Tuesday, February 3, 2009

بسكو مصر


مافيش فى الدنيا صاحب

يتصاحب

(زى (الشمعدان

كل مابتحبه

بيحبك كمان وكمان

اصل الصحاب انواع

(صحاب نوعها ( نايتى

(و(مولتو

لا تشبعك..

ولا تخليك جعان

وصحاب تانيين

محنطين...

منشييين

(زى( بسكو مصر

تاكل قطمه واحده

يلزق فى بقك

وتبقى عطشان

(وصحاب زى( بيمبو

مافيش منها فى السوق

ولو لقيتها ...

تقول ..

مش دا الطعم بتاع زمان


ميجوووووووو

16 comments:

على باب الله said...

الشمعدان و البمبو و أكياس لوليتا و كيمو كونو

يخيبك ... فكرتني بالذي مضى

: )

Migo Mishmish said...

على باب الله
بذمتك مش الصحاب انواع زى البسكويت ؟ لكن للاسف مافيش الصديق الشمعدان الوفى الى زى مابتحبه بيحبك كمان وكمان تحياتى
ميجوووووو

Unknown said...

بجد يا ميجو انت عسل
بس تعرف والله معاك حق فعلآ في كل كلمه

بوسلي ساندو

حاسوباتيه said...

ههههههههههه حلو التشبيهات دي قوي وانا من اشد المعجبات بكل منتجات بسكو مصر خصوصا بسكوت لوكس مع الشاي

Mafrousa said...

لا لا لا لا
انا مش بحب اصاحب الناس الوحشين دول
انا اصحابي
شبسي و دوريتوس
هههههههههههه

Anonymous said...

I've always seen your blog's name in Hassan el Hilali's blog, this is my first time to come here and read.

Really nice, you have a cute style.

Marika

صوت من مصر said...

بسكو مصر
طب مفياش عندك ريرى بتاع هتلنا ريري هتلنا ريري
هتلنا منه باكو واتنين ؟

Fahd said...

ربنا يهديك

ايه الحلاوة دي

امال فين طاهر القويري

Migo Mishmish said...

ايمى
اهو كله قلش فى اى حاجه ساعات الواحد بيبقى مهيس وبيكتب حاجات غريبه
تحياتى

Migo Mishmish said...

حاسوباتيه
انا بحب البسكوت بالبلح بيبقى جامد جدا مع الشاى فى البلكونه
تحياتى

Migo Mishmish said...

مفروسه دايما يارب
بس ابقى خلى بالك من الحاجات دى عشان لاتسمن ولا تغنى من جوع
تحياتى

Migo Mishmish said...

marika
nice 2 c u in el balakona . we wish 2 come back 2 have some tea with us me and mishmish and sandra
bye

Migo Mishmish said...

صوت من مصر
--------
الحقيقه انا ماصاحبتش حد لغايه دلوقتى من نوعيه ريرى ريرى هاتلنا منه باكو واتنين ..لو انت شايف ان فيه حد من صحابك كدا ..انت ادرى
تحياتى
ميجوووووو

Migo Mishmish said...

فهد
انا مش عارف كلامك دا تريقه ولا ايه بالظبط ..وبعدين ربنا يهدينى على ايه؟
ممكن تفهمنى اصل فهمى بطيئ شويه؟
لو كلامك اعجاب ..متشكرين ياعم على ذوقك ..
اتمنى انك توضح اكتر عشان كلامك مختصر ومش مفهوم ..اصل دماغى راحت لبعيد شويه
تحياتى
ميجووووووووو

Fahd said...

ربنا يهديك

يابني انت ايه اللي فهمته ده


انا بقول ربنا يهديك علي شقواة افكارك

اسلوبك ساخر وضحكني جدا

دمك خفيف

زي ما بنقول كده الله يجازيك

Migo Mishmish said...

فهد
معلش انا اسف على الدخله الى مش مظبوطه بتاعتى دى ...اصل ولاد الحرام ماخلوش لولاد احلال حاجه ..معلش اصل اسلوبك مختصر وافتكرت انك بتتريق ..على العموم حصل خير ..وانا علطول بعدى على المدونه بتاعتك ..وقلت مش معقول واحد محترم زى فهد يتريق عليك ياواد ياميجو
على العموم دى بدايه صداقه مابيننا وتبقى علطول فى البلكونه ونشرب شاى سوا تحياتى
ميجوووووو

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق