Friday, March 21, 2008

اغانى مضروبه


ايه رايكم فى الاغنيه دى ؟؟ مع احترمى الشديد للملك منير بس انا كان ليه تصور تانى والى عنده اى تصور هو كمان

يكتب ويقول رايه

الفقر حبيبى وشريانى ..اهدانى بطاقه شخصيه

الاسم الكامل خريج ..من اى جامعه مصريه

المهنه عاطل وبدور ..على اى شغلانه وهميه

والشغلانه فاتحه على الشارع ..والشارع هايرحب بيا

......

الفقر حبيبى وشريانى ..اهدانى بطاقه شخصيه

ولسه باخد مصروفى ..الهى يخليلى والديا

عالقهوة بناضل بتعلم ..وصحابى عالم فقريه

استاذ فى الدومينو وفى الطاوله ..وخلاص بقى فاض الكيل بيا

......

9 comments:

Desert cat said...

هو انا من وجهة نظرى انه بيوصف حال الشباب خريجين الجامعة وفى نس الوقت عواطليه
والله الناس دى بتصعب عليا قوى
نصيبهم انهم فى وطن رافضهم
تحياتى

blackcairorose said...

ميجو

أول معرفة لى بمدونتك المميزة

أعذر جهلى ولكن هل هذه أغنية جديدة لمحمد منير؟

وأين يمكن ان أسمعها على النت؟

كلماتها تبدو أكثر جرأة عن المعتاد من منير، أو ربما أنا أتحدث عن منير من عشرة أعوام أو أكثر حين كنت على دراية أكثر بأعماله

وتحياتى

Migo Mishmish said...

الاستاذ او الاستاذه بلاك روز تشرفت بوجودك فى مدونتى انا ومشمش ..انا من مجانين محمد منير ومن اشد المؤيدين لتجربته فهو فنان بمعنى الكلمه يعبر عن حاله فنيه مختلفه ..هذه الاغنيه هى اغنيتى على وزن مساكن شعبيه فانا اهوى كتابه الشعر العامى ..فهذه الاغنيه من تاليفى ..اى انها رؤيتى فى اغنيه مساكن شعبيه ..وشكرا على تعليقك

Migo Mishmish said...

ازيك يا قطة
انا بس حبيت اسلم عليكي
love,
MishMish

HafSSa said...

لووووووووووووووووووووووووووووووول
مع الاعتذار للاغنية فعلا
دمكوا خفيف اوي يا ميجو انت و مشمش

بس يا ريت اعرف مين ميجو و مين مشمش

بتفكروني باتنين صحابي هنا في قطر
دمهم خفيف زيكوا كده بالظبط

تحياتي

HafSSa said...
This comment has been removed by the author.
Migo Mishmish said...

هاي يا حفصه
انا مشمش زوجوجة الاستاذ واسمي ايمان
وميجو زوجوجي اسمه امجد
يا ريت يكوني عرفتي الفرق كمان في فرق واضح في اسلوب الكتابه تلاقي ميجو بيكتب باسلوب لطيف ومعظم كتباته يبقى فيها شعر
انما كتاباتي كلها تحسي فيها انا بتخانق مع اي حد او اي حاجة تقدري تقولي كدة بقول شكل للبيع
بجد انا مبسوطة قوي اننا بقينا صحاب
Love,
MishMish

HafSSa said...

و انا كمان يا مشمشة
مبسوطة اني عرفت ناس حلوين زيكوا كده

HafSSa said...

صحيح نسيت اقول
انا اسمي حفصة بالصاد مش بالظاء

معلش انا عارفة اصله اسم تقيل حبتين شوية

There was an error in this gadget

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق