Saturday, November 21, 2009

ارهاصات على هامش المأساة

مستغربين ليه من مشاعر الاخوة العرب نحيتنا. ماهم زينا اتجروا للقومية العربية غصب عنهم. ولما انقضت المصلحة هما فاقوا واحنا لسه عايشين في الحلم العربي
ن
امال فين جماعة الغربان المحظورة الا ماشوفنالهم مظاهرة سخنه على استباحة الكرامة المصرية ولا كان لازم يبقى اسمها غزة علشان نسمع صوتهم. عموماً ممكن بعد مايمسكوا الحكم يسموها غزة الصغيرة زي نجاة الصغيرة علشان عروقهم تنفر ويتخنوا في صوتهم ويعملوا مظاهرات للدفاع عن كرامتها
ن
تعامل الحكومة المصرية مع الموقف لا يختلف عن الطريقة التي تحل بيها المشاكل في عيلتنا: تليفونات كتير ومقابلات في بيوت الاشقاء وبعدين محدش بياخد موقف ويقولك هو احنا هنقطع في بعض وبيفضل اللي في القلب في القلب
ن
هل لو ولاد الريس مكانوش هناك كان رد الفعل هيبقى كدة برضه ولا كنا سمعنا اغاني عن القومية والعربية والشقيقة الكبري و اخوك الكبير يا ولد....و....ووو
ن
نفس الكلام اللي اتقال عن هزيمة 67 -إننا ماتهزمناش علشان احنا ماحاربناش مع ان الحكومة كان عندها خبر ان اسرائيل محضرلنا مصيبة زي ما كان في اخبار عن ان الاخوة الجزائرين خلصوا على سكاكين الاخوة السودانين وبعتوا يستوردوا من الصين علشان يغطوا عجز السوق المحلي عن توفير الاعداد المطلوبة - اتقال عن اللي حصل في السودان. هو احنا كنا مستنين الاخوة الجزائرين انهم لو هيضربوا كدة وكدة يبعتولنا "كلمني شكراً" ويدنوا ميزد كول لو الضرب هيبقى بجد
ن
زعلانين من قناة الجزيرة علشان ما جبتش ولا كلمة عن اللي حصل. هو ايه اللي حوجنا للجزيرة ؟ مش علشان اتعودنا ان النيل للأخبار زي قلتها
ن
تامر حسني بيتكلم عن الوطنية وهو هربان من الجيش
ن
شوبير! في ناس تانيه غيرك على كوكب الارض. كلنا سمعنا مكالمة التليفون يا بيرو - على رأي ميرو: يا عم انت هتمثل
ن
يعني الجزائرين معندهومش غير كام جرنان ومحطة تليفزيون او معندهومش محدش عارف لهم عايشين ازاي وضربونا ومسحوا بكرامتنا ارضية السودان الشقيق امال لو كان عندهم وزير إعلام ووزارة إعلام وقمر صناعي ومحطات فضائية ومحطات ارضيه وجرايد معارضة وحكومية وصفرا ومجلات بالعربي وبالانجليزي والفرنساوي وريادة أعلامية كانوا علموا فينا اية؟
ن
قالك في كتاب العادة الثامنة لستيفن كوفي: لا يستطيع احد ان يمتهن كرامك إلا بإذن منك - ان تعتقد ان المشكلة سببها الاخرين تلك هي المشكلة
Love,
MishMish

22 comments:

Mafrousa said...

يا مصيبة يامشمش
انتى مالك ومال المجموعةالمحظورة؟؟؟؟؟
انابقاكان نفسي اكون هناك
كنت زقلت اللىيزقلنى يالطوب
و كنت فرستهم و عليت ضغطهم
انا رايحة اشد شعر البنات و اضرب الرجالةقفا.....معايا و لا ايه؟؟؟؟؟؟؟؟

م/ الحسيني لزومي said...

دعني اتحدث عن الموضوع من زاويه منطقيه بعيدا عن القاء الاتهامات علي الاخرين...ان كرامة المصري انتهكت خارج الوطن عندما انتهكت داخله وبيد ابناءه ان ما يحث في اقسام الشرطه وفي طابور الخبز وفي الانتخابات التي يستخدم فيها النظام البلطجيه للفتك بالناخبين من معارضيه وفي فض الوقفات الاحتجاجيه كما حدث مع الصحفيين علي سلم النقابه وتم الاعتداء علي صحفيه وتمزيق ملابسها وسحل اعضاء مجلس الشعب في الشارع وعدم احتجاج النظام لما يحدث للمصريين بالخارج من اهانات هو الذي جرأ الغير علينا وليتك سافرت الي دول الخليج لتعرف كيف ينظر هؤلاء الي المصريون ...هانت علينا انفسنا في الداخل فهلنت عند الآخرين في الخارج

Anonymous said...

Hi MishMish, How are you doing?
I agree with all what you said...
You know, I was watching the game which we played in Cairo, with some friends (from Morocco, Qatar, and Kwait..).. No one from them was cheering for Egypt.. All wanted Egypt to lose, and during the game we were talking about egyptian government and how they don't like the way we treated Gaza with... and I was like "They break the boarders and wanted to sneak into Egypt, and moreover they shooted Egyptians on the boarders.." but to them..it doesn't matter what they are doing...Palestinians always right and we should support them, which to me is bullshit... Those Arabs didn't do any to Palestine and now they forget what Egypt did to them and how we supported and helped them through out the history...
The point that we agreed about was "Egyptians are not Arbs"... they said that and I was like "TRUE, and personally, I'm proud of that...We are Egyptians, not Arabs".. of course, they didn't like my comment..but whatever

Migo Mishmish said...

مالي ومال المحظورة ! ما هم يا مفروسة ياختي قاعدين للسقطة واللاقطة ومعطلين المراكب السايرة
كل ما هو مفيد هما ضده وكل ما هو تافهه بيضعوا وقتنا وجهدنا فيه
وبزعلوا قوي على غزة وفلسطين اما مصر دي اخر حاجة بيفكروا فيها
معلموش مظاهرات ليه؟

بنات مين ياما هما دول بنات

الحل مش في الطوب الحل في اننا نفوق لنفسنا
Love,
MishMish

Migo Mishmish said...

الحمدلله لم اسافر لدول الخليج
بس على رايك اما احنا كرامتنا منتهكة هنا
هنستني الناس تحترمنا ليه؟
شرفت المدونة يا باشمهندس
Love,
MishMish

Migo Mishmish said...

Micho
ezayak ya 3am
انا دخلت على مدونات عرب كتير وكلهم كارهين القومية العربية والوطن الكبير والبلاوي ديه

وبعدين لاحظ ان عبد الناصر هو سبب البلاوي ديه كلها. الواحد يبقي مصري، كويتي، قطري اي نيله لكن ما ينفعش ينتمي لمعرفش كام دولة

اما بالنسبة لمشكلة فلسطين فالعرب اتعودا يبقى لهم كرامة على حسبنا تلاقيهم في ذكرى النكسة بيتكلم عن خيابة الحكومة المصرية
في 6 اكتوبر يقولك نصر للعرب ! بأمارة ايه نصر للعرب
قال وبيقولوا مصر باعت غزة هو في حد ادي اسرائيل على دماغه غير مصر. ويقولك المصرين ولاد راقصات
انا شايفة ولاد الراقصات هما اللي مش عارفين ياخدوا من اسرائيل لا حق ولا باطل
افتكروا ان كل حاجة ممكن يشتروها بالفلوس حتى الكرامة
يدونا حاجة نقوم نحارب اسرائيل يجوا هما يقصوا الشريط ويقولك انتصارات العرب
والله لو مصر دخلت حرب مع اسرائيل علشان العرب لأروح اطوع في جيش اسرائيل
زي ما قولت احنا فعلاً مش عرب ولازم نبدأ من هنا علشان ترجع كرامتنا
Love,
MishMish

عمو عصام said...

عزيزتى مشمش...كنت ناوى أكتب تعليق لكن م/الحسينى لزومى سبقنى بكل ماكنت سأكتبه وكأنه قرأ أفكارى بالكامل ...تحياتى لك وله

Anonymous said...

اللى مزعلنى انى مش قادر ارفع عينى فى وش الولا جاستن مع انو حمار و مبيفهمشى اى حاجه فى الكوره بس حاسس انى مكسور قدامه

George
Nashville USA

Anonymous said...

التعليق ده على القوميه العربيه انا كنت المفروض اعلق عليه بس انا كنت مانع نفسى عن كل وسائل الاعلام
بس كل العايز اقوله الله يحرئه مترح ما راح

و معاك يا ميجو فى كل اللى يتعدى على مصر بالجذمه و ممكن جذمه على

كل جزائرى

George USA

Unknown said...

ارجو ازاله علم جمهوريه الجزاريين الارهابية من البلوج بتاعك لانه مستفز للمشاعر الوطنيه المصريه

Migo Mishmish said...

عمو عصام
منور يا عمو وشكراً ليك وللمهندس الحسيني

جورج
ولا تتكسف من جاستين ولا حاجة قوله يا بني هذا ما جناه عبد الناصر. اما بالنسبة للأخوة الجزائرين فخسارة فيهم الجذم. هما اخرهم بيطلجوا ويغلسوا ويغلبوا في ماتش كورة

Medus
انت فهمت غلط. احنا حامينة علشان تمسح رجليها وهي داخلة البلكونة علشان مش عايزين وساخة في الارض.
لكن لاعاش ولا كان اللي يرفع علم تاني غير علم مصر

Love,
MishMish

Mafrousa said...

انا جيت اقول و انتم طيبين
ده على اساس انكم جيتو قلتولى كل سنة و انا طيبة
ههههههههههههههه
مرسي و انتم طيبين

م/ الحسيني لزومي said...

شاكر وممنون لتهنئتكم الرقيقه ونسأل الله ان يعيد هذه الايام بالخير علي ابناء الوطن جميعا وعلي العالم بأسره

Hassan El Helali said...

جاي أمسي واعيد عليكم يا مشمش وميجو
أخواتي في الإنسانيه والآدميه والوطنيه

karim said...

يسعدنى ان ازورك فى مدونتك التنوعة والجريئة, تحياتى سيدتى

Ninja said...

Brilliantly said..

صوت من مصر said...

عارف

المشكلة فعلا مش فى حكومه حكمت مصر زمان
المشكلة فى الحكومه الحالية
معلش اطلع بره مصر واسال وشوف بعينك
عارف معنى الذل فى الداخل
جرب بقى فى الخارج

John said...

Very unique blog.
Fantastic pictures. Wow...

I like your blog.

Please visit:
http://holidayinparadise.blogspot.com

Keep blogging.
Have a great time.

على باب الله said...

متهيألي أن البشر كلهم أخوات و أولاد عم ... و أخويا هو اللي يحبني و يعاملني كويس

الله يرحم زمان كان شعاره
" الدين المعاملة "

---

أما المحظورة أخوان فمش ها تتكلم في الموضوع طبعاً .. لأننا أحنا و الجزائر - في نظرهم - ولايات من دولة الخلافة

و الخلافة جاية من التخلف
ربنا يشفي

Anonymous said...

منجيات وموجبات عذاب القبر


*المنجيات:-
• بر الوالدين.
• الوضوء.
• الصلاة.
• ذكر الله تعالى.
• صوم رمضان.
• سرعة الغسل من الجنابة.
• الحج والعمرة .
• صلة الرحم.
• الأمر بالمعروف والنهى عن المنكر.
• حسن الخلق.
• الخوف من الله تعالى.
• الافراط (الأولاد الصغار).
• الرجاء فى الله تعالى.
• البكاء من خشية الله .
• حسن الظن بالله.
• الصلاة على رسول الله صلى الله عليه وسلم.
• الإكثار من قول لا إله إلا الله.


* الموجبات:
• النميمة (الذين يوقعون بين الناس).
• عدم الإستبراء من البول.
• الكذب.
• عدم العمل بالقرآن الكريم.
• الزنا.
• آكل أموال اليتامى.
• آكل الربا.
• المتثاقل عن الصلاة.
• مانع الزكاة.
• خطباء الفتنة (الذي يثيرون الفتن بأقوالهم).
• المغتابون.
• الخوض في أعراض الناس (وهي من عظائم المعاصي أجلكم الله منها).
• صاحب الشملة التي غلها (من يأخذ أموال المصلحة التي يعمل بها من سرقة المال وأكل حق العمال).
• الداعي الى البدعة.
• الرشوة.
• الخيانة (خيانة الناس وخيانة الله).
• المخادعة.
• المكر.
• مؤذي المسلمين.
• تتبع العورات.
• المعين على الإثم والعدوان.
• الملحد في الحرم (الذي يروع الآمنين في الحرم– يعكر صفو الأمنين).
• المقدم رأيه في السنة.
• النائحة والمستمعة اليها.
• بناء المساجد على القبور.
• المطففون (جمع بين الأمرين، الشح والبخل، الشح: في طلب الحق كاملاً بدون مراعاة أومسامحة، والبخل: بمنع ما يجب من إتمام الكيل والوزن - كل من طلب حقه كاملاً ممن هو عليه ومنع الحق الذي عليه).
• الهمازون اللمازون (التكلم عن شخص بما يكره في وجهه ومن خلف ظهره).
• الطاعنون في السلف.
• الذهاب الى العرافين والكهنة (من أتا عرافاً وصدقه بما قال فقد كفر بما أنزل على محمد).
• أعوان الظلم (إعانة الظالم على ظلمه للناس).
• عدم الحج مع القدرة عليه (ومن لم يستطع فلا حرج عليه بإذن الله عز وعلى).
• تأخير الصلاة إلى آخر وقتها.
• الإشتغال بعيوب الناس.
• من يرى شعرها أجنبي.
• إيذاء الجيران.
• إيذاء الزوج وتحميله فوق طاقته.
• قطع الطريق.
• الخوف من المخلوق دون الخالق.
• الفاحش بذيء اللسان.
• الفتوى بدون علم.
• تعذيب الحيوانات.
• من يعمل عمل قوم لوط.
• السرقة.
• المحلِل والمحلَل له.
• عدم نصرة المظلوم.
• الحكم بغير ما أنزل الله تعالى.
• المحتال على إسقاط الفرائض.

أعاذنا الله وأياكم من هذه المعاصي

Migo Mishmish said...

الاخ بتاع انصار السنه والسلف الصالح
متشكرين ياعم على الكلام الحلو ده ..بس عايز اعرف حاجه..انت عملت ايه منه؟
اكيد مش كله ..نصيحه لوجه الله بدل ماتلف على المدونات وتتعب نفسك ..حاول انك تبذل مجهود فى انك تنفذ الكلام ده ..لو نفذت منه 99 فى الميه حاول انك تكمل الجزء الى ناقص ..وسيب كل واحد فينا يتصرف زى ماهو عايز وكل واحد له عقل وتفكير ..مافتكرش انك وصى على الناس او انك الوحيد الى عندك دين او انك الوحيد المحتكر الحقيقه
بمعنى اصح
خليك فى حالك وبص لنفسك ومالكش دعوة بالناس
المدونه ترحب بك ..لكن مش حتاج منك انك تجيلى بيتى وتخبط عليا عشان تقولى كلمتين وعظ وإرشاد ..ده اسمه صفاقه ..حتى لو كان عندك حسن النيه
وفر كلامك لنفسك
مش عايزين لبن النهارده
مع تحيااااتى
ميجووووووو

Anonymous said...

عزيزتي مشمش
وحشاني يا جميلة
تصدقي بنتي لما شافت اللي جرى للمصريين وسمعت وشافت التليفزيون كانت مستغربة اوي تخيلي لما طفلة عندها 6 سنين تقولي هي مصر كانت عملت لهم اية دة احنا خسرنا امال لو كسبنا كان اية اللي حصل
طبعا فهمتها ان دول ناس بلطجية و ومعندهمش ادب واضطريت اقولها ان لبوليس جة اخدهم كلهم ع السجن عشان ما اضيعش مفهوم الحق والتحضر في تصرفاتها

تحياتي
ام البنات

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق