Friday, February 12, 2010

عيد الحب

الواحد مش عارف يقضيها ازاى فى الفالانتاين ؟ دا عيد الحب ياجماعه ..لازم نصحى الصبح نفطر حب.. نتغدى حب.. نتعشى حب لكن ماهو الحب ؟؟

الحب لكل الناس ..فلا احد يستطيع ان يعيش بدونه


ان تتحمل الحبيب مهما كان

اطفال الانابيب

حاله هيام وعشق بين الحبيب وحبيبه

الغرق فى الحب حتى اذنيك

هو ده الحب الحقيقى

وسكر حلوة الدنيا سكر لالالالالااااااااا

هابى ظالانتاين داى

تحياتى

سمير صبرى

قصدى ميجوووو

تحديث : اعتذر للساده زوار البلكونه عن هذا البوست واعدكم بعدم تكرار التجربه مرة اخرى ..لقد فكرت مع نفسي ووجدت انى متشائم اكثر من اللازم وانى عندما كتبت هذا البوست عن الحب كنت مثل غراب الشوم ..وخميرة العكننه الى بتفكر الناس بالامهم واوجاعهم فى وقت يحتاجون فيه الى بقعه ضوء او منفذ ينسون فيه همومهم ..لقد اصبحت مثل هادمى اللذات ومفرقى الجماعات الذين ينتظرون اى فرصه لجلد الذات او ينتظرون جنازة ويشبعون فيها لطما ..اعتذر بشده عن هذا البوست وكان اولى ان احاول ان ازيد مساحه بقعه الضوء ..ولكنى وضعت امامها جدار اسمنتى ..اعتذر لكل من قرأ هذا البوست ومنعته من ان يعيش حاله حب ولو وهميه... لكل من يحاول ان يوقد شمعه وانا داريت ضوءها ..لكل الذين يحتاجون الى الحب حتى فى خيالهم ..الحب الذى اصبحنا نفتقده بشده

واعدكم بعدم تكرار التجربه ولذا وجب الاعتذار

والاعتراف بالحق فضيحه ..قصدى فضيله

تحياتى : ميجوووووو

من امام مستودع الانابيب (ملحوظه :الى فيه داء مش بيبطله ) الف شكر

30 comments:

Anonymous said...

فاكر على راى اشرف انتى هتفضلو مقضينها حب حب حب

happy zalantayn too youuuuuuuuuu

George USA

Migo Mishmish said...

جو
هابى زلانتاين
حوب حوب حوب
اوعى وشك
ميجووووووو

Sahran said...

هابي فالنتتاين ميجو

روق علينا شوي , وخلي العالم تحتفل بالمناسبة من غير الأنابيب بتاعتك

ما بعرف كيف العالم بدهم يحتفلوا بالحب , وهو غارق بالمشاكل

على العموم خلي اللي يحب يشوف يومه , وبرجع وأقول لك

هابي فالنتاااااااااااااااين



تحيااااااااااااااااتي لك


ودمت سالماً

أحمد.خليل said...

أستاذى الفاضل فى الخارج يخترعون هذه الأعياد للترفيه عن أنفسهم ولاضرر من تقليدهم ولكن مع الحفاظ على هويتنا وشخصيتنا المستقله دون الإنسياق الكامل ورائهم مع ملاحظة عدم وجود أى تأثير إيجابى على سلوكياتنا نتيجة هذه الأعياد لعدم قناعة الناس بها ولك كل الحق فى السخريه منها مع تحياتى

Anonymous said...

هابى فالنتين ميجو ومشمش وساندى

لورا

Anonymous said...

سورى سورى هابى فالنتين لساندو

سورى يا ساندو غلطه كيبورد

لورا

mony said...

ان تتحمل الحبيب مهما كان
او تحمل الحبيب مهما كان
ههههههههههههها
هو انت بتحب انبوبه؟
ههههههههههههها
سورى يامشموشتى

صوت من مصر said...

ميجو عاوز اقولك
انى لقيت مدونه اهتم بما تكتب لانى رايت صوت من مصر اخر لديك
هابى فلانتين

Anonymous said...

انت رجل معندش اصل
بتسيب دينك يهان في مدونة الهلالي المسلم و بتروح تعلق عنده و عامل صاحبه

Migo Mishmish said...

سهران
انا متشكر انك نبهتنى
اظن التحديث والاعتذار كافى
مش هاعكنن على حد تانى
تحياتى
ميجووو

Migo Mishmish said...

استاذ احمد خليل
انا مخدتش الموضوع من وجهه النظر دى ..انه متماشي مع عاداتنا وتقاليدنا ولا لا
انا خدت الموضوع انه لا مكان للحب طالما ليس هناك خبز
متشكر على رايك والاختلاف فى الراى لايفسد للود قضيه
تحياااات ومنور البلكونه
ميجوووو

Migo Mishmish said...

لورا
هابى فالانتاين داى يالورا
ومافيش داعى للاسف ..اصلا ساندو اسمها ساندرا
تحياااتى
وعيد سعيد
ميجو مشمش ساندو

Migo Mishmish said...

مونى
لو سمحتى يامونى ماتعمليش وقيعه بينى وبين مشمش ..انبوبه ايه الى احبها ؟
انا عندى غاز طبيعى هاهاهاهاه
بايخه مش كدا
تحييياتى
ميجووو

Migo Mishmish said...

صوت من مصر
مفهمتش حاجه من التعليق بس فهمت شويه حاجات وعليك اختيار الاجابه الصحيحه
1- فيه حد منتحل اسمك وداخل بمدونه تانيه
2- قصدك انى اهتم باللى بكتبه على مدونتى وان مستوى الموضوعات مبقاش قد كدا 3- قصدك ان مدونتى لها وجهه نظر مختلفه
4- قصدك تهزأنى
5- قصدك تنبهنى عشان احافظ على مستوى البلكونه
6- جميع ماسبق
حيرتنى معاك ..وضح الاسلوب شويه
تحياااتى
ميجووو

Migo Mishmish said...

الاخ المجهول
ايا كنت.. صديقى ابن عمى اخى عمى خالى حبيبى ..مهما كانت صفتك
انا تقريبا عارف انت مين ..لكن احب اوضح لسيادتك انك خبطت على الباب الغلط
اولا : انت قلت : سايب دينك يتهان ..عمر دينى مايتهان ابدا لمجرد ان شخص سبه او نقده او انه شايف انه دين غلط ..انا مش حامى الحما ولا انا اثناسيوس الرسول عشان ارد عليه او ادافع عنه ..اى دين هذا الذى ينتظر اتباعه ان يدافعو عنه ..كدا انت بتهين الدين وبتختزله وبتقول ان ربنا ضعيف ومش قادر يدافع عنه ..ماعندك ربنا سايب ناس كتييير مش مؤمنه بيه وهو سامح بكدا مع انه ممكن يدافع عن نفسه ..بس هو سايبهم عشان ارادتهم الحرة وسايبهم عشان ليهم عقل وسايبهم لانه خلق الانسان حر ..ومفتكرش انى هاعدل على ربنا ..وابقى ملكى اكثر من الملك ..كل واحد حر ويقول رايه زى ماهو عايز بس اهم حاجه انه يتحمل مئوليه رايه او افعاله ..انا مش ربنا عشان ادخل قلوب البشر واحاكمهم على نياتهم وعلى افكارهم
ثانيا : انت قلت : فى مدونه هلالى المسلم
انت ايش عرفك ان هلالى مسلم ؟ وليه بتتكلم بالنبرة ديه ؟ انت جاى تهدى النفوس ؟ اسلوبك بيدل على انك شخص متعصب لا تقبل الاخر والدليل على ذلك انك قلت المسلم ..انا معرفش الهلالى مسلم ولا مسيحى ولا حتى ايه ..انا اعرف انه انسان وبس وماليش دعوة هو دينه ايه ؟
ثالثا : وبتروح تعلق عنده وعامل مسلم
انا من حقى اروح اى مكان واعلق عنده ومش معنى ده انى معتنق افكاره .. لو عندى فكر مضاد ليه او راى مختلف عنه بقوله ولو معنديش بسكت ..الفكر يقابله فكر
والراى يقابله راى اخر
ولو مشيت ده مش هانتعامل مع المسلمين ولا المسلمين هايتعاملو مع المسيحيين ولا اليهود هايتعاملو مع حد ولا البوذيين برضه ولا ولا ولا ...وبتتهمنى انى عامل صاحبه ..اولا انا معرفش حسن شخصيا وبتعامل معاه على انه شخصيه افتراضيه واى مدون مثله..برضه ..انا مش منافق زيك وبستخبى ورا شخص مجهول ولو عايز اقول راييى بصراحه ماحدش هايمنعنى ..انا بكتب الى مقتنع بيه بس ومش عندى شيزوفرينيا والى مؤمن بيه فى الحياه مؤمن بيه برضه فى البلكونه ..ومش بستخبى ورا شخصيه مجهوله
حسن شخص قد اختلف معه فى الراى ولكن لن اسفه من فكره ..على الاقل هو يحمل فكر قد يكون صواب وقد يكون خطأ
انصحك عزيزى المجهول ..واعتقد انك ستظل مجهول الى الابد ان تذهب الى مدونات اخرى او اماكن اخرى مغلقه وسريه تضم الالاف من المجهولين الذين ينتمون الى حزب انصر دينك وسب الاخر ودافع عن اله قوى تتهمه بانه لا يستطيع الدفاع عن نفسه
قوم يامجهول انصر دينك قوم يامجهول
انصر دينك ياستاذ نفييييييسه
تحيااااتى
ميجووووو

Migo Mishmish said...

الى المجهول برضه
معلش نسيت ياسيدى اشكرك انك قلت انت معندكش اصل
متشكر ياسيدى ..وعلى فكرة انا عندى اصل جدا ومعروف انا مين ..الدور والباقى على المجهول النسب والى معندهوش اصل ومعندوش فكرة رايح فين وجاى منين ..عشان كدا بيحاول ينتمى الى اى حزب او اى قبيله او اى نادى ..عشان كدا تلاقيه بيدور على انتماء وهمى لدين او الاهلى او او اوا
تحياتى
ميجووووو

Hassan El Helali said...

ميجو الحبيب (بالمناسبه يعني!) ه

كل سنه وانت طيب وواد حبيب
إنت ومشموشه وساندو كمان
وتفضلوا ٣ أرواح في زكيبه علي طول
وأشكرك علي ردك علي العرعور الخرنج المجهول
سيبك منه وخليك في الأنبوبه لا تبات من غير عشا
والحمد لله علي نعمة الغاز الطبيعي

Anonymous said...

خبايبى ميجو و مشمش
عيد حب سعيد عليكم و انا باهنى نفسى بالعيد ده لانى فعلا عندى حبايب زيكم
و بالنسبه للاخ الحمار اللى شتم ميجو فى اصله يا ريت نعرف هو مين اصلا و مش راضى يعرفنا بنفسه ليه و هل يا ترى فيه حاجه تعر فيه او فى اصله مخلياه ينكر نفسه او مايعرفناش هو مين
و من جهه تانيه انا لا اعتقد ان ميجو ممكن يخسر حسن الهلالى بسبب تلك الوقيعه الهابله الساذجه من شخص اهبل زى المجهول ده
اخيرا اخوكم المخلص دائما
اللى معروف هو مين
المبالغ فيه
ملحوظه : الشخص المجهول هاقطع رجلك من المدونه دى زى ما قطعت رجل احساس لسه حى. تحياتى

عمو عصام said...

عزيزى ميجو...رغم كل ماذكرته ساخرا بأسلوبك الضاحك الباكى فعيد الحب هو مناسبه نحاول فيها أن نتذكر أننا لسنا وحدنا فى الدنيا وأن هناك من يهتم بنا وأظننى فى زيارتى لكم ليلة العيد إستمتعت بهذا الإحساس مع أسرتك الصغيره الجمبله..كل سنه وإنت طيب يابنى إنت والرائعه مشمش والبنبونه ساندو

آمال said...

أكيد الخرنج المجهول هو الخدامه بتاعة زمان
أنا عارفه أسلوبه الخايب

Migo Mishmish said...

صديقى المبالغ فيه
يسلم اللى نفضك ياسطى زيزوووووووو
هابى زالانتاين ياصديقى ..اتمنى انك تجد الحب الذى تبحث عنه وتجد من تقدر حبك المبالغ فيه
ميجو مشمش ساندو

Migo Mishmish said...

عمو عصام
منور البكونه
اعتقد ان اختزال الحب فى يوم واحد فقط هو خطأ ..الحب موجود فى كل وقت ..لست وحدك الذى شعرت بذلك الاحساس الرائع بان احد يهتم بك او يفكر فيك ..انا ومشمش امضينا معك امسيه رائعه وشعرنا بنفس الاحساس ..وهو ان تحس انك مسئولا من احد او ان لك اب روحى يقف بجانبك و يشعرك ان لك ظهر تستند عليه ..ينصحك ..وتستامنه على اسرارك..ويكون كالمرأه التى تكشف لك حقيقتك
عمو عصااام ..اشكرك على زيارتك واهتمامك بنا
الحب احساس جميل ...لكن البسكوت بالعجوة الذ الذ الذ الذ
تحيااااتى
وننتظر زيارتك القادمه
ميجومشمشساندو

Migo Mishmish said...

الاستاذه امال
منورة البلكونه
مش مهم مين الاخ ده
خدام او خدامه مش مشكله ..انا كنت هارد عليه كدا كدا بنفس الطريقه ..مسيحى مسلم يهودى بوذى ملحد ايا كانت ديانته ..انا بتكلم على مبدأ واحد ..وافتكر انى رديت عليه بشكل مناسب
ملحزظه : مش معنى انى رديت عليه انى متفق مع الى بيهين المسيحيه ..بس انا ليا وجهه نظر ان الله لا يحتاج الى الدفاع عنه ..فهو قادر ان ياخذ حقه بنفسه ولا ينتظر انسان ضعيف ياتى له بحقه
تحيااااتى
ميجوووووو

Hassan El Helali said...

يا ميجو

اللي بيفهم وبيحس وبيقدر حا يعرف إن ما حدش أهان لااليهودية ولا المسيحية ولا الإسلام في مدونتي... اكيد انت عارف إن كل همي التصدي للتجار اللي عمالين يعبوا جيوبهم من استغلال الناس الطيبين واللي بيملوا دماغات الناس باخزعبلات وبالكراهية للآخرين لمجرد انهم بيعبدوا ربهم بطريقه مختلفه
مره تانيه باتمني لك هابي بريانتين

فرعون said...

كل فالانتين وانت فالانتينو ياميجو

صوت من مصر said...

ميجو ببساطه
اقصد انى لقيت حد عارف هو بيعمل ايه
حد بيتكلم وليه صوت
وانا كمان ليا صوت
اعجبنى جدا الموضوع
ومدونتك اكثر من رائعه

Migo Mishmish said...

صوت من مصر
متشكر جدا على ذوقك
انا كنت عارف بس بهزر معاك شويه
بس خلى بالك فيه اصوات من مصر كتييييير ويارب يكترو
بس الى حاسس بيه ان فيه اصوات كتيرة من شبه الجزيرة بقت ماليه مصر
تحيااااتى
من واحد مصرى زيك

Migo Mishmish said...

فرعون
وانت فالانتينو ياباشا ..كان زمان بقى الفالانتينو ..انما دلوقتى خلاص اتكبس على مراوحنا من بعد الجواز ..
مابلاش بقى اسم فرعون ده ..بيفكرنى بناس وحشه
تحيااااتى
منور البلكونه
ميجومشمش ساندو

Anonymous said...

الاخ حسن الهلالى
على الرغم من انى عارف انك متفتح و تقدمى الا انى اقدر اقولك انك قبل كده اهنت المسيحيه و ليس سلوك المسيحيين
و ده لما قلت ان المسيحيين الغربيين تقدموا لما تركوا الكتاب المقدس اللى ذكر فيه ان عمر الكون 4000 سنه
وده بدون ان تذكر الدراسه اللى قالت كده او الشاهد من الكتاب المقدس اللى بيدلل على كلامك
و انا باقول كده بدافع التصحيح مش بدافع التعصب و اظن ان ميجو و مشمش عارفين انى مش من المتعرعرين

شخص مبالغ فيه

Kontiki said...

البوست حلو يفوقك شوية من غيبوبة احلام والام 14 فبراير عندما تتذكر من تحب و تتذكر اوجاع الوطن
الاجمل ردك على المجهول عشان انا تقريبا جالى تعليق معناة انى معنديش غيرة على دينى ولا بنات جنسى عشان بزور مدونة الهلالى اللى حاطط صور مش عارف اية
المهم هابى فالنتين
واسمحلى استعين ببعض اجزاء من ردك على المجهول فى تدوينتى القادمة مع الاشارة لك
تحيتى
:)

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق