الورقه ديه لاقيتها بتتوزع عندنا في الشارع اول امبارح
موقعه من واحد اسمه مصري وبيحب كل المصريين
هاهاها معرفتكش انا كدة
الجماعة بتلعب في عقلنا الباطن
لا وايه الكلام دلوقتي عن إبطال الصوت ... لو مش عجبك مرسي إنزل ابطل صوتك علشانالانتخابات ماتتزورش
طب انت هنتتخب مين يا عم ... انا هانتخب مرسي مرشح الثورة
يا رااااااااااااااجل
ده اللي اختشوا ماتوا يا جدعان ... ده ميكافيللي بالنسبه لكم عنده مبادئ
طيب بما اننا اتزقنا في نفس المزنق القديم ولو الحال متغيرش
صوتي لشفيق
على الاقل ده هنعرف نتكلم معاه
مش يلبس البلد كلها في الحيط وبعدين نلاقي ام ايمن تطلع تقولنا اصل الدكتور محسود .... مش هايبقاله ماسكه
هات يا عم انتخابات الاعادة انا آسفه يا ثورة مش بايدي والله
شفيق يا عم الحج رئيساً لمصر وامرنا لله
MishMish
10 comments:
طيب انا اعلنتها للجميع من قبل الانتخابات اني سأنتخب شفيق
لكن ده كلفني كتير جدا وصرت خارج عن المله في نظر البعض
وفي عرف الشيخ القرضاوي والشيخ وجدي غنيم فأنا فاسق
وفي عف الشيخ المحلاوي فأنا آثم
وفي عرف بعض اصدقائي الذين هجروني حاليا فأنا مجنون ودماغي ضاربه
مع اني ملتحي وحافظ نصف القرآن
وربما لو شاهد احد تعليقي هنا لقال عليا منافق لأني بجامل المسيحيين مع ان كلامي لا علاقه له بالمجامله وموقفي ثابت من شهور
بس هي الدنيا بقت كده
احنا عالم تعبانه يا مدام
ادعي ربنا يشفينا لأن الحاله متأخره
عندما يصوت الثوار لشفيق .. فاعلم انها النهايةو على مصر السلام
أنا أسف أنك هتنتخبي شفيق
في ناس كتير أعرفهم هينتخبوه عن عدم معرفه أو خوف .
ولكن حضرتك ليه هتعملي كده ؟
شفيق مش أفضل من مرسي , الأثنين قوي ظلاميه ظالمه ضد الإنسانيه
خساره
(إميل فتح الله)
مدونة المنطق
لورنس صديقي
انا حاولت اكلمك امبارح مرتين نمرتي اللي اخرها 11 علشان اطمن عليك
والله حسيت من اخر بوست كتبته انك هاتعتزل الحياة كلها مش السياسيه فقط
بص انا كنت لغايه اول امبارح ثوريه بس لما لاقيت الموضوع قلب هبل وكل اتنين تلاته مش عاجبهم حاجة نازلين التحرير يبقى شكراً
انا آسفه يا ثورة
صوتي لاحمد شفيق وامري لله
MishMish
Marvel
&
اميل عبد الله
ما هي المشكله ان مرسي وراه قطيع غنم مالوش دعوة باللي بيحصل هاينزلوا الانتخابات
انا كنت هابطل صوتي وكنت بدعو الجميع يعملوا كدة بس لاقيت الاخوان دلوقتي شغالين في المواصلات وفي الشوارع ياما بيخلوا الناس تصوت لمرسي على انه مرشح الثورة او تبطل صوتها وهما طبعاً هايرشحوا مرسي
افتكروا انتخابات مجلس الشورى محدش نزلها ومحدش عارف المجلس ده ايه لازمته وخدوة برضه
اقوم انا اعمل ثوريه وفي ناس تانيه معندهاش اي قدر من الضمير الانساني العادي
لا طبعاً
صوتي لاحمد شفيق وانا كارهه نفسي
صوتي لاحمد شفيق علشان ابقى معارضه مش كافرة
صوتي لاحمد شفيق بسبب جشع الاخوان
MishMish
ياعيني ياعيني ياعيني عالبلد
الزرع جف
والضرع جف
والأرض بتقول غيثوني
أنا جزائري أحب مصر و هي غالية كثير علي، أنا شايف أن حيل المجلس العسكري انطلت على الشعب المصري في إعادة النظام السابق بأغطية أخرى و هذا ألي أنا خايف منه ، اللهم أنصر الثورة و الثوار ، اللهم أرحم الشهداء الأبرار..... آمين
ازيك يا مدام
يااااه- صحيح انا واد مش كويس- بس بردو انا معذور- بنزل من البيت وبترك المحمول الخاص بي في البيت ومش بيكون معايا إلا المحمول الخاص بالعمل- وتليفوني التاني بتركه في السرير إلى أن أعود في المساء
وعرفت الرقم لكن متأخر
على كل حال كلنا في النفق المظلم
خلاص- كله دخل المطحنه
ولأول مرة أكتب بوست مش من قلبي
بس الواحد مش لائي حاجه يقولها
نسيت اقول صباح الفل
حفظ الله مصر الجميلة من كل شر ...عندما ثارت مصر من سنة وعدة أشهر قلت في نفسي :هؤلاء هم المصريين الحقيقين لكن ما حدث بعد ذلك حيرني (وبرجل دماغي )ألا تقدر كل هذه الحشود المليونية على القضاء على المتنفعين من دمائها وأرواحها - وهم بضعة آلاف - أدعو الله لكم ولكل المستضعفين بالثبات والنصر !
Post a Comment