا وفين بساطة البدوى ادعيله اكون زيهم فى بساطتهم

يعنى انت معترف ان المسيحى المصرى يتعامل احسن من المسلم الامريكى لانك هنا بتتعامل انك صاحب البلد مهما كان فيه عراقيل لاكن هناك بيتعامل كارهابى وضيف مش مرغوب فيه

وموضوع الحجارة احسن من مفيش خالص

وموضوع الاحساس موجود وانا حاسس بيك اوى

انك مجرد مبالغ فى اللى يخصك ومكبره

اما ما يخص الغير فلست مبالغ فيه

على العموم وصلتنى معاك ان حالك احسن من مسلمى امريكا

احمد الرب على النعمة دى

ومتكنش طماع ومبالغ فى طلب النعمة

Anonymous said...

الاخ احساس لسه حى
انا اتمنى انى اكون ذو اصول اوروبيه على ان يكون اصلى عربى رغم انى اعتز جدا بهويتى القبطيه و انا لعائلتى جذور صعيديه قبطيه ترجع ل500 سنه يعنى ما نيش من حثاله العالم و لى اصل و يعنى مش غريب عن البلد دىلانها بلدى ما جيتش عم غزو
وكونك نفسك تبقى زى البدو احب اقولك الف مبروك عليك ليك نفس العقليه البدويه
و كون ان المسلم بيتعامل انه غير مرغوب فيه و ارهابى انما ده رد فعل لافعاله القبيحه فى البلاد اللى بتستضيفه و لو هو حسيس اوى و عارف انه غير مرغوب فيه ما يحس على دمه و يرجع القبيله اللى هو جاى منها يا اما يحترم قوانين البلاد اللى عايش فيها
اخيرا دى اخر مرة ها رد عليك فيها لانك انسان بتشخصن الخلاف فى وجهات النظر انا اقولك حججى و اسبابى فى ما اعتقد و انت تقولى مبالغ فيه و تتهمنى ببعدى عن النظرة الموضوعيه للامور و انا مضطر انى انهى سجالى معاك مهما انت كتبت ما يكون عندى عليه رد او انا مختلف فى الراي معاك فيه و كنت اتمنى انك تكون واسع الافق اكتر من كدة و يكون ردك على هو رد فكر على فكر بدلا من الهجوم على شخصى لمجرد اختلافى معاك فكريا على الرغم انى لست عاجز ان ارد عليك بنفس اسلوبك لكنى افضل همس العقل عن ضجيج المخاصمات الغبيه
حبايبى ميجو و مشمش شكرا
و اسف
انسان مبالغ فيه
رغم انف من لا يدرى ماذا تعنى

احساس لسه حى said...

مبالغ فيه

ياااااااه انت تعرف جذور عيلتك لحد 500سنة فاتت

وطول ال500سنة دى عايشين مضطهدين فى مصر يا صبركم


وكون المسلم بيتعامل كارهابى رد فعل على افعاله

هو المسلم اللى احتل افغانستان والعراق ودمرهم

ولا المسلم صاحب اكبر مذابح القرن العشرين فى البوسنة والهرسك

ولا كمان المسلم سبب مذابح الشيشان

ولا...........عاوز كام ولا

ومعرفش ان فى دول اغلبيتها بديانه لما ما ترتحش لديانة تانى المفروض المسلم يرحل دى عقلية برضوا

وانت حججك واسبابك مش منطقية بالنسبالى مفهاش ارقام محدده كلعها تصورات وخيالات

كلها مبالغ فيها جدااااااا

وانا ما هجمتش شخصك انا هجمت فكرك وتفكيرك هو انا اعرف شخصك منين

والعقل لغته الارقام لو عندك ارقام محدده قولهالى بدل الكلام المرسل

ارقام لينكات تصريحات بس اكيد مش زى تصريح ابوتريكة اللى ملهوش وجود

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق