Monday, March 28, 2011

توييته


من وحي الترقيعات الدستوريه - المادة 75 الخاصه بإختيار الرئيس

دائماً ما يُتهم المهاجرين المصريين بأنهم عملاء وخونه ويستقوون بالخارج مع انهم اكثر الناس عشقاً لمصر

لانهم عرفوا قيمتها عند البعد عنها

كما انهم في مجملهم لا يقلون ان لم يتفوقوا على المصريين المقييمن في مصر ثقافةً وعلماً وتنويراً

لكن للاسف النظام لا يتحمس لأفكارهم ... بل يتحمس لافكار القادمين من الخليج فقط

القادمون اللذين ... أُخذ منهم العلم والحلم والفيلم .... ورجعوا بالزبيبه

ميجوووووووووووووووو

9 comments:

Ms Venus said...

انهم في مجملهم لا يقلون ان لم يتفوقوا على المصريين المقييمن في مصر ثقافةً وعلماً وتنويراً
لكن للاسف النظام لا يتحمس لأفكارهم ... بل يتحمس لافكار القادمين من الخليج فقط
القادمون اللذين ... أُخذ منهم العلم والحلم والفيلم .... ورجعوا بالزبيبه

والتخلف والارهاب و و و

Andrew said...

واحد بيفكر يسيب مصر سأل أروح على فين
صاحبه رد عليه: لو عايز فلوس وخلاص وبعدين ترجع مصر اتكل على الله على الخليج
لو عايز بقى عيشة تاني فيها فن وعلم وحياه احسن ليك ولأولادك اتجه غربا
بس

الميكروباص said...

ومن امتى كان النظام في مصر يقف في صف "ابو زبيبه"؟
بالعكس
ابو زبيبه كان باستمرار طرف غير مرغوب فيه داخل مصر

Ehab said...

احلى حاجه في التدوين انك تكتب براحتك في مدونتك ويجي واحد زيي معدي يخش يقول رأيه من غير ما حد يقوله لأ

التدوينه دمها خفيف وضحكتني جملة ورجعوا بالزبيبه وانا فاهم انك تقصد انهم بيرجعوا بظاهر الدين ومظاهره مش بجوهره ولا حاجه

لكن انا اعتراضي على نقطة عدم الثقه في القادمين من الخارج المغتربين يعني
الحكايه حكاية تفاضل بين شخصين واحد قعد في البلد دي واتحمل والتاني هرب لبلد اكثر رخاء
واحد اشتغل في البلد دي حتى لو مجهوده بيضيع بس اسمه مجهوده لبلده اللي بيقرر يبيع جهده لبلد تانيه او يتعلم في بلد تانيه مش غلطان ولا خاين بس هو اخد قرار ان البلد دي مش هتديله اللي هو عايزه لنفسه ولمستقبله يبقى مش مفروض انه ينتظر منها انه لما يقرر يرجع تاخده بالحضن ونديله السلطانيه ونقوله تاج الجزيره تعالى احكم
ممكن يشارك في التطوير ممكن يقدم مجهوده لبلده بس ميطلبش التتويج
ميطلبش القياده ولو عنده خبرات يقدمها مش يتاجر علينا بيها

انا عارف ان عمليا الناس دي منهم اللي بيكون علمه او خبرته او كفائته اعلى كتير من ناس هنا بس في نفس الوقت في ناس كتير هنا لو عندهم فرصه بيعملوا حاجات كويسه

عرفت بقى ليه مينفعش يتعامل اللي عايش هنا زي اللي عايش بره مش علشان بنخونه ولا بنقلل من قيمته لا احنا بس بنكرم اللي شقيان هنا من البدايه

تحياتي

سلاااااااااااااااااااام

Migo Mishmish said...

Ms. Venus
لا ومش كدة وبس لا اتجاه البلد كله نحو دول الجاز وبقينا بنقلد السعوديه وتركنا الزعامه لقطر

Andrew
عندك حق

لورنس
يا راجل...الحكومة كانت بتعمل كدة علشان العين بس وبرضه علشان يبقى في حد تحط عليه ساعه اللزوم
طب انا مش هاقولك غير بس موضوع رفض قرارات الجامعه بمنع دخول المنقبات الامتحانات
بس يا سيدي في كليتنا .. كليه العلوم جامعه القاهرة البنات قبل الامتحانات كانوا بيتنقبوا ليه لانهم بيبقوا حاطين سماعه الموبيل في ودانهم والموبيل مخبينه طبعاً في السواد اللي هما لابسينه وطول اللجنه غش وطبعاً المنقبه مصمته مش باين لها وش ولا ملامح ولا حد عارف الصوت خارج منين. وانا والمحجبات العاديات يتم التأكد من اننا معناش موبيلات واحنا داخلين اللجنه وهل احنا اللي صورنا في الكارنيه ولا لا
لا ولما شيخ الازهر او المفتي مش فاكرة قال ان النقاب عادة مش عبادة قامت الدنيا ولسه مقعدتش

الشنكوتي الكبير
يا سيدي انا وزوجي العزيز علمانين: شايفين ان علاقه اي بني ادم بربه علاقه ماتخصش حد
وشايفين ككمان ان اللي حبوا يرحيوا دماغهم من منظومة الاديان كلها برضه هما حرين ولهما منا كل الاحترام والتقدير
طبعاً نقصد التدين الشكلي وغزل حكومتنا للتيارات الرجعيه على حساب التقدم والتطور.
اصلك لما تشوف حال التعليم اللي خرب ولا مكانه البلد اللي رجعت ورا ولا البحث العلمي ولا ولا صعب وهايخلي الناس تصحى وتركز
لكن لما نقضي ساعات طويله في قضايا الحجاب والنقاب والرسوم في الدنيمارك ومش عارفه ايه فين اسهل كتير من اننا يبقى عندنا قضيه
ثم اللي سافر من مصر خصوصاً في التلاتين سنه اللي فاتت مكانش مسافر من سويسرا البلد حالها كان يقرف ماتلومش حد انه مقدرش يستحمل
Love,
MishMish

Anonymous said...

كدة برضو يا ميجو
بس احنا ماطلعلناش زبيب لسة
ههههههههههههههههه
ام البنات

Migo Mishmish said...

ام البنات
ممكن ترجعولنا بربع زبيب ..احنا ايش عرفنابقى ..وبعدين المشكله مش فيكو انتو ..انتو مصريين جدا لذلك شخصياتكم مش هاتتاثر ..انما المشكله فى اللى عندهم استعداد يبيعوا مصريتهم مقابل الريال او الدينار او اواوا
تحياتى للبنات

Anonymous said...

أيوة انت مش مصرى و عميل و خاين ،،
ليك شوق فى حاجة تانية ؟؟

Migo Mishmish said...

Anonymous
تصدق كتبتلك تعليق وبعدين استخسرته فيك .... انا هاخلي تعليقك علشان الناس تشوفه
وتعرف ان الموضوع بجد ... محدش كبير على الهبل ابداً ... يعني مع انك بتعرف تفتح الكمبيوتر وتخش عالنت الا انك عيان في دماغك
ربنا ما يشفيك من الهبل ابداً
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق