Monday, September 8, 2008

صورة....صورة

صورة.....صورة2008 - مع الاعتذار للأغنية

صورة.....صورة....صورة

في شارعنا ضاربة ماسورة

صورة للشعب الغلبان...الترسو مش المقصورة

يا زمان صورنا....صورنا يا زمان

الناس ليه في حالة توهان

والاسعار بقى حالها جنان

واللي يعارض في اللومان....واللي يعارض في اللومان

ولا عمره يبان في الصورة

ميجووووووووووووو

17 comments:

محمد الكومي said...

الصورة طين و الاصل اطين

appy said...

اه لو شفتوا علي الحقيقه مش الصوره

MEDUS said...

اولا كيف الحال؟؟
وبعدين شكرا على هذة الكلمات التى تعبر عن مدى تدهور الحال فى مصر من مصر اللى كانت فى بداية ثورة صناعية بجد الى مصر العشوائيات والتسول
تحياتى

اجندا حمرا said...

الحاله بقت جيم فعلا و ماتسرش و الجدع هو اللي يعرف يلاقيله مخرج

Heart Beat said...

صحيح هي الصورة الايام دي فقط للي مش بيعارض هم اصحاب الحق في الظهور في الصور ايا كانت طبيعتها

لكل منهم برواز خاص بحسب تركيبة اعماله

اما اللي برا الصورة فهم الغلابة لانهم مش مكفين يكونوا في صورة واحدة و لا عدة صور او البومات كبيرة لكثرة عددهم

حلوة الكلمات جدا و تعبريها جميل

تحياتي

Desert cat said...

اللى فى الصورة ريحتهم طلعت لان وسائل الانقاذ بدائية

Anonymous said...

My manager she is american and she read about eldwaka in yahoo news

She ask me what hapend

where's the ambulance?
where's the fire departemend?
where's this plase it's a nice plase?
where's Egyption FBI?
where's your presdint?


Do you have answer ya Magamego?

George USA

Anonymous said...

الحقيقه انا متابع المدونه بتاعتكم من بدرى ..مدونه لطيفه ودمها خفيف ..بس انا ليا طلب صغير ..الاستاذه مشمش دايما عصبيه فى كتاباتها ..انا بحب الاشعار بتاعه ميجو لاتها فيها بساطه وعمق ..انما كتاباتك يامشمش فيها سطحيه وسذاجه بتفكرنى بمسلسلات chanel 4ارجو ان تتوقفى عن الكتابه نهائيا وترك المدونه لميجو العظيم الذى سيدخل التاريخ بافكاره الهائله والعظيمه بينما افكارك سوف تلقى فى مزبله التاريخ
عاشق افكار الاستاذ ميجو

Anonymous said...

حلوة الاغنيه دى ياميجو ..بس تصور الاغنيه دى هاتكون ازاى سنه 2018 لان احنا اصلا هانكون عايشين فى مواسير ..لان اللى بيحكمونا هما هما

تحياتى ليك ولمشمش
هايدى

Migo Mishmish said...

الى عاشق الاستاذ ميجو
مفيش غدا النهاردة يا حبيبي وممنوع من نزول القهوة بكرة حتى لو جه عمو نادي وزخاروف لغايه البيت يتحايلوا عليا علشان تنزل. هتوضب الشقه وتنزل معايا نشتري حاجات النونو وهيتخصم من مصروفك 40% لانه من الواضح انه كبير قوي ومخليك مش مركز في انك ازاي تحاول تكفي مصاريفك منه من غير ما تضطر تتعلم لوغاريتمات
Love,
MishMish

Migo Mishmish said...

اهلاً يا هايدي
نورتي البلكونة. بصي موضوع سنه 2018 ماقدرش اقول عنه حاجة. لسبب واحد بسيط هو ان البلد ممكن يكون اتحجز عليها او اتباعت في مزاد علني قبل كدة بكتير. مقدرش اوعدك بموضوع المواسير علشان اسعار الحديد بس يتيهألي ممكن نعيش في كراتين. ارخص ولسه محدش احتكرها
Love,
MishMish

Migo Mishmish said...

كومى باشا: منور ورمضان كريم
مش هاعلق عليك كتير ومش هاقولك غير : شفت الهنا الى احنا فيه؟

ابى
الحقيقه مش عارف اقولك ايه الحقيقه صعبه جدا لكن لازم نفتح الجرح وندوس عليه عشان يصفى انما لو سبناه كدا هايعفن

ميدوس
منور البلكونه ياباشا ومعلش بقى البلكونه معفرة شويه ومليانه تراب من الى حصل فى الدويقه احنا بنحاول ننفض عشان الناس تعرف تقعد معانا

اجندا
الحاله بقت جيم وسين وشين وكل الحروف الابجديه لكن يا اجندا فين المخرج الى بتدورى عليه؟ السفر يعنى هو الحل؟
ولا قصدك مخرج سيما ؟ ماهو خلاص يوسف شاهين مات الله يرحمه ..فالحين بس يقولو ان خالد يوسف بيشوه صورة مصر فى افلامه
هارت بيت
منورة البلكونه
الصورة اليومين دول لامثال سعد اللصغير ودينا وفيفى عبده ولعيبه الكورة وممتاز القط وسمير رجب وابراهيم نافع وزغلول الفشار ويوسف البدرى والشيخ سيد بتاع تفسير الاحلام وصفوت الشريف وفتحى سرور واحمد عز هى دى الصورة الحاليه

قطه
فعلا الى تحت الانقاض والى فوق الانقاض برضه ريحتهم عفنت اوى الى فوق مايفرقوش عن اللى تحت كتير

الاستاذ جورج
منور البلكونه لاول مرة وياريت تشارك معانا علطول ..بالنسبه بقى للمديرة بتاعتك لما تسالك ابقى حط وشك فى الارض وقولها : هى دى مصر ياعبله ..وبعدين انا ايه الى خلانى اسيب مصر واقعد هنا ؟ ماتخليكى ذكيه

الاستاذ مش معروف

شكرا على كلامك اللطيف فعلا ..لكن احب اقولك حاجه صغيرة : مشمش مش مجرد واحده بتكتب معايا فى البلكونه ..مشمش هى شريكتى فى الحياه فى كل كبيرة وصغيرة ..وانا اتعلمت منها حاجات كتير جدا زى ماهى اتعلمت منى حاجات برضه ..من غيرها البلكونه والشارع والحياه مايبقاش ليها طعم بالنسبالى ..اتهامك ليها بالسطحيه اتهام ليس له معنى لانها لها رؤيه ثاقبه فى الحياه وليست نعامه تدفن راسها فى الرمال

هايدى
شكرا على تشريفك لبلكونتنا المتواضعه
الزمن اللى بتتكلمى عليه دا مش عارف هانكون موجودين اصلا ولا لا؟ ومش عارف هانعيش فين؟ يمكن زى مابتقولى فى مواسير ويمكن ربنا يرحمنا ويتراءف علينا ويبعتلنا انقاذ من السماء

أنا إنسان said...

القافلة الثانية
القافلة الطبية الثانية تجاوز عددها ال250 مشارك
وتتكون من أوتوبيسات ضخمة
وسيارات شركات
وسيارات خاصة
ومشاة يبحثون عمن يقلهم
والقافلة الأولى رجع بعضها
والاخرون ذهبوا متسللين مع الاستاذ مجدي حسين
ووصلوا إلى كوبري السلام
وإن شاء الله نتابعكم بآخر الأخبار

George said...

anty ma7zoza awy 3lashan ana meshe fee masr 3lashan lawe kont mawgod makontesh 7a3ady 3aleh zay 3amo Nady wala Zakary howa yadob telephone wala ah ya magamego

Bas sama7 el marady 3lashan 7aget
El nono

WAlahey Wa7astony Awy Awy

George USA

Migo Mishmish said...

حلوة يا ميجو
تخش تشتم بالانونومس وبعدين ترد على ان الكلام استفذك
بس معلش يا حبيبي الكلام ده ماياكلش معايا. برضه مفيش نزول النهاردة ونسبة الخصم هتفضل زي ما هي

الى الاخ جورج
مجاميو جوزي وانا حرة فيه اغسله وانشره واكويه
وبرضه مش هاينزل حتى لو انت اتصلت من المريخ
Love,
MishMish

George said...

bas matez3alesh lama anzel masr


George USA

عموعصام said...

الله الله ياميجو بس كان لازم تعرضها عليا قبل نشرها عشان الحق اختار اللومان او الظهور فى الصوره

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق