Friday, October 24, 2008

لما كنت كتكوت

زمان
لما كنت كتكوت
كان فوق السطوح فيه عشه
مليانه بالطيور
كنت اطلع العب معاهم
واحطلهم فول
وقمح
فى طبقى الزغنطوت
ولما كانو يشوفونى
يعزفو سيمفونيه
مانا قائد الاوركسترا
وجاى فى المعاد مظبوط
كنت اسمى كل واحد
ديا الفرخه نازك
والديك دا اسمه فتحى
ودكر البط.. شلتوت
كنا عايشين فى سعاده
والدنيا سكر زياده
والكل كان مبسوط
لكن ....
كنت اهرب
اهرب فى جلدى واموت
لما اشوفهم
واحد ورا التانى
بيندبح ويموت
..زمان
...زمان
لما كنت كتكوت !
ميجووووو

5 comments:

Anonymous said...

كان اسود يوم فى عمرى لمل امى دبحت الديك معتز بس احسن حاجه فى اليوم الاسود ده انى هبرت نص الديك لوحدى

سلام يا كتكوت

Anonymous said...

لو انتى اللى كاتبة الكلام ده بنفسك يبقى انتى موهوبة جدا

Migo Mishmish said...

جورج العزيز
انت هاتقولى يافالح؟منا عارفك طول عمرك طفس ومفجوع ولا تفرق معاك ان صاحبك معتز يندبح

الاخت مصريه
على فكرة انا ميجو مش مشمش

Anonymous said...

ياجماعه محدش يصدق ميجو دا كان بيطلع السطوح يعنى الدور الخامس ويرمى القطط من فوق وكان بيفرح جدا لما مامته تدبح فرخه لأنه بيحب الفراخ جدا.

الله...الوطن...أما نشوف said...

ايه التعليق المصيبة اللي انتي سايباهولي على المدونة دة؟؟؟:))))فطستيني من الضحك الله يسعدك...طيب يا ستي أنا رديت بتدوينة طويييييييييييييلة حتفضلي تقري فيها أسبوع :)) نوريني دايما وشكرا على افتقادك

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق