Monday, July 11, 2011

وده تحت السلم ... في تعبان

بيقولك 
الرئيس اليمني المحروق صالح يستعد للعودة إلى صنعاء ١٧ يوليو .... وإن ما يقلق الرياض وواشنطن هو القوة الكبيرة فى الشارع اليمنى للإسلاميين، وهو ما يعكس مخاوف من المرحلة المقبلة من قوة نفوذ التيار الإسلامى فى اليمن، الأمر الذى يفسر التوجه (السعودى - الأمريكى) القاضى بالدفع بأن يكون أحمد على صالح، نجل الرئيس اليمنى هو مرشح الحزب الحاكم لخوض الانتخابات الرئاسية المقبلة لكون ذلك الضمانة الوحيدة للحفاظ على مصالح واشنطن والرياض فى اليمن
طيب اذا عرفنا ان السعودية صرفت من سنه 1975 لغايه سنه 2000 أكثر من 70 مليار دولار لنشر المذهب الوهابي اي ما يعادل اكثر من 2 مليار دولار سنوياً - المصدر
اللي هو نفس المذهب / المنهج الذي يتبعه الاسلاميين (اللي السعودية متخوفه منه) والغرض الاساسي منه هو تحويل الشعوب الى قطعان من معدومي الفكر يساق شمال ويمين بالفتاوي اللي تخدم السلطة .... وزي مانتوا عارفين ان الدولة السعودية الحديثة صنيعة شركات النفط الأمريكية وحكومة الولايات المتحدة تماماً. ففي العشرينات كانت السعودية مجتمع إقطاعي حكم فيه عائلات مختلفة مناطق متعددة. وتم تشكيلها كدولة في 1932 عندما هزم ابن سعود وعشيرته العائلات الأخرى ووحدوا الدولة وأطلقوا عليها أسمهم. - المصدر
طيب واذا عرفت ان وكيل وزارة التجارة لشؤون التجارة الدولية بوزارة التجارة الأميركية فرانسيسكو سانشيز أعلن أن الشركات الأميركية وقعت عقودا مع الحكومة السعودية خلال العام الجاري بنحو 525 مليار ريال "140 مليار دولار" تركزت في قطاع الطاقة.  - المصدر
وان متوسط مبيعات النفط الخام السعودي في الولايات المتحدة بلغ مليون و148 ألف برميل يومياً - المصدر

يبقى مين المسئول دلوقتي عن اللي بيحصل دلوقتي في العالم العربي المنكوب؟ ياما نرضى بحكم طرطور ظالم مستبد يصادر حتى على الهوى اللي بنتنفسه ياما يهددنا بالاسلاميين - اللي هما انتاج سعودي وامريكي مشترك؟
عايزين حريه براحتكم انا هامشي واسيبهالكم بس علشان تبقوا عارفين
 تحت السلم .... في تعبان
وبعدين يجي واحد عبقري زي وزير الخارجيه الجديد يقول ان السعوديه - بتاعه الجاز - هي الشقيقه الكبرى لمصر - لفظ قبيح - !!!!!!! ؟
وعلشان التمثليه تكمل يطل علينا المسئولين الامريكيين بخطابات عن حق الشعوب العربية في تقرير مصيرها والتمتع بالديموقراطيه؟
السعودية جابت التعبان وامريكيا بتكفله والخرفان في مصر وفي سوريا وفي اليمن والبحرين و..و... بتتساق للدبح علشان خاطر عنين استقرار الشقيقه الكبرى والمحافظة على نصيب الدولة العظمى في الجااااااااااززززززززز
جاااااااااااااااااااااااااااااااااااااااااز
MishMish

17 comments:

Tears said...

السعودية دى من يوم ما اتغير اسمها و مابقتش الحجاز و هى مختطفة من عصابة شريرة و للاسف شرها مطرطش على العالم العربي كله

حال البلد محسسنى بقهر

Migo Mishmish said...

انتي عافه يا تيرز انا اول مرة اعرف المعلومات ديه .... اصلي كنت علمي طول عمري ومكنتش بحب اقرا تاريخ
بس لما عرفت الكلام ده لاقيت ان امريكيا والسعوديه الاتنين وجهان لعمله واحدة
الاتنين معندهمش لا ضمير ولا انسانيه
واحدة بتصريف على تغييب عقول الناس وتشحنهم للعصور الظلامية وواحد تانيه بتمول الصرف بفلوس الجاز
ويجي واحد تيت ********** زي وزير الخارجيه الجديد يقول ان السعوديه شقيقه كبرى ... شقيقه كبرى لمين لـ 7000 سنه حضارة
شكله كان مزنوق في جردل جاز هو كمان
MishMish

Ms Venus said...

شقيقة وكبرى كمان ؟


يعينى عليكى يا بلدى


مافيش فايدة

Migo Mishmish said...

Ms Venus
طبعاً مش اشتروا تاريخنا السينمائي كله ونص الصحراء علشان يزرعوا فيها برسيم
والفنادق الكبيرة والمولات
لولا ان الاهرامات وابو الهول اصنام كانوا اشتروها هي كمان
ودفعوا معونة للجيش
استنى شويه هتبقى السعوديه الشقيقه الكبرى وصاحبه البيت وهتيجي تطالبنا بالايجار ... يا الدفع يا الحجز
MishMish

Migo Mishmish said...

Anonymous
بص يا عم
التعليقات هنا لمناقشه فكرة البوست سواء ان كانت لتأيديها او لنقضها
انت بتخش تشتم ... وبتقول اي كلام ...وانا مبحبش اذي حد ... علشان كدة مابنشرش تعليقاتك لان حرام اللي يخش المدونة يقرالك تعليق تقلب مزاجه بقيه اليوم... فلغايه لما تتعلم تستخدم مخك - اللي هو في الفراغ اللي موجود تحت شعرك على طول - ويبقى عندك فكر ... وتعرف تناقش ما تكتبش تعليقات علشان مش هانشرها
ماشي يا عم
MishMish

Anonymous said...

طيب إذا كان كده الموضوع طالب مناقشة خلينا نديها مناقشة

دلوقتي كل الكلام المذكور في البوست مجرد كلام مرسل .. فين الدلائل عليه ؟

Migo Mishmish said...

Anonymous
لا يا باشا الكلام مش مرسل ولا حاجة لو تعبت نفسك في القرايه هتلاقي بعد كل سطر مكتوب المصدر اللي متاخد منه الكلام
MishMish

Anonymous said...

أولاً المقالة فيها تعصب وتحامل على السعودية.
في ردك اللي فوق بتستنكري كلام وزير الخارجية وشكل الغرور لف عقلك عشان تقولي 7000 سنة حضارة
صباح الخير هي فين الحضارة دي ؟
شوية حجارة على كم رسمة عالطوب والحيط وكلام على الورق ... هي دي الحضارة ؟!
طيب ولو فرضنا ان مصر دي سبعتلاف سنة حضارة فين المشكلة لما تكون السعودية الشقيقة الكبرى لمصر ؟

وايه المشكلة لما يكون في علاقات بين السعودية وامريكا هل ده حرام يعني ؟
ما هي مصر ليها علاقات وثيقة مع اسرائيل , طبعا مش محتاج اتكلم عن تصدير الغاز لإسرائيل , هل اعترضتي على كده ؟

وهل انتي غيرانة مثلا من ان السعودية عندها اكبر احتياطي نفط في العالم , حرام يعني يستفيدوا من النفط ؟

Migo Mishmish said...

Anonymous
امسك كلامك واحده واحده واناقشك بعيدا عن الكلام المرسل والعبارات الانشائيه ..اولا انت بتقول :المقاله فيها تعصب وتحامل على السعوديه ...واضح ان عندك خلط بين المقدسات الاسلاميه فى السعوديه وبين السعوديه كدوله ..المقدسات الاسلاميه لها كل الاحترام ..نحن نتحدث عن السعوديه كسياسه ..اذا كنت ترى ان السعوديه هى الشقيقه الكبرى لمصر اذن فانت حر ..لكن لا تمحى تاريخ مصر كله عن عمد او جهل ..اذا كنت لاتعرف قيمه بلدك التى ذكرت فى الكتب السماويه جميعا فهذه مشكلتك ..اذا كنت تشعر بالدونيه وان السعوديه هى ستك وتاج راسك فانت حر ..اذا كنت ترى ان الحضارة المصريه هى مجرد حجارة او نقوش فهذه مشكلتك انك جاهل ومغلق العقل ..فهذه الحجارة هى التى تطعمك الان وتصرف عليك وبدونها كان زمانك شريد فى الشوارع ..من حقك ان ترى انه لا مشكله فى ان تكون السعوديه هى شقيقه مصر الكبرى ..لكن هذه ليست الحقيقه ..مصر هى ام الدنيا وهى فجر الضمير الانسانى ..كيف تكون هى شقيقتنا الكبرى ونحن من علمناهم القراءة والكتابه..هل الاصغر ام الاكبر هو من يعلم الاخر ؟؟..اما اذا كنت تقصد انها الكبرى لانها تمتلك الكثير من المال ..فهذا خطأ فهل لو انت اغنى من شقيقك الاكبر تصبح اكبر منه ؟..هل ترى ان الحضارة المصريه شويه حجارة اما البترول هو الحضارة بعينها اليس هذا تناقضا فى كلامك؟.اما عن العلاقه بين امريكا والسعوديه فليس هناك اعتراض ..بل الاعتراض انه يتهمون مصر بالعماله والولاء لامريكا مع انهم يفعلون نفس الشيئ ..لا تعايرنى ولا اعايرك ..لكن لا تعيش فى دور الفضيله ..
اخيرا ..اذا كنت ترى ان مصر قزما او ترى ان السعوديه هى بلدك الام فيمكنك الذهاب هناك وترك مصر لنا نحن المصريين الذين نتشرف بشويه الحجارة اللى مش عاجبينك ..اذهب الى حضارة الرمال غير مأسوف عليك ..لترعى الغنم

Anonymous said...

حضارة رمال ورعي غنم ؟ على أساس ان اقتصادنا وحضارتنا مقطين أمريكا واليابان مثلاً ؟؟
التاريخ اللي على الورق لم ولن يشفع لحاضرنا المنحط , أظن نقطة ميخالفهاش عاقل ..
وعلى أساس إيه مصر تبقى ام الدنيا وفجر الحضارة الإنسانية ؟ على أساس الاقتصاد الراكد ولا الانحطاط الاجتماعي والصحي والفساد الإداري والتعليمي والضعف العسكري والسياسي ...!!

ويلكم تو إيجبت تو ثاوزاند آند إليفين

Kontiki said...

ولسة بيتهيألى لسنا مشوفناش حاجة :(

Ms Venus said...

يااا مشمش هتقولى ايه

اذا كان فى مناظرة كانت معمولة فى التليفزيون وكان فيها الشيخ الشحات اللى هو المتحدث الرسمى باسم الجماعة السلفية والطرف التانى كان فى كاهن ومعاه الرائع نبيل شرف الدين

تخيلى الشيخ السلفى بيقول ايه

فى نوع من الدعابة المقصودة بيقول لنبيل شرف الدين لو هنقسم مصر خد انت الهرم مش عاوزه وادينى النيل

تخيلى !!


ياخد النيل ويسيب الهرم ومش عاوزه

الهرم اللى بيميز مصر

الشيخ مش عاوزه
منتظرة ايه بقى من العقول دى ؟


متتعبيش نفسك


الحضارة اللى مستهون بيها واللى بيقول عليها رمل ونقوش على حجر عرف هو يعمل زيها ؟؟

وبيفتخر بالبترول اللى لما يخلص هيشحتوا ويرجعوا تانى يرعوا الغنم والمعيز


بقولها وهفضل اقولها دايما

لكِ الله يا مصر

مش من اللى برة لا من اللى جوة وعاملين ولادك وهما ابعد ما يكونوا عن اولادك وعن الانتماء والفخر بيكى

Anonymous said...

انا مش عارف إيه العلاقة بالضبط بين البترول والآثار عشان تقارني بينهم بالطريقة دي ..

على الأقل البترول عامل قرشين حلوين

Migo Mishmish said...

Kontiki
عندك حق طالما معندناش كرامه ولا عزة نفس وبنبص تحت رجلينا

Ms. Venus
طبعاً ما هو شحات تربيه مملكه الجاز الكبرى ... هيقول ايه...اما الاخ بتاع الحضارة رسوم على الحيطان ده انا سايبه التعليق بتاعه بس علشان نعرف حجم المأساه اللي احنا فيها ... اخره التعليم بتاع الحكومة ... بدل ما ندرس التاريخ المصري ... بندرس تاريخ جزيرة الجاز وقبيله حمير
MishMish

Migo Mishmish said...

Anonymous
معلش
MishMish

Anonymous said...

لللاسف لقب الشقيقه الكبرى يطلق عندنا في الكويت على هذي الدولة المتخلفه مع احترامي للسعودين طبعا لكن دولة لا تسمح لنصف مواطنيها بالتصرف بدون اذن النصف الاخر لا يجب ان تسمى شقيقه كبرى

Migo Mishmish said...

KrKor
صدقني ما كنت اعرف انها مشكله منتشرة كدة ... كنت فاكرة ان احنا بس اللي ابتلينا بيها
ومش عارفه برضه على اي اساس شقيقه كبرى ... اكبر من مين يعني
MishMish

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق