Tuesday, October 30, 2007

جواز عتريس من فؤادة باطل

عتريس عايز يتجوز فؤادة..... وابوها بيماطل

عشان عتريس قاعد في بيتهم ....... جنب امه عاطل

عــشـــان كـــدة جـــواز عــتـريـس من فـــؤادة بـــاطل

عتريس راح لابوها وكلمه برقه

عايز اتجوز فؤادة.....بس بقى اديني زقه

ضحك ابوها بصوت عال

هأوأوأوهأهأة العب بعيد يا شاطر..... روح الاول اشتري شقه

ولف عتريس في الشوارع.....حتى الحواري والازقه
تايه يا ولداه.....بيدور على اي شقه
بس الزمن غدار.....ماعندوش غير كلمه لأ
ساعتها حس انه مسمار.....فوق رأسه مليون دقه ودقه
عتريس صحته اتدهورت وسنينه منه اتبعترت
وفضل مستنى على القهوة..... عمره اللي راح منه في سهوة
وغليت الاسعار والحاجة ولعت نار
ولسه الحكومة بتماطل وابوها لسه بيماطل
وعتريس في بيتهم عاطل
عــشـــان كـــدة جـــواز عــتـريـس من فـــؤادة بـــاطل
ميـجــــــو

4 comments:

Migo MishMish said...

يا اشعارك يا عم ميجو
شفتوا ميجو دخل الحرب بقوة وبشدة. اظهر سلاح الشعر وانا علشان اكتب موضوع اقعد تلات ساعات اخططله واكتبه بوجهات نظر مختلفه
ميجو قعد امبارح قدامي قي ظرق 1/2 ساعه كتب 3 قصائد ورسم شوية روسومات كمان عموماً انا هاغيب اغيب واطلع بحاجة مش هايعرف يعمل زيها
MishMish

Anonymous said...

تمنياتي الحلوه لك ياميجو

بن كريشان

Migo MishMish said...

Thank U Bin, we love to have u as a friend

Tarkieb said...

قوية أستمر في السن يا حزقيل

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق