Tuesday, June 28, 2011

صور ...وتعليقات

الدعايه الساسيه لحزب الإقصائيين والمفكرين بما تحت حزام البنطلون

اللي شايف ان ده مسيء 


ايه رأيه في السفاله ديه



ده مش حقد على الدين ...ده إنذار لعدم تسليم السلطة لمدعي الحكم بإسم الله

 اغتيال براءة ... مش حرام


MishMish

11 comments:

Ramy said...

مساء الخير

شوفى انتٍ معاكِ حق بس اللى مضايقنى فى الموضوع

انا من الناس اللى اتنرفزوا من ساويروس علشان الموقف ده

لأن ساويروس المفروض ان شخصية عامة مسيحية يعنى اى حاجة هيقولها هتتاخد عليه حتى لو مش قاصد بيها سوء لحد بس هو عارف نقطة الدقن و النقاب حساسة أزاى دلوقت

يعنى كلهم قالوا على ساويوس انه اساء

طب ما يبوصوا على مهازل الفتاوى اللى قالت لازم نقتل ميكى ماوس و جيرى علشان دول فيران نجسه

لازم نتعامل بحكمه مع عقول زى دى مضلمه

Tarkieb said...

انا بصراحة مالقيتش في صورة سوريس اي حاجة ضد الاسلام ومقصود بها اسلمة كل شي حتى ميكي ماوس مش اكتر...ربنا يرحمنا من انفسنا

Migo Mishmish said...

Ramy
بص هو موقف مش مفهوم بصراحه من ساويروس علاوة على ان الصورة قديمة وموجودة في كل حته
الفكرة ان العالم ديه مش شايفه قله ادبها ... يعني اللي زعلانين صورة حاططها واحد على الصفحه بتاعه في تويتر ...مكنوش بيشوفوا تطاول السلفين والتهديد الزغبي بالدخول للكنايس والاديرة يدورا على سراب في دماغهم وكذبه الفوها وصدقوها ...وقله ادب وشتيمه في مظاهرات رخيصه من اجل ساقطات كعبير ووفاء وكاميليا الهابله ...انا مش بقول كدة لانهم اسلموا ... انا فعلاً مع حريه العقيدة ومع الغاء خانه الديانه من البطاقه ...لكن وفاء ديه كانت مصاحبه زميل ليها في الشغل وفضلت سنه على علاقه بيه ... عبير كانت عايزة تطلق ومصاحبه واحد على جوزها وكاميليا الهابله قعدت مختفيه متعرفش في انهي داهيه والبلد بتولع وبعدين تقول سيبوني في حالي ...طب ما طلعتيش ليه يا حلوة ترقعي بالصوت وتقولي انا مسلمه وهافضل مسلمه لاخر يوم في عمري ...او انا مسيحيه وابو يحي وامثاله كدابين حتى لو كانوا قتلوها ..اهي على الاقل كانت نالت احترام الناس بدل جو العصبات اللي هي معيشه نفسها فيه ده
لو كنت بساند ساويروس فانا في الواقع بساند حريه الرأي والتعبير ... الصورة محدش كان هاياخد باله منها لو محدش علق ...لكن مش هنسمح لعالم معدومي الفكر والقضيه عاملين زي جيوش من جراد الفكر جايين من القرون الوسطى تتحكم فينا
MishMish

Migo Mishmish said...

Tarkieb
الصورة قددديمة قدم السنين وطلعت بعد ما فتوى ميكي ماوس ظهرت ...وبعدين اذا كان الاخوة السلفيين بيضايقوا لما حد بيتقريا عليهم المفروض انهم يقولوا للشيوخ الخبزعبليين يطبلوا يفتوا فتوى عبيطة تضحك العالم عليهم
هو كان حد هيفكر يعمل كدة لولا فتوى المعيه ما ينفعش حتى الواحد يجيب سيرتها في مكان عام لا يفتكروة مجنون
المهم ان الناس ديه اول ناس تقولك الديموقراطيه وحقوق الانسان واول ناس عايزة تمسك كرابيج وتمشي تضرب الناس في الشوارع
MishMish

Ms Venus said...

مفروسة وهطق ونفسى كنت اكتب فى الموضوع ده بصراحة

العقول عندنا بقت تحت الصفر

والتخلف والجهل والغباء بقى بشع بشع


حاجة تقرف

Ms Venus said...

شوفى الفيديو ده يا مشمش


http://www.youtube.com/watch?v=A-MtgIYbVSI&feature=player_embedded

Kontiki said...

احب اسلوب خير الكلام ما قل ودل التعبير بالصورة افضل من ملايين الكلمات فى عصر اللغو و الصوت العالى
بوست موفق جدا :)

MishMish said...

Ms Venus
ناس دماغها فيها قرص جله ما يتقالش عنهم اكتر من كدة
واللي في الفيديو ما يختلفش عن كلام مرشد الاخوان: طظ في مصر وابو مصر
المهم ان من عماهم الفكري عمالين يقولوا هو ماتحاكمش لغايه دلوقتي ليه ...مع ان السؤال اغبى من اللي سأله ...حطوا كل الاحتمالات في الاجابه انه بيرشي القضاه والمحامين والمجلس العسكري ...مع ان الاجابه ممكن تكون بمنتهى البساطة انه نضيف ...يعني حسني مبارك وصفوت الشريف وهشام طلعت وجمال وعلاء واحمد عز فقرا ولا قلالات الحيله مايقدروش يدفعوا رشوه هما كمان
.........ناس مخها ميت اكلينيكاً

Kontiki
شوفتي البنت الصغيرة اللي ملبسنها اسود ...وواقفه في عز الحر في مظاهرة علشان اختهم - سيئه الذكر- كاميليا...طب ديه منتظر منها ايه لما تكبر

MishMish

hard dream said...

استغرب من تحاملك على الاسلام و كل ما يتعلق بالاسلام
فاذا رئيتى ان كل دول التى تتبع نظام اسلامى هى ديكتاتورية و ما تحترم حقوق الانسان ياعزيزتى المشكلة ليس فى الدين او نظام الاسلامى انما المشكلة فى عقلية العرب عقلية متحجرة و قلوبهم قاسية
اما صورة طفلة المتحجبة مدمت رئيتها اغتيال للبراءة فلماذا الحجاب يزعجكم كل هذا الازعاج بينما سفور ولبس بيكينى فى البحر و خروج المتبرجة بملابس سافرة مما ادى الى انحلال اخلاقى لماذا هذا لم يزعجك ؟
و السلام

Migo Mishmish said...

Hard Dream
انا اللي مستغربه انك شايف اني في تحامل على الاسلام في البوست ده بالذات او اي بوست تاني
الكارتكاتير الاولاني انا جيباه من احد المواقع الاسلامية ... يعني هما اللي بيتحاملوا وبيلقلوا ادبهم علي غيرهم "اللي بيسموا نفسهم بالاسلاميين يعني مش المسلمين الطبيعين" هما قالوا ان اللي مختلف معاهم ياما شاذ ياما داعر ياما خمورجي ياما حرامي ياما بلطجي
المشكله يا سيدي الفاضل ان اصحاب فكرة حكم "الدين" هما اللي جابوه لنفسهم لما دخلوا الدين في كل حاجة يبقى لازم يستحملوا النقض

طب وفي رايك هل الناس اللي طلعوا يوم جمعه قندهار في ميدان التحرير وشايلين صور اسامة بن لادن لو مسكوا الحكم هيحترموا حقوق الانسان
تاني المشكله مش في الدين الاسلامي او اي دين المشكله في المتحدثين باسم الدين واللي فاكرين ان الجنه والنار الابعديه بتاعه ابوهم بيوزعوها على هواهم
غير كدة لو حاكم علماني عادي بني ادم زينا مش نصف اله ولا حاكم بامر الله ينفع اعترض عليه واقوله "ارحل يعني امشي" انما الحاكم الشرعي او الامير اطلع اعترض عليه ازاي
اسبله الدين مثلاً

الانحلال الاخلاقي يا فندم ماظهرش غير لما ظهرت فقه الجواري واعتبار الرجل كائن شهواني - يعاني من حاله هياج دائم وهي مرتبه اقل من المرتبه الحيوانيه حيث ان فتره النشاط الجنسي للحيوان تكون في مواسم التزاوج فقط - غير قادر على التحكم في غرائزة والمرأة مثيرة للشهوات ومكانتها لا ترتفع كثيراً على مكانه المبولة - لا مؤاخذه
المتبرجات والسافرات كانوا في مصر وفي ايران وافغانستان ومكنش في سعار جنسي زي اللي موجود دلوقتي ودول مكنوش كفار وعبده اصنام
انما دلوقتي التحرش بقى على عينك يا تجار وبتوصل لدرجه شد النقاب من على وشوش المنقبات ... ولو مشفتش ممكن تخش على اليوتيوب وتتفرج بنفسك ...لا وبيظهر امتى التحرش بعد العيد الصغير بالذات ... يعني بعد رمضان اللي مفروض الناس تكون فيه جددت عهودها وعلاقتها بربنا
وبعدين اللي بينادي بحريه الحجاب والنقاب لازم يقبل كمان البيكني ويدافع عن حريه البيكيني وما يقولوش بص ديه لابسه ايه
عموماً انا مش مضايقني في الصورة ان البنت محجه على قدا ما ضايقني انها شكلها فطسان من الحر ولابسه اسود
انهي عقل يقول ان طفله صغيرة ما تعرفش من الدنيا غير لعبها والشكولاته والايس كريم وافلام الكرتون بدل ما تلبس فستان ابيض وتعمل شعرها ضفيرتين وتلعب في جنيه مليانه ورد قبل ما تشيل هم الدنيا تتكفن في عبايه سودا تغتال برائتها في ثانيه

لتالت مرة بقول ده مش تحامل على الدين في حد ذاته ... ده رفض للقمع تحت اي مسمى
MishMish

Unknown said...

كنت بتابع مدونات بلوجر للخروج بأفكار جديدة لأقسام مدونتى وإذ بى هنا
كل مأستطيع قوله هو ان التجاوز مرفوض ولا يوجد دين أو عقل سليم او تفكير قويم يقبل بالتطاول على اى رمز دينى
دعينا نقول ان فى كل مكان هناك الصالح والطالح وهذا يعكس أخلاقه وبيئته وثقافته
عينة الزغبى و زكريا بطرس نوعيات يلفظها الجسد المصرى قبل ما يرفضها الدين
مرة أخرى أنا سعيد جدا بالدقائق التى قضيتها هنا وأعدك لن تكون الأخيرة طالما هذا القلم الحر المثقف هو من يكتب

علشان محدش يزعل

كافه المواد المنشورة في هذا الموقع محفوظة بموجب قوانين حقوق النشر والملكيه الفكرية ولا يجوز نسخ هذه المواد او اعاده انتاجها او نشرها او تعديلها او اقتباسها لخلق عمل جديد او ترجمتها او إذاعتها او انتاجها للجمهور باي شكل من الاشكال دون الحصول على اذن مسبق