Monday, September 1, 2008

مجرد سؤال

اكرم في تعليقه على البوست فات طرح السؤال ده


يا ترى لو عشر حرايق مش حريق واحد ولعوا ف اماكن تجمعات اعضاء الحكومه وهما فيها ده هيغير ايه ف واقعنا وواقع البلد؟؟؟؟
تحـــديـث
appy said...

مش هيغير كتير عارفه ليه علشان الشعب زى ما هو اسكتى خلينى ساكته انا خلاص من كتر اللى بشوفه مبقتش عارفه اجمع الكلام كل سنه وانتم طيبين

مش حيغير اي حاجه خالص و لا كأن اي حاجه حصلت : (
زي مفيد فوزي اللي لسه طالع مع دينا رامز و بتسأله انت سافرت و قابلت ممدوح اسماعيل و الرأي العام كان متضايق من اللي انت عملته قالها ممدوح اسماعيل طلع براءه قالتله يعني انتي ماتأثرتش بدموع اهالي الضحايا قالها انا ماتعودتش اني اتأثر برأي العوام وصدقيني و لا مليون حريقه حتعمل حاجه :(

سعر طفاية الحريق ها يولع
( أنتبهت دلوقتي لسخرية التعليق )
/: )

البلد كانت بتولع و ناس كتير عادي علي قلبها مرواح يبقي زيه الي حيتغير فعلا غير إن سعر طفاية الحريق حيولع زي ما قال علي باب الله كل سنة و أنتي طيبة رمضان كريم
تعليقاتكم على البوست ده واللي قبله بينت ان الفكر العام واحد هو لو ان الحكومة اتغيرت او اتحرقت او حتى اتغيرت الرئاسه سيبقى الامر على ما هو عليه. وديه حاجة تحزن
بس انا ميتهيأليش ان السبب في الحاله ديه هو الفساد وحدة ولكن كمان السبب هو عدم وجود نظام للإدارة
System
يعني. طبعاً لو كل واحد فيكم راجع نفسه هيلاقي كم موقف هو اتحط فيه كان سببه عدم وجود نظام او تخطيط وان الحاجة بتاخدها الحكومة بالكيلو مش بمعاير او بمقايس. افتكر لما روحت مع اخويا نرخص العربيه من مرور البساتين وعلى فكرة مبني المرور لسه جديد وفي مكان كويس وواسع الحمدلله وبعد ماوقفنا في طابور طويللللللللللللللللللللللل وبعد ما مدام حنان - اسخف واحدة واكثر واحدة ممكن تطلب منك رشوة بطريقة فجه حتى لو مكنتش هتعملك حاجة - تلففك على كل شباك شوية علشان تنفع صحابها برضه. تقولك ادفع المخلفات في مرور المعادي. ليه يا ست في مرور المعادي تقولك اصل هنا مفيش نيابه؟؟؟؟؟؟؟؟؟؟؟؟؟؟؟؟؟؟؟؟؟
يعني المبني جديد ومبني على بابه جامع كبيرررررررررررررررررررررر- معرفش ايه لازمة جامع بالكبر ده في منشأة حكومية - وفيه مكان لكل حاجة ومحدش وهو بيقسم المكاتب والاوض افتكر يعمل مكان للنيابه. او المشكله لو مكنتش مشكله اماكن تبقى مشكله الداخليه انها مخصصتش حد من النيابه لمرور البساتين كأن مبني المرور اتبنى فجأة وعملوا سابريس بارتي علشان يفتتحوه
حاجة بسيطة زي كدة ممكن تدي مخلص عام عن طريقه الادارة في البلد: مفيش تنسيق، مفيش رقابه - الرشاوي اللي دفعناها كانت اكتر من فلوس التجديد والغرامات -، مفيش اي حاجة تدل على ان العالم ديه بتستخدم طرق منطيقه لتخزين المستندات - مش هاجيب سيرة الكمبيوتر علشان محدش يقولي رحم الله امرء عرف قدر نفسه. نظرة واحدة لارضيه مكاتب السادة الموظفين وانت تلاقي ملفات بالكوم على الارض الورق خارج منها ومبعتر على بعضه وطبعاً الورقه اللي بتضيع من ملف حضرتك مش ممكن حد يدور عليها او يلاقيها فهينتهي الحال بحضرتك بطلع بدل فاقد ولازم برضه تعدي على مدام حنان - وقيس على كدة حاجات كتير تانيه. يوم واحد في وحدة مرور البساتين ممكن تديك صورة عامة عن اللي بيحصل في مصر من فساد واهمال وتدين زائف و....و...و
بس للامانه رئيس الوحدة او اللواء - انا مبعرفش قوي في الرتب بتاعه البوليس - كان رجل ذوق ومتعاون جداً. لما دخله اخويا يطلب منه ورقه بإمضاءه انه هو اللي يعمل كل إجراءات الترخيص لاني تعبانه ومش هاقدر اقف في الطابورعمله ورقة بكدة بمنتهى السهولة. وديه كانت الحسنه الوحيدة في مرور البساتين - وطبعاً حتى الورقة ديه معجبتش مدام حنان غير لما شافت بطني ومكنتش مقتنعه برضه اني حامل في السابع فراح اخويا اداها اللي فيه النصيب وانا وريتها صورة السونار
مش عارفه ايه اللي المفروض يتعمل بس ما ينفعش يبقى الحال على ما هو عليه ابداً
Love,
MisMish

10 comments:

الله...الوطن...أما نشوف said...

كل سنة وانتي يتدوني...ربنا يحلي
أيامك...بتنوريني لما بتفتكريني...رمضان كريم والله أكرم وأجمل وأحن...

appy said...

مش هيغير كتير عارفه ليه علشان الشعب زى ما هو اسكتى خلينى ساكته انا خلاص من كتر اللى بشوفه مبقتش عارفه اجمع الكلام
كل سنه وانتم طيبين

اجندا حمرا said...

مش حيغير اي حاجه خالص و لا كأن اي حاجه حصلت
:(

زي مفيد فوزي اللي لسه طالع مع دينا رامز و بتسأله انت سافرت و قابلت ممدوح اسماعيل و الرأي العام كان متضايق من اللي انت عملته قالها ممدوح اسماعيل طلع براءه
قالتله يعني انتي ماتأثرتش بدموع اهالي الضحايا
قالها انا ماتعودتش اني اتأثر برأي العوام
وصدقيني و لا مليون حريقه حتعمل حاجه
:(

MEDUS said...

اول مرور لبلكونتك الجميلة وقررت اشرب شاى واضيفك فى مفضلتى
كل عام وانتم بخير بمناسبة رمضان
تحياتى

Migo Mishmish said...

كل سنه وكل الناس طيبين
الله... الوطن
طبعاً عندك فكرة اني متابعه دايمة ودايماً بفتح مدونتك قبل ما اخش البلكونة. ومش كدة وبس دانا بعملك اعلانات عند كل الناس اللي انا اعرفهم

Medus
اهلاً بيك في بلكونتنا انا (مشمش) وميجو زوجي العزيز
احنا كمان اقباط (مسيحيين)وبنرحب بوجودك معانا
وكل سنه وانت طيب
Love,
MishMish

على باب الله said...

سعر طفاية الحريق ها يولع

( أنتبهت دلوقتي لسخرية التعليق )

/: )

اجندا حمرا said...

حبيت بس ياجميل احييكي علي الصوره الجديده
اختيار موفق
:)

Migo Mishmish said...

مرسي يا اجندة على زوقك
Love,
MishMish

عاليا حليم said...

البلد كانت بتولع و ناس كتير عادي علي قلبها مرواح يبقي زيه الي حيتغير فعلا غير زن سعر طفاية الحريق حيولع زي ما قال علي باب الله

كل سنة و أنتي طيبة رمضان كريم

عاليا حليم said...

لكل أحبائي المدونين أرجوا زيارتي للتعرف علي تفاصيل أفطار جماعي

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق